ខេត្តតាកែវ ៖ ដោយសារការបើកបរហួសល្បឿនកំណត់ និងពុំមានការយោគយល់គ្នា ពិសេសអ្នកបើកបរមានជាតិស្រវឹង ជាហេតុបណ្តាលឱ្យមានគ្រោះថ្នាក់ចរាចរណ៍ឥតឈប់ឈរខាងបង់ទាំងពេលវេលា និងប្រាក់កាស ។សម្រាប់ឆមាសទី១ ដើមឆ្នាំ២០១៣ គិតចាប់ពីថ្ងៃទី១០ វិច្ឆិកា ឆ្នាំ២០១២ ដល់ថ្ងៃទី១០ ឧសភា ឆ្នាំ២០១៣ មានករណីគ្រោះថ្នាក់ចរាចរណ៍កើតឡើងចំនួន១៤៥លើក
ខេត្តតាកែវ ៖ ដោយសារការបើកបរហួសល្បឿនកំណត់ និងពុំមានការយោគយល់គ្នា ពិសេសអ្នកបើកបរមានជាតិស្រវឹង ជាហេតុបណ្តាលឱ្យមានគ្រោះថ្នាក់ចរាចរណ៍ឥតឈប់ឈរខាងបង់ទាំងពេលវេលា និងប្រាក់កាស ។សម្រាប់ឆមាសទី១ ដើមឆ្នាំ២០១៣ គិតចាប់ពីថ្ងៃទី១០ វិច្ឆិកា ឆ្នាំ២០១២ ដល់ថ្ងៃទី១០ ឧសភា ឆ្នាំ២០១៣ មានករណីគ្រោះថ្នាក់ចរាចរណ៍កើតឡើងចំនួន១៤៥លើក លើ១៣៦លើក បើប្រៀបធៀបឆមាសទី១ ឆ្នាំ២០១២ កើតឡើង៩លើក ។
ក្នុងករណីគ្រោះថ្នាក់ចរាចរណ៍នេះដែរ បណ្តាលឱ្យមនុស្សចំនួន៣៣២នាក់ (ស្រី៤២នាក់) លើ៣០១នាក់, ក្នុងនោះស្លាប់ចំនួន៦៥នាក់ (ស្រី១៣នាក់) លើ៤៨នាក់ កើនចំនួន១៧នាក់, របួសធ្ងន់ចំនួន១៤៤នាក់ (ស្រី១២នាក់) លើ១២២នាក់ កើន១២នាក់, របួសស្រាលចំនួន១៣៣នាក់ លើ១៣១នាក់ (ស្រី១៧នាក់) កើន២នាក់ ។
លោកនាយការិយាល័យចរាចរណ៍បន្តថា មូលហេតុនៃគ្រោះថ្នាក់ចរាចរណ៍នេះ កត្តាមនុស្ស១៤៤ករណី ផ្លូវ១ករណី បណ្តាលឱ្យខូចខាតយានយន្តសរុបចំនួន១៩៦គ្រឿង ក្នុងនោះរថយន្តធំចំនួន៨គ្រឿង រថយន្តតូចចំនួន៤៣គ្រឿង ម៉ូតូចំនួន១៣៣គ្រឿង និងយានផ្សេងៗចំនួន១២គ្រឿង ។ គ្រោះថ្នាក់ចរាចរណ៍ខាងលើនេះ បានដោះស្រាយរួចរាល់ចំនួន១១៩ករណី បញ្ជូនទៅសាលាដំបូង៩ករណី និង១៧ករណីទៀត កំពុងស្រាវជ្រាវកសាងសំណុំរឿងដើម្បីដោះស្រាយតាមផ្លូវច្បាប់ ៕
ចែករំលែកព័តមាននេះ