ការផ្សាយពាណិជ្ជកម្មលើ App Store នឹងមានតម្លៃ2ប៊ីលានដុល្លារនៅឆ្នាំ2020
យោងទៅតាមអ្នកវិភាគ Toni Sacconaghi ដែលមកពី Bernstien បានឲ្យដឹងថា អាជីវកម្មស្វែងរកការផ្សាយពាណិជ្ជកម្ម ឬ Search Ad…
យោងទៅតាមអ្នកវិភាគ Toni Sacconaghi ដែលមកពី Bernstien បានឲ្យដឹងថា អាជីវកម្មស្វែងរកការផ្សាយពាណិជ្ជកម្ម ឬ Search Ad…
យោងទៅតាមអ្នកវិភាគ Toni Sacconaghi ដែលមកពី Bernstien បានឲ្យដឹងថា អាជីវកម្មស្វែងរកការផ្សាយពាណិជ្ជកម្ម ឬ Search Ad របស់ Apple អាចរកប្រាក់ចំណូលបាន៥០០លានដុល្លារក្នុងឆ្នាំនេះ និងកើនឡើងបួនដង ដល់២ប៊ីលានដុល្លារនៅឆ្នាំ ២០២០ ។
ប្រសិនបើការព្យាករណ៍នេះពិតជាកើតមានឡើងមែន នោះវានឹងក្លាយជាអាជីវកម្មដ៏សំខាន់សម្រាប់ Apple ដែលកំពុងព្យាយាមជំរុញដល់អាជីវកម្មផ្តល់សេវាកម្មរបស់ខ្លួនខណៈដែលការលក់ iPhone ធ្លាក់ចុះ។
Search Ad របស់ Apple មាននៅផ្នែកខាងលើរបស់ App Store ហើយវាអនុញ្ញាតឲ្យអ្នកផលិតកម្មវិធីទូរស័ព្ទទិញ Keyword ណាមួយដែលពួកគេចង់ឲ្យកម្មវិធីរបស់ពួកគេលោតឡើងនៅជិត។ វិធីនេះមានលក្ខណៈស្រដៀងទៅនឹងសេវាកម្មផ្សាយពាណិជ្ជកម្មរបស់ Google ដែរ។
លោក Sacconaghi បានឲ្យដឹងថាការព្យាករណ៍ថា Apple អាចរកប្រាក់ចំណូលបាន២ប៊ីលានដុល្លារពី Search Ad នាឆ្នាំ ២០២០នេះនៅមានភាពត្បិតត្បៀតនៅឡើយ។ និន្នាការថ្មីមានន័យថា Apple អាចសម្រេចគោលដៅបង្កើនប្រាក់ចំណូលពីការផ្តល់សេវាកម្មនៅចុងឆ្នាំ ២០២០ឲ្យបានស្មើ ៤៩ប៊ីលានដុល្លារទៀតផង ។
លោកបានបន្ថែមទៀតថា Apple អាចជំរុញដល់អាជីវកម្ម Search Ad របស់ខ្លួនដោយពង្រីកសេវាកម្មដែលពួកគេកំពុងតែផ្តល់ និងផ្តល់កន្លែងផ្សាយពាណិជ្ជកម្មច្រើនជាងមុនជាដើម ។
Search Ad មិនទាន់ដំណើរការក្នុងប្រទេសចិនទេ ហើយលោក Sacconaghi គិតថាវាជាទីផ្សារដ៏មានសក្តានុពលសម្រាប់ក្រុមហ៊ុន។
ប្រសិនបើ Apple ពិតជាអាចសម្រេចគោលដៅតាមការព្យាករណ៍ខាងលើពិតមែន នោះសេវាកម្ម Search Ad នៅឆ្នាំ ២០២០ របស់ Apple នឹងមានទំហំស្មើនឹង Apple Music នាឆ្នាំមុនទៅហើយ ៕
ចែករំលែកព័តមាននេះ