ខេត្តក្រចេះ ៖ បុរសពីរនាក់ស្លាប់ក្នុងហេតុការណ៍គ្រោះថ្នាក់ចរាចរណ៍ បន្ទាប់ពីពួកគេឈប់ម៉ូតូនៅចិញ្ចើមផ្លូវនិយាយទូរស័ព្ទ ក៏ត្រូវរថយន្តមិនស្គាល់ម៉ាក ជ្រុលបុកពីក្រោយ បណ្តាលឱ្យម្នាក់ស្លាប់នៅនឹងកន្លែង និងម្នាក់ទៀតស្លាប់ពេលបញ្ជូនទៅសង្គ្រោះនៅមន្ទីរពេទ្យស្នួល ។ ហេតុការណ៍នេះកើតឡើងកាលពីវេលាម៉ោង៨ និង៥០នាទីយប់ ថ្ងៃទី៣០ ឧសភា នៅលើផ្លូវជាតិលេខ៧ ស្ថិតក្នុង
ខេត្តក្រចេះ ៖ បុរសពីរនាក់ស្លាប់ក្នុងហេតុការណ៍គ្រោះថ្នាក់ចរាចរណ៍ បន្ទាប់ពីពួកគេឈប់ម៉ូតូនៅចិញ្ចើមផ្លូវនិយាយទូរស័ព្ទ ក៏ត្រូវរថយន្តមិនស្គាល់ម៉ាក ជ្រុលបុកពីក្រោយ បណ្តាលឱ្យម្នាក់ស្លាប់នៅនឹងកន្លែង និងម្នាក់ទៀតស្លាប់ពេលបញ្ជូនទៅសង្គ្រោះនៅមន្ទីរពេទ្យស្នួល ។ ហេតុការណ៍នេះកើតឡើងកាលពីវេលាម៉ោង៨ និង៥០នាទីយប់ ថ្ងៃទី៣០ ឧសភា នៅលើផ្លូវជាតិលេខ៧ ស្ថិតក្នុងភូមិកាត់ដៃ ឃុំស្នួល ស្រុកស្នួល ។
ជនរងគ្រោះដែលស្លាប់នៅនឹងកន្លែងឈ្មោះ ធូ រ៉ាថូ អាយុ២៧ឆ្នាំ មានលំនៅភូមិក្បាលស្នួល ឃុំស្នួល ជាអ្នកបើកម៉ូតូ និងម្នាក់ទៀតឈ្មោះ ណាង ភេទប្រុស អាយុ២៣ឆ្នាំ មានលំនៅភូមិអាលច ឃុំកន្ទួត ស្រុកចិត្របុរី ស្លាប់ពេលបញ្ជូនដល់មន្ទីរពេទ្យ ។
ប្រភពពីនគរបាលចរាចរខេត្តឱ្យដឹងថា មុនពេលកើតហេតុ មេឃកំពុងភ្លៀង ឯជនរងគ្រោះទាំងពីរនាក់ជិះម៉ូតូម៉ាកវ៉េវអាល់ហ្វា ពណ៌ខ្មៅ គ្មានស្លាកលេខ ហើយបានឈប់នៅចិញ្ចើមផ្លូវនិយាយទូរស័ព្ទ ក៏ត្រូវរថយន្តមិនស្គាល់ម៉ាកជ្រុលបុកពីក្រោយពេញទំហឹង បណ្តាលឱ្យជនរងគ្រោះផ្លោងខ្ទាតទៅចិញ្ចើមផ្លូវ ។
រថយន្តត្រូវសាក្សីអះអាងថា ជារថយន្តដឹកជន្លង់ម្រេច ប្រភេទសាំយ៉ុង ចេញពីឃុំស្វាយជ្រះ ស្រុកស្នួល ឆ្ពោះទៅស្រុកមេមត់ ខេត្តកំពង់ចាម ។ក្រោយពេលកើតហេតុ ប៉ូលិសចុះទៅពិនិត្យកន្លែងកើតហេតុ និងស្រាវជ្រាវរករថយន្តយកមកដោះស្រាយ ៕
ចែករំលែកព័តមាននេះ