ខេត្តកំពង់ចាម ៖ ផ្លូវបេតុងមានទទឹង៤ម៉ែត្រ និងបណ្តោយ៤៦៥ម៉ែត្រ ដែលបានដាក់ដេញថ្លៃក្នុងតម្លៃ
២០២.០៨៨.២០០រៀល ដោយបានដេញបានទៅលើក្រុមហ៊ុន អ៊ុក គឹមលី អតីតប្រធានការិយាល័យ សាធារណៈការស្រុកកងមាស ក្នុងតម្លៃ ១៩៨.៥១៧.០០០រៀល នាពេលកន្លងមក។ ត្រូវបានចាប់ផ្តើម
ស្ថាបនាជាបណ្តើរៗហើយ ធ្វើឲ្យពលរដ្ឋក៏ដូចជាអាជីវករផ្សារពាមជីកង ស្រុកកងមាស មានក្តីសប្បា
យរីក និងសមិទ្ធផលនេះ ហើយក៏ស្នើសុំឲ្យមានការអភិវឌ្ឍន៍នៅកន្លែងផ្សេងៗទៀតឲ្យបានច្រើន។
អាជីវករលក់នៅផ្សារពាមជីកងឈ្មោះ សេង ចិន្តា ភេទស្រី អាយុ៥០ឆ្នាំ ប្រាប់ឲ្យដឹងនៅព្រឹកថ្ងៃទី២៤
តុលា ២០១៨ថា ផ្លូវដីនៅជាប់របងសាលាស្រុកកងមាស កាលពីមុនជាប្រភេទផ្លូវដី ហើយឲ្យតែពេលមានភ្លៀងបង្អុរធ្លាក់ចុះមកនោះ បែកភក់សូម្បីតែជិះកង់កាត់ក៏មិនកើត មានផលវិបាកជាច្រើនឆ្នាំមកហើយ ហើយគាត់ផ្ទាល់ជិះកង់កាត់ក៏សឹងតែដួលផងដែរ។ រាល់ថ្ងៃពេលដែលដឹកចាប់ហួយមកលក់នៅផ្សារត្រូវជិះផ្លូវវាង។ ប៉ុន្មានថ្ងៃមុនត្រូវបានអាជ្ញាធរបើកការដ្ឋាន សាងសង់ផ្លូវបេតុង នៅជាប់នឹងរបងសាលាស្រុកកងមាស មិនយូរប៉ុន្មាននោះទេផ្លូវនេះធ្វើហើយ នឹងបង្កលក្ខណៈងាយស្រួលដល់ពលរដ្ឋធ្វើដំណើរទៅវិញទៅមកដឹករបស់របរមកលក់នៅផ្សារបានឆាប់រហ័ស។
លោក យ៉ា ហាំ អាយុ៦៤ឆ្នាំ ខ្មែរអឥស្លាម នៅភូមិពាមជីកង ឃុំពាមជីកង ប្រាប់ថា ផ្លូវដីដែលនៅជាប់រប
ងសាលាស្រុកកងមាស ពីមុនគាត់ធ្លាប់បានជិះកង់ឆ្លងកាត់កល់នឹងដួលដោយសារតែភ្លៀងមកបែក
ភក់នោះ តែមកដល់ជិតចុងខែតុលា ២០១៨ ត្រូវបានគេមកស្ថាបនាចាក់បេតុងដោយមានដែកក្រង ជាស្រេចមានគ្រឿងចក្រមកកិនបង្ហាប់ដី។ សមិទ្ធិផលនេះគាត់ និងអ្នកភូមិផ្សេងទៀតសូមសម្ដែងនូវការ
អបអរសាទរដែលអាជ្ញាធរបានគិតគូរពីការលំបាករបស់ពលរដ្ឋនោះ។ ជាមួយនោះគាត់ក៏ស្នើសុំឲ្យ
លោកអភិបាលស្រុកជួយចាក់ផ្លូវបេតុងនៅខាងមុខសាលាស្រុកកងមាស បន្តឲ្យទៅដល់ផ្ទះគាត់មាន
ចម្ងាយជាង២០០ម៉ែត្រប៉ុណ្ណោះ។
លោក មឿន ផា អភិបាលស្រុកកងមាសវិញ ប្រាប់ឲ្យដឹងដែរថា កាលពីពេលដេញថ្លៃនៅសាលាស្រុកកងមាស រូបលោកបានផ្តាំឲ្យក្រុមហ៊ុនដែលដេញថ្លៃបាន មិនឲ្យប្រើប្រាស់រូឡូតូចនោះទេ លុះពេលដែលបើកការដ្ឋានថ្មីៗនេះ ក្រុមហ៊ុន អ៊ុក គឹមលី បានប្រើប្រាស់រូឡូធុនធំដើម្បីកិនបង្ហាប់ដី ហើយដែកប្រើទំហំ៨លី ត្រឹមត្រូវ និងកម្រាស់១តឹកកន្លះ។ សូមឲ្យក្រុមហ៊ុនដែលដេញថ្លៃបានធ្វើយ៉ាងណាត្រូវអនុវត្តន៍ទៅតាមបច្ចេកសទេសដែលមាន នៅក្នុងសៀវភៅដេញថ្លៃ ហើយរូបលោកនឹងបន្តចុះតាមដានបើធ្វើមិនបានត្រឹមត្រូវនោះទេ មិនទទួលយកលើផ្លូវបេតុងប្រវែង៤៦៥ម៉ែត្រ នៅជាប់នឹងរបងសាលាស្រុកកងមាស ធ្វើយ៉ាងណាឲ្យសមិទ្ធិផលកើតហើយប្រើប្រាស់បានយូរអង្វែង៕
ចែករំលែកព័តមាននេះ