ខេត្តព្រះសីហនុ ៖ បុរសម្នាក់ត្រូវបញ្ជូនទៅសង្គ្រោះបន្ទាន់ នៅមន្ទីរពេទ្យក្នុងរាជធានីភ្នំពេញ បន្ទាប់ពីជួបឧបទ្ទវហេតុគ្រោះថ្នាក់ចរាចរណ៍ កាលពីវេលាម៉ោង៨ និង១០នាទីយប់ ថ្ងៃទី២ មិថុនា នៅលើវិថី៧មករា មុខសាលារៀនមួយកន្លែង ស្ថិតក្នុងភូមិ១ សង្កាត់៤ ក្រុងព្រះសីហនុ ។
ខេត្តព្រះសីហនុ ៖ បុរសម្នាក់ត្រូវបញ្ជូនទៅសង្គ្រោះបន្ទាន់ នៅមន្ទីរពេទ្យក្នុងរាជធានីភ្នំពេញ បន្ទាប់ពីជួបឧបទ្ទវហេតុគ្រោះថ្នាក់ចរាចរណ៍ កាលពីវេលាម៉ោង៨ និង១០នាទីយប់ ថ្ងៃទី២ មិថុនា នៅលើវិថី៧មករា មុខសាលារៀនមួយកន្លែង ស្ថិតក្នុងភូមិ១ សង្កាត់៤ ក្រុងព្រះសីហនុ ។
ប្រភពពីប៉ូលិសឱ្យដឹងថា មុនពេលកើតហេតុ ម៉ូតូម៉ាកស្គូពី ពណ៌ឈាមជ្រូក គ្មានស្លាកលេខ បើកដោយបុរសរងគ្រោះខាងលើឈ្មោះ ជិន សុវណ្ណា អាយុ៣៧ឆ្នាំ ស្នាក់នៅភូមិ៣ សង្កាត់២ ក្រុងព្រះសីហនុ ជាអ្នកលក់ម៉ូតូ ក្នុងទិសដៅពីជើងទៅត្បូង ក៏ជ្រុលទៅបុកជាមួយរ៉ឺម៉កម៉ូតូម៉ាកសាន់យ៉ាន់ ពណ៌លឿង ពាក់ស្លាកលេខ ព្រះសីហនុ 1B-1851 ដែលបើកក្នុងទិសដៅពីត្បូងទៅជើង បណ្តាលឱ្យអ្នកបើកម៉ូតូស្គូពីដួលរងរបួសធ្ងន់ ត្រូវក្រុមគ្រួសារយកទៅសង្គ្រោះនៅគ្លីនិកឯកជន តែដោយសាររបួសធ្ងន់ធ្ងរពេក ក៏បញ្ជូនបន្តទៅមន្ទីរពេទ្យក្នុងរាជធានីភ្នំពេញ ។
ប្រភពពីកន្លែងកើតហេតុឱ្យដឹងថា មុនពេលកើតហេតុ ម៉ូតូម៉ាកស្គូពីបើកយ៉ាងលឿនចេញពីផ្សារលើក្រុងព្រះសីហនុ លុះមកដល់ចំណុចកើតហេតុ បានវ៉ារថយន្តមួយគ្រឿង ក៏ជ្រុលទៅបុកជាមួយរ៉ឺម៉កម៉ូតូដែលបើកក្នុងទិសដៅបញ្ច្រាសគ្នា ។ ក្រោយពេលកើតហេតុ សមត្ថកិច្ចមិនទាន់កំណត់ថា ភាគីណាជាអ្នកខុសទេ ប៉ុន្តែតាមការពិនិត្យនៅកន្លែងកើតហេតុ ម៉ូតូបានបើកចូលចំណែកផ្លូវរបស់រ៉ឺម៉កម៉ូតូ ។ ទោះជាយ៉ាងណា អ្នកបើករ៉ឺម៉កម៉ូតូបានគេចខ្លួនបាត់ ។ បើតាមមិត្តភក្តិជនរងគ្រោះ និយាយថា គ្រោះថ្នាក់នេះមកពីជនរងគ្រោះស្រវឹងខ្លាំងពេក ព្រោះមុនពេលកើតហេតុ បានជួបជុំមិត្តភក្តិផឹកស៊ីតាំងពីព្រឹក រហូតដល់យប់ ៕
ចែករំលែកព័តមាននេះ