រាជធានីភ្នំពេញ ៖ ម៉ូតូ២គ្រឿងដោយអាងយប់ស្ងាត់ក៏ជិះលឿន ហើយក៏ជ្រុលបុកគ្នាពេញទំហឹងនៅចំណុចស្តុបពេទ្យចិន នៅមហាវិថីព្រះសីហនុ កែងមហាវិថីព្រះមុនីវង្ស ក្នុងសង្កាត់ចតុមុខ ខណ្ឌដូនពេញ នៅវេលាម៉ោង៤ទៀបភ្លឺថ្ងៃទី៣ មិថុនា ។ប្រភពព័ត៌មានឱ្យដឹងថា មុនពេលកើតហេតុ ម៉ូតូឌ្រីមសេ១២៥ ពណ៌ខ្មៅ ពាក់ស្លាកលេខ ព្រៃវែង 1D-1471 ជិះដោយបុរសនារី២នាក់ តាមមហា
រាជធានីភ្នំពេញ ៖ ម៉ូតូ២គ្រឿងដោយអាងយប់ស្ងាត់ក៏ជិះលឿន ហើយក៏ជ្រុលបុកគ្នាពេញទំហឹងនៅចំណុចស្តុបពេទ្យចិន នៅមហាវិថីព្រះសីហនុ កែងមហាវិថីព្រះមុនីវង្ស ក្នុងសង្កាត់ចតុមុខ ខណ្ឌដូនពេញ នៅវេលាម៉ោង៤ទៀបភ្លឺថ្ងៃទី៣ មិថុនា ។ប្រភពព័ត៌មានឱ្យដឹងថា មុនពេលកើតហេតុ ម៉ូតូឌ្រីមសេ១២៥ ពណ៌ខ្មៅ ពាក់ស្លាកលេខ ព្រៃវែង 1D-1471 ជិះដោយបុរសនារី២នាក់ តាមមហាវិថីព្រះសីហនុពីកើតទៅលិច ចំណែកម៉ូតូយ៉ាម៉ាហាស៊ីរួស ពណ៌លឿងលាយខ្មៅ ពាក់ស្លាកលេខកំពង់ស្ពឺ 1C-6876 ជិះដោយបុរសនារី២នាក់ដែរ ក្នុងទិសដៅស្របគ្នាគឺពីក្រោយម៉ូតូឌ្រីម ។
ខណៈមកដល់ចំណុចស្តុបពេទ្យចិន ម៉ូតូឌ្រីមបត់ស្តាំស្រាប់តែម៉ូតូយ៉ាម៉ាហាស៊ីរួស ជាន់ហ្វ្រាំងមិនទាន់ ក៏ជ្រុលបុកពីក្រោយពេញទំហឹង បណ្តាលឱ្យដួលរបួសស្រាល៣នាក់ និងអ្នកបើកម៉ូតូស៊ីរួសរងរបួសធ្ងន់ ។ក្រោយពេលកើតហេតុ អ្នករបួសធ្ងន់ត្រូវរថយន្តសង្គ្រោះដឹកយកទៅព្យាបាលនៅគ្លីនិកឯកជន ចំណែកម៉ូតូទាំងពីរគ្រឿងត្រូវសមត្ថកិច្ចវាស់វែង ហើយយកទៅរក្សាទុកនៅអធិការដ្ឋានខណ្ឌដូនពេញ ៕
ចែករំលែកព័តមាននេះ