ខេត្តបន្ទាយមានជ័យ ៖ ហេតុការណ៍គ្រោះថ្នាក់ចរាចរណ៍មួួយកើតឡើងនៅចំណុចផ្សារអូរអំបិល ស្ថិតក្នុងភូមិអូរអំបិល ក្រុងសិរីសោភ័ណ កាលពីវេលាម៉ោង៧ និង៣០នាទីយប់ ថ្ងៃទី៣០ ឧសភា ដោយរថយន្តម៉ាកកាមរី ពណ៌ខ្មៅ ពាក់ស្លាកលេខ សៀមរាប 2A-3121 ដឹកត្រីចេញពីប្រទេសថៃ ជ្រុលទៅបុកម៉ូតូមួយគ្រឿងជិះគ្នា២នាក់ជាស្ត្រី បណ្តាលឱ្យរងរបួសធ្ងន់ ។
ខេត្តបន្ទាយមានជ័យ ៖ ហេតុការណ៍គ្រោះថ្នាក់ចរាចរណ៍មួួយកើតឡើងនៅចំណុចផ្សារអូរអំបិល ស្ថិតក្នុងភូមិអូរអំបិល ក្រុងសិរីសោភ័ណ កាលពីវេលាម៉ោង៧ និង៣០នាទីយប់ ថ្ងៃទី៣០ ឧសភា ដោយរថយន្តម៉ាកកាមរី ពណ៌ខ្មៅ ពាក់ស្លាកលេខ សៀមរាប 2A-3121 ដឹកត្រីចេញពីប្រទេសថៃ ជ្រុលទៅបុកម៉ូតូមួយគ្រឿងជិះគ្នា២នាក់ជាស្ត្រី បណ្តាលឱ្យរងរបួសធ្ងន់ ។
ប្រភពព័ត៌មានពីនគរបាលចរាចរខេត្តឱ្យដឹងថា មុនពេលកើតហេតុ ស្ត្រីរងគ្រោះទាំងពីរនាក់ជិះម៉ូតូម៉ាកឌ្រីមសេ១២៥ ពណ៌ខ្មៅ ស៊េរីឆ្នាំ២០០៩ គ្មានស្លាកលេខ លើកំណាត់ផ្លូវជាតិលេខ៥ ពីកើតទៅលិច លុះមកដល់ចំណុចកើតហេតុ បានបត់ឆ្លងផ្លូវទៅខាងឆ្វេងដៃ មកដល់ចិញ្ចើមផ្លូវហើយ ស្រាប់តែរថយន្តកាមរីខាងលើ បើកយ៉ាងលឿនក្នុងទិសដៅបញ្ច្រាសគ្នា ក៏ជ្រុលបុកម៉ូតូពេញទំហឹង បណ្តាលឱ្យស្ត្រីរងគ្រោះទាំង២នាក់ ខ្ទាតប្រហែលជិត១០ម៉ែត្រ រងរបួសធ្ងន់ ហើយរថយន្តជ្រុលទៅបុកគម្របលូទៅមុខលែងរួច បន្ទាប់មកអ្នកបើកបររត់គេចខ្លួនបាត់ ។
ស្ត្រីជាអ្នកបើកម៉ូតូឈ្មោះ យូ ចាន់ថន អាយុ២១ឆ្នាំ រស់នៅភូមិទឹកថ្លា សង្កាត់ទឹកថ្លា ក្រុងសិរីសោភ័ណ រងរបួសបាក់ភ្លៅខាងស្តាំ សន្លប់ និងអ្នករួមដំណើរម្នាក់ទៀតមិនទាន់ស្គាល់ឈ្មោះ ។ក្រោយកើតហេតុ រថយន្តសង្គ្រោះរបស់ស្នងការដ្ឋាននគរបាលខេត្ត បានដឹកស្ត្រីរងគ្រោះបញ្ជូនទៅសង្គ្រោះនៅមន្ទីរពេទ្យ និងម៉ូតូខូចខាតធ្ងន់ធ្ងរ ឯរថយន្តខូចខាតតិចតួច ត្រូវសមត្ថកិច្ចយកទៅរក្សាទុកនៅអធិការដ្ឋាន ៕
ចែករំលែកព័តមាននេះ