នៅក្នុងកម្មវិធីបុណ្យទាំងឡាយមានបុណ្យសព បុណ្យទក្ខិណានុប្បទានជាដើមគេសង្កេតឃើញក្រុមមនុស្សខ្លះកំពុងប្រមាទហ៊ានសេពគ្រឿងស្រវឹងយ៉ាងសប្បាយអឺងកង ភ្លេចអស់បុណ្យកុសល។ អំពើប្រមាទនេះប្រហែលជាពួកគេយល់ថា នឹងធ្វើឲ្យខ្លួនគេទៅជាមនុស្សទាន់សម័យ មនុស្សទំនើប មនុស្សឡូយឆាយបានការសរសើរពីអ្នកស្រុក ។
តែបើពិចារណាឲ្យដិតដល់ទៅ ទង្វើបែបនេះមិនមែនជាសកម្មភាពនៃ អ្នកកាន់ព្រះពុទ្ធសាសនាឬអ្នកទាន់សម័យទេ ព្រោះអ្នកទាំងនោះគ្មានបានទទួលផលប្រយោជន៍អ្វី សូម្បីតែបន្តិចបន្តួចពីទង្វើទាំងនោះឡើយ។
ពួកគេបានត្រឹមតែងងុយដេក ខាតពេលវេលា ខាតការងារ បង់ទាំងទ្រព្យសម្បត្តិ បាត់ទាំងឱកាសបំពេញបុណ្យកុសលទៀតផង។ ឯអ្នកដែលចំណេញពីទង្វើទាំងអស់នេះ គឺម្ចាស់អាជីវកម្មអ្នកលក់ដូរឯណោះវិញទេ ។
ចំណែកឯអ្នកវិទ្យាសាស្ត្រ ដែលជាអ្នកផលិតនូវគ្រឿងស្រវឹងផ្សេងៗនោះ ខ្លួនគេផ្ទាល់មិនបានងប់ងល់វង្វេងដោយទឹកស្រវឹងទាំងនេះឡើយ គឺគេខិតខំធ្វើយ៉ាងណាដើម្បីបង្កើនរស់ជាតិបែបថ្មីៗទៀត ដើម្បីយកលុយពីក្រុមមនុស្សដែលកំពុងវង្វេងនឹងសុរាទាំងនោះឲ្យបានច្រើន ។
ចែករំលែកព័តមាននេះ