មូលនិធិរដ្ឋរបស់សិង្ហបុរីចំណាយលុយខ្លាំងនៅប្រទេសវៀតណាម
ទីក្រុងហាណូយ ៖ GIC Pte ដែលជាមូលនិធិទ្រព្យសម្បត្តិសិង្ហបុរី បានបោះទុនវិនិយោគយ៉ាងសម្បើមនៅក្នុងក្រុមហ៊ុនធំៗរបស់វៀតណាមដូចជា VinHomes, Vietjet, Techcombank និង…
ទីក្រុងហាណូយ ៖ GIC Pte ដែលជាមូលនិធិទ្រព្យសម្បត្តិសិង្ហបុរី បានបោះទុនវិនិយោគយ៉ាងសម្បើមនៅក្នុងក្រុមហ៊ុនធំៗរបស់វៀតណាមដូចជា VinHomes, Vietjet, Techcombank និង…
ទីក្រុងហាណូយ ៖ GIC Pte ដែលជាមូលនិធិទ្រព្យសម្បត្តិសិង្ហបុរី បានបោះទុនវិនិយោគយ៉ាងសម្បើមនៅក្នុងក្រុមហ៊ុនធំៗរបស់វៀតណាមដូចជា VinHomes, Vietjet, Techcombank និង Masan ជាដើម ។ GIC ជាមូលនិធិមានទ្រព្យសម្បត្តិដ៏មហិមាបំផុតរបស់ពិភពលោក ជាមួយនឹងទ្រព្យសម្បត្តិប្រមាណ៣៥៩ប៊ីលានដុល្លារ ។
កាលពីដើមខែ ក្រុមហ៊ុននេះបានចំណាយប្រាក់ជិត១០០លានដុល្លារ ដើម្បីទិញយកភាគហ៊ុនចំនួន២៤,៥លានហ៊ុន នៅក្រុមហ៊ុន Masan Group Corporation (MSN) ដែលជាក្រុមហ៊ុនលក់របស់ប្រើប្រាស់ធំបំផុតរបស់វៀតណាម ធ្វើឲ្យភាគហ៊ុនសរុបបានកើនដល់ចំនួន ៧៥,៧លានហ៊ុន ដែលមានភាគហ៊ុន៦,៥លាន% នៅក្នុងក្រុមហ៊ុននេះ ។
កិច្ចព្រមព្រៀងតម្លៃ១០០លានដុល្លារនេះ គឺជាផ្នែកមួយនៃការទិញភាគហ៊ុនធំៗថ្មីៗដែល GICបានធ្វើនៅវៀតណាម ។ ក្រុមហ៊ុនGIC បានចូលរួមចំណែកយ៉ាងធំធេងក្នុងការផ្តល់ភាគហ៊ុនធំបំផុតរបស់វៀតណាម ដែលត្រូវបានបញ្ចប់នៅក្នុងឆ្នាំកន្លងមក។
ក្រុមហ៊ុននេះបានវិនិយោគប្រាក់ប្រហែល១,៣ប៊ីលានដុល្លារនៅក្រុមហ៊ុនអភិវឌ្ឍន៍ដ៏ល្អប្រណីតឈ្មោះថា Vinhomes JSC មុនពេលការលក់ភាគហ៊ុនជាសាធារណៈដំបូងរបស់ខ្លួន ដែលជាការលក់ភាគហ៊ុនធំបំផុតមិនធ្លាប់មាននៅក្នុងប្រទេស ។ GIC ក៏ផ្តល់ប្រាក់កម្ចីជូនដល់ក្រុមហ៊ុននេះផងដែរ ។
មូលនិធិនេះគឺជាអ្នកទិញចម្បងសម្រាប់ Techcombank ដែលជាធនាគាររបស់វៀតណាមដែលគាំទ្រដោយ Warburg Pincus ក្នុងតម្លៃ៩២២លានដុល្លារ ។ វាក៏ជាវិនិយោគិនសំខាន់មួយផងដែរនៅក្នុងក្រុមហ៊ុនមីក្រូហិរញ្ញវត្ថុ Vincom Retail JSC របស់ឆ្នាំ២០១៧ ហើយបានក្លាយជាម្ចាស់ភាគហ៊ុនដ៏ធំនៅក្នុងក្រុមហ៊ុន VietJet Aviation JSC មុនពេលផ្សារហ៊ុនរបស់ក្រុមហ៊ុនអាកាសចរណ៍នេះបានចាប់ផ្តើមកាលពីដើមឆ្នាំមុន ។
បច្ចុប្បន្ន GIC កាន់កាប់ភាគហ៊ុនហ៊ុន VinHomes ចំនួន៥,៧៤% និង៤,៩៧% នៃភាគហ៊ុនរបស់Vietjet ខណៈពេលដែលភាពជាម្ចាស់របស់ខ្លួននៅTechcombank មិនត្រូវបានបង្ហាញ ។
GIC ក៏បានវិនិយោគផងដែរនៅក្នុងក្រុមហ៊ុនទឹកដោះគោ Vinamilk ក្រុមហ៊ុនកសិកម្មនិងអាហារ PAN Group JSC ក្រុមហ៊ុនទូរគមនាគមន៍ FPT Corporation និងក្រុមហ៊ុន Vinagame Corporation ដែលមិនបានចុះបញ្ជី ។ នៅឆ្នាំ២០១៥ GICបានចំណាយប្រាក់ប្រមាណ ១០០លានដុល្លារ ដើម្បីទិញភាគហ៊ុន១០% នៅVNG ផងដែរ ។
កាលពីខែឧសភា ក្រុមហ៊ុន GICបានដកខ្លួនចេញពីក្រុមហ៊ុនតាក់ស៊ី Vinasun បន្ទាប់ពីទទួលរងការខាតបង់ចំនួន១២៥ប៊ីលានដុង ក្នុងរយៈពេល៤ឆ្នាំនៃការវិនិយោគ ។ បន្ទាប់ពីការលក់របស់ក្រុមហ៊ុនGICភាគហ៊ុនរបស់ Vinasun បានកើនឡើងពី១៤.០០០ដុង ទៅដល់ ១៩.០០០ដុង ។
GIC ត្រូវបានបង្កើតឡើងនៅឆ្នាំ១៩៨១ ដើម្បីគ្រប់គ្រងទុនបម្រុងបរទេសរបស់សិង្ហបុរី។ ផលបត្រវិនិយោគដោយប្រយោលរបស់មូលនិធិនៅវៀតណាមរួមមាន វិស័យធនាគារ អាកាសចរណ៍ ទំនិញប្រើប្រាស់ និង កសិកម្ម ។ ក្រៅពី GIC រដ្ឋាភិបាលសិង្ហបុរីមានមូលនិធិវិនិយោគមួយដែលមានឈ្មោះថា Temasek Holdings ដែលមានទ្រព្យសម្បត្តិប្រមាណ២០០ប៊ីលានដុល្លារ ៕
ចែករំលែកព័តមាននេះ