លទ្ធផលការងារដែលជោគជ័យ ហើយទទួលផលល្អទៅបាន ដរាបណាបុគ្គលពេញចិត្តនឹងធ្វើដោយការព្យាយាមប្រកបដោយទឹកចិត្តពិតៗ បូករួមនឹងសមត្ថភាពផង តែបើបុគ្គលធ្វើការទាំងចិត្តមោះហ្មង ឬក៏ធ្វើទាំងចិត្តខឹងក្រោធនោះ ពិតជាទទួលលទ្ធផលមិនល្អឡើយ នឹងមានការលើសខ្វះខូចសេចក្តីត្រង់ចំណុចណាមួយមិនខាន ។ ព្រោះសេចក្តីក្រោធនេះគឺជាអាការៈរបស់ចិត្តដែលក្តៅឆួលឆេះ…
លទ្ធផលការងារដែលជោគជ័យ ហើយទទួលផលល្អទៅបាន ដរាបណាបុគ្គលពេញចិត្តនឹងធ្វើដោយការព្យាយាមប្រកបដោយទឹកចិត្តពិតៗ បូករួមនឹងសមត្ថភាពផង តែបើបុគ្គលធ្វើការទាំងចិត្តមោះហ្មង ឬក៏ធ្វើទាំងចិត្តខឹងក្រោធនោះ ពិតជាទទួលលទ្ធផលមិនល្អឡើយ នឹងមានការលើសខ្វះខូចសេចក្តីត្រង់ចំណុចណាមួយមិនខាន ។
ព្រោះសេចក្តីក្រោធនេះគឺជាអាការៈរបស់ចិត្តដែលក្តៅឆួលឆេះ ក្រវល់ក្រវាយ ពុះកញ្ជ្រោលធ្វើឱ្យចិត្តលោតហក់ទៅតាមអារម្មណ៍លែងគិតពីអ្វីដែលត្រូវ អ្វីដែលខុសអស់រលីង ។
អាចពន្យល់បានទេសេចក្តីក្រោធនេះមកពីមូលហេតុអ្វី ?
មូលហេតុដែលនាំឱ្យចិត្តឆួលឆេះនេះមកពីដើមហេតុៈ ព្យាបាទៈ ការចងគំនុំសងសឹកនឹងអ្វីមួយ,ទោសៈ ការគិតប្រទូស្តរ៉ាយនឹងអ្នកណាម្នាក់, កោធៈ ការក្តៅពុះកញ្ជ្រោល ជាប់ក្នុងចិត្ត, បដិឃៈ ការទាស់ចិត្តនឹងទង្វើអ្នកណាម្នាក់ និងអរតិ ការមិនពេញចិត្តនឹងឥរិយាបថអ្នកណាមួយ ។
រឿងខឹងក្រោធនេះ ប្រសិនបើកើតឡើងចំពោះមនុស្សធម្មតា មិនសូវជាបង្ករឿងប៉ុន្មានទេ តែបើកើតឡើងចំពោះអ្នកដឹកនាំវិញ ប្រាកដជាមានគ្រោះមហន្តរាយខ្លាំងណាស់។ អាស្រ័យហេតុនោះ ការរំលត់សេចក្តីក្រោធចាប់តាំងពីព្យាបាទៈ គឺការចងគំនុំសងសឹកទៅ ជារឿងសំខាន់បំផុតសម្រាប់មនុស្សគ្រប់រូប ។
ចែករំលែកព័តមាននេះ