បណ្តាំអ្នកម្តាយផ្តាំដល់កូនប្រុសស្រីគ្រប់រូបឱ្យដើរតាមលម្អានប្រពៃណីបានត្រឹមត្រូវ ឱ្យចេះគ្រប់គ្រងអារម្មណ៍បានល្អនៅពេលជួបបញ្ហាផ្សេងៗចូលមកក្នុងគ្រួសារ ព្រោះថាក្នុងសង្គមគ្រួសារនីមួយៗចៀសមិនផុតពីមានការប៉ះទង្គិតគ្នានោះទេ តែគ្រប់គ្រួសារចាំបាច់ត្រូវមានទ្រព្យ មានប្រាក់សាងសុភមង្គលជាការចាំបាច់ណាស់ ប៉ុន្តែមិនមែនឲ្យតែមានមាសមានប្រាក់ គឺមានសុភមង្គល មានភាពកក់ក្តៅក្នុងចិត្ត ក្នុងជីវិតទៅសព្វគ្រប់នោះទេ ។
មានស្ត្រីជាភរិយាច្រើនណាស់ ដែលមិនខ្វះទ្រព្យសម្បត្តិ មានសុទ្ធតែរបស់ល្អៗ របស់ថ្លៃៗ ប៉ុន្តែជាប្រក្រតីមានមុខក្រៀមស្រពោន ព្រោះខ្វះភាពកក់ក្តៅពីស្វាមីនេះឯង ។
មនុស្សដែលគិតថាខ្លួនឯងឆ្លាត តែមិនមានពេលសម្រាកនៅផ្ទះ ត្រូវចោលប្រពន្ធចោលកូនជារឿយៗ ខ្វះការស្មោះត្រង់មួយនិងមួយ ខ្វះធម៌សន្តោស ល្មោភលោភលន់រកស៊ីទុច្ចរិត ខ្វះយុត្តិធម៌ ។
កូនអើយក្នុងរឿងទាំងអស់នេះ បើគេថាកូនល្ងង់មែនទែនព្រោះមិនចេះដូចគេ គឺជាការល្អណាស់ ។ កូនចេះត្រឹមតែការងាររបស់កូនដោយទឹកចិត្តសុចរិតស្មោះត្រង់ គ្រួសារមានការកក់ក្តៅដូច្នេះ កូនត្រូវរស់នៅដោយសុខសប្បាយ ដាក់ក្បាលដល់ខ្នើយកូនគេងលក់ស្រួលមិនចាំបាច់យកដៃគងថ្ងាសគិតរវើរវាយឡើយ ។
ចែករំលែកព័តមាននេះ