កាលពីព្រឹកថ្ងៃទី២ មិថុនា អាជ្ញាធរផ្នែកស្រាវជ្រាវ នៅក្នុងខេត្តស្រះកែវប្រទេសថៃទទួលបានដំណឹងថា មានឧបទ្ទវហេតុរថយន្តទួរីសមា៉កតូយ៉ូតា ពាក់ស្លាកលេខ ៣០៥០-បាងកក ធ្វើដំណើរក្នុងបំណងឆ្ពោះទៅតំបន់ព្រំដែនស្រុកអារា៉ញ់ប្រទេស បានបុកបង្គោលភ្លើងតង់ស្យុងដាច់ជា២កំណាត់ ហើយក្រឡាប់បណ្តាលឱ្យមានមនុស្សរងរបួសធ្ងន់ចំនួន៩នាក់ ។
កាលពីព្រឹកថ្ងៃទី២ មិថុនា អាជ្ញាធរផ្នែកស្រាវជ្រាវ នៅក្នុងខេត្តស្រះកែវប្រទេសថៃទទួលបានដំណឹងថា មានឧបទ្ទវហេតុរថយន្តទួរីសមា៉កតូយ៉ូតា ពាក់ស្លាកលេខ ៣០៥០-បាងកក ធ្វើដំណើរក្នុងបំណងឆ្ពោះទៅតំបន់ព្រំដែនស្រុកអារា៉ញ់ប្រទេស បានបុកបង្គោលភ្លើងតង់ស្យុងដាច់ជា២កំណាត់ ហើយក្រឡាប់បណ្តាលឱ្យមានមនុស្សរងរបួសធ្ងន់ចំនួន៩នាក់ ។
តាមប្រភពពីកាសែតថៃ កាលពីថ្ងៃទី៣ មិថុនា ផ្សាយថា ក្រោយពីអាជ្ញាធរបានទទួលព័ត៌មានក៏ឆ្ពោះទៅចំណុចកើតហេតុប្រទះឃើញលោក ស៊ីត ធីរា៉កកែវថងខាំ អាយុ៤០ឆ្នាំ ជាអ្នកបើកបររថយន្ត និងមានអ្នកដំណើរចំនួន៩នាក់ទៀត រងរបួសធ្ងន់ដោយកៀបជាប់ក្នុងរថយន្ត ។ ជនរងគ្រោះត្រូវបញ្ជូនទៅសង្គ្រោះបន្ទាន់នៅឯមន្ទីរពេទ្យក្នុងខេត្តស្រះកែវ ភ្លាមៗ ។
ក្នុងឧបទ្ទវហេតុខាងលើ អ្នកបើកបរនិយាយថា គាត់ជាអ្នកស៊ីឈ្នួលដឹកអ្នកដំណើរ ហើយភាគច្រើនជា អ្នកជំនួញត្រូវទៅផ្សាររុងក្លឿក្បែរព្រំដែន ក្នុងស្រុកអារា៉ញ់ ។ មុនពេលកើតហេតុ រថយន្តបានចូលចាក់សាំង ក្រោយមកធ្វើដំណើរបានចម្ងាយ៥គីឡូម៉ែត្រ ក៏គាំងចង្កូតបណ្តាលឱ្យជ្រុលទៅខាងឆ្វេងដៃ បុកបង្គោលភ្លើងហើយក្រឡាប់តែម្តង ។
ឧបទ្ទវហេតុខាងលើ ប៉ូលិសឃាត់ខ្លួនអ្នកបើកបរ ព្រោះរង់ចាំធ្វើការសើុបអង្កេតថាតើដោយសារឧបទ្ទវហេតុពិតមែន ឬក៏ដោយសារអ្នកបើកបរងងុយដេកងោក? ដើម្បីដំណើរការរឿងក្តីចោទប្រកាន់ពីបទបើកបរក្នុងការប្រមាថ ធ្វើឱ្យអ្នកផ្សេងរងរបួស ៕
ចែករំលែកព័តមាននេះ