ខេត្តស្វាយរៀង ៖ មានករណីឆបោកមួយត្រូវបានធ្វើឡើងដោយមនុស្សមិនស្គាល់អត្តសញ្ញាណ១ក្រុមមានគ្នា៤នាក់ ពាក់ឯកសណ្ឋានទាហាន និងអះអាងថាជាយុវជនវាស់ដីសម្តេចតេជោបានយកម៉ាស៊ីន១គ្រឿងម៉ាកហុងដា ទៅលក់ឱ្យពលរដ្ឋអ្នកលក់គ្រឿងទេសម្នាក់ក្នុងតម្លៃ៤០០ដុល្លារ តែអ្នកលក់មានតែ១០០ដុល្លារ ក៏ពួកនេះយកស្រាបៀរ៣០កេសទៀត ខណៈពេលម្ចាស់គេ
ខេត្តស្វាយរៀង ៖ មានករណីឆបោកមួយត្រូវបានធ្វើឡើងដោយមនុស្សមិនស្គាល់អត្តសញ្ញាណ១ក្រុមមានគ្នា៤នាក់ ពាក់ឯកសណ្ឋានទាហាន និងអះអាងថាជាយុវជនវាស់ដីសម្តេចតេជោបានយកម៉ាស៊ីន១គ្រឿងម៉ាកហុងដា ទៅលក់ឱ្យពលរដ្ឋអ្នកលក់គ្រឿងទេសម្នាក់ក្នុងតម្លៃ៤០០ដុល្លារ តែអ្នកលក់មានតែ១០០ដុល្លារ ក៏ពួកនេះយកស្រាបៀរ៣០កេសទៀត ខណៈពេលម្ចាស់គេមិនព្រម រួចឡើងឡានទៅបាត់ដោយសុវត្ថិភាព ។
ហេតុការណ៍នេះកើតឡើង២សប្តាហ៍មកហើយ នៅទីតាំងតូបជនរងគ្រោះលក់គ្រឿងទេស ភូមិទទា សង្កាត់ចេក ក្រុងស្វាយរៀង ប៉ុន្តែទើបតែបែកធ្លាយព័ត៌មាននៅម៉ោង១០ព្រឹកថ្ងៃទី២៩ ឧសភា ២០១៣ នេះ ដោយសារជនរងគ្រោះបានទៅប្តឹងសមត្ថកិច្ចរួចហើយដែរ តែសមត្ថកិច្ចហាក់ខ្លាចរអារពេលឮឈ្មោះក្រុមវាស់ដីរបស់សម្តេចតេជោ ។
ប៉ុន្តែថ្មីៗនេះដោយសារក្រុមខាងលើបានបន្តសកម្មភាពយ៉ាងគគ្លើនថែម៤កន្លែងទៀតនៅក្រុងស្វាយរៀង ទើបក្រុមសមត្ថកិច្ចដាក់ការស្រាវជ្រាវចាត់ការតាមផ្លូវច្បាប់ ៕
ចែករំលែកព័តមាននេះ