រាជធានីភ្នំពេញ ៖ រថយន្តស៊ីនទ្រីដឹកសំរាម១គ្រឿងអ្នកបើកបរប្រើអោយព្រូឡានបើកជំនួសបានរយ៉ែថយក្រោយយកសំរាមបានបើកថយក្រោយទាំងជាប់លេខកៀររទេះលក់បបរ រ៉ឺម៉កកង់បី២គ្រឿង ម៉ូតូចំនួន២គ្រឿង កៀរបង្គោលការាស់សាំង និងបុកផ្ទះលក់អេឡិចត្រូនិករងការខូចខាតយ៉ាងធ្ងន់ ដែលបង្កឲ្យមានការភ្ញាក់ផ្អើលកាលពីវេលាម៉ោង៧យប់ ថ្ងៃទី២៦ ខែតុលា ឆ្នាំ២០១៨ ស្ថិតនៅផ្លូវ២០០៤ភូមិត្រពាំងល្វា សង្កាត់កាកាបទី២ ខណ្ឌពោធិ៍សែនជ័យ នឹងផ្លូវវត្តអង្គតាមិញ សង្កាត់អូបែកក្អម ខណ្ឌសែនសុខ ។
តាមប្រភពព័ត៌មានពីកន្លែងកើតហេតុបាននិយាយថា នៅមុនពេលកើតហេតុគេឃើញរថយន្តស៊ិនទ្រីដឹកសំរាមម៉ាក FUSO ពណ៌លឿង មានលេខ 389 បើកបរក្នុងទិសដៅពីកើតទៅលិចតាមបណ្តោយផ្លូវ 2004 ហៅផ្លូវម៉ៃដាទល់មុខខារ៉ាអូខេមានលាភ ស្រាប់តែរថយន្តដឹកសំរាមបានបើកហួសសំរាមទើបអ្នកបើកបរ និងព្រូបានចុះពីលើរថយន្ត រួចហើយអ្នកបើកបរបានអោយព្រូរ៉ឺយ៉ែថយក្រោយបន្តិច ។
ខណៈព្រូរថយន្តស៊ីនទ្រីឡើងបើករ៉ឺយ៉ែថយក្រោយបានជាន់លេខរ៉ឺយ៉ែថយក្រោយជាប់ហ្គាបានថយបុករទេះលក់បបរ កៀររ៉ឺម៉កកង់បីចំនួន២គ្រឿង ម៉ូតូចំនួន២គ្រឿង កៀរបង្គោលការាស់សាំងបណ្តាលអោយរងការខូចខាត ហើយរថយន្តនៅតែមិនទាន់ថយក្រោយទៀតទៅបុកផ្ លក់គ្រឿងអេឡិចត្រូនិកបណ្តាលអោយបែកទូរកញ្ចក់ដាក់គ្រឿងអេឡិចត្រូនិចខូចខាតយ៉ាងធ្ងន់ធ្ងរ ។
ប្រភពព័ត៌មានបានបន្តទៀតថា ខណៈបុកចូលផ្ទះប្រជាពលរដ្ឋខាងលើរថយន្តកំពុងបើករោទិ៍យ៉ាងខ្លាំង ត្រូវបានប្រជាពលរដ្ឋឡើងជួយពន្លត់រថយន្ដ ចំណែកព្រូ និងអ្នកបើកបរភ័យខ្លួនបានរត់ចោលរថយន្តបាត់ទាំងអស់គ្នា ។
ក្រោយពេលកើតហេតុកម្លាំងនគរបាលប៉ុស្តិ៍នគរបាលទាំង២សង្កាត់និងទាំងពីរខណ្ឌ បានមកដល់ហើយបានទាក់ទងទៅជំនាញចរាចរណ៍នៃការិយាល័យចរាចរណ៍ផ្លូវគោករាជធានីភ្នំពេញដើម្បីមកវាស់វែង និងយករថយន្តបង្កខាងលើយកទៅរក្សាទុកដើម្បីរង់ចាំការដោះស្រាយថ្ងៃក្រោយ ៕
ចែករំលែកព័តមាននេះ