ខេត្តតាកែវ ៖ ខេត្តតាកែវជាខេត្តដែលគ្រប់គ្នាទទួលស្គាល់ថា សម្បូរទៅដោយបង្កងបឹងធម្មជាតិធំៗជាច្រើន ហើយដោយសារតែនៅឆ្នាំនេះទឹកបានឡើងខ្លាំងបានបង្កធ្វើអោយជន់លិចនៅតាមបណ្តាខេត្តមួយចំនួន តែដោយឡែកសម្រាប់ខេត្តតាកែវវិញទឹកមិនបានបង្កអោយមានជន់លិចដល់ផ្ទះសម្បែងរបស់ប្រជាពលរដ្ឋឡើយតែបែជាធ្វើអោយសម្បូរបង្កងក្នុងបឹងធម្មជាតិទៅវិញ ។ លោក ដួង សុខឿន…
ខេត្តតាកែវ ៖ ខេត្តតាកែវជាខេត្តដែលគ្រប់គ្នាទទួលស្គាល់ថា សម្បូរទៅដោយបង្កងបឹងធម្មជាតិធំៗជាច្រើន ហើយដោយសារតែនៅឆ្នាំនេះទឹកបានឡើងខ្លាំងបានបង្កធ្វើអោយជន់លិចនៅតាមបណ្តាខេត្តមួយចំនួន តែដោយឡែកសម្រាប់ខេត្តតាកែវវិញទឹកមិនបានបង្កអោយមានជន់លិចដល់ផ្ទះសម្បែងរបស់ប្រជាពលរដ្ឋឡើយតែបែជាធ្វើអោយសម្បូរបង្កងក្នុងបឹងធម្មជាតិទៅវិញ ។
លោក ដួង សុខឿន ដែលជាអ្នកទទួលទិញលក់បង្កងធំជាងគេនៅកំពង់ទូកលើ ក្នុងសង្កាត់រកាក្នុង ក្រុងដូនកែវ បានអោយដឹងថា គាត់បានរកស៊ីលក់បង្កងយូរមកហើយដោយបានស្គាល់ច្បាស់ណាស់អំពីបង្កងបឹងធម្មជាតិ និងបង្កងចិញ្ចឹមដែលនាំចូលមកពីស្រុកយួនយកមកលក់នៅទីនេះ ។
លោកបានឱ្យដឹងទៀតថា សម្រាប់ឆ្នាំនេះដោយសារតែទឹកឡើងខ្លាំងនោះធ្វើអោយបង្កងបឹងធម្មជាតិសម្បូរច្រើន ហើយកន្លែងរបស់គាត់នេះចាប់ផ្តើមទិញលក់បង្កងបឹងធម្មជាតិចាប់ពីខែ៩រហូតមកដល់បច្ចុប្បន្ននេះ ហើយចំពោះតម្លៃហាងឆេងបង្កងបឹងធម្មជាតិនៅកន្លែងគាត់នេះបង្កងលេខ១មានចាប់ពី៦ទៅ៧បង្កង តម្លៃ៣៧ទៅ៤០ដុល្លារក្នុង១គីឡូក្រាម, បង្កងលេខ២ មានចាប់ពី១០ទៅ១៣បង្កង តម្លៃ៣០ដុល្លារក្នុង១គីឡូក្រាម និងបង្កងលេខ៣ មានចាប់ពី១៩ទៅ២១បង្កង តម្លៃ២០ដុល្លារក្នុង១គីឡូក្រាម ។
លោកបានបញ្ជាក់ថា ចំពោះបង្កងបឹងធម្មជាតិដែលគាត់ដាក់រាល់ថ្ងៃនេះគឺតាត់ប្រមូលទិញពីអ្នកប្រមូលពីស្រុកកោះអណ្តែតមកដោយអ្នកប្រមូលទិញយកមកលក់អោយគាត់នោះគឺគេប្រមូលទិញបន្តពីប្រជាពលរដ្ឋដែលដើរបង់សណាញ់ និងដាក់លបបង្កងយកមកលក់ ហើយបើចំពោះបង្កងបឹងធម្មជាតិវិញគឺមានចាប់ពីខែ៩ទៅដល់ខែ១២ ។
ចំណែកខែ១ និងខែ២វិញមានបង្កងបឹងធម្មជាតិដែរ តែជាបង្កងដែលគេកៀរសម្រាស់ ហើយផុតពីខែ២តទៅបង្កងដែលមានដាក់លក់តាមទូនោះជាបង្កងទន្លេនាំចូលមកពីស្រុកយួន ហើយបង្កងទន្លេនេះដែរគេចិញ្ចឹមដោយរែងព្រួលព័ទ្ធទន្លេចិញ្ចឹមបង្កងតែម្តង ។
លោក សៅ កុសល់ នាយខណ្ឌរដ្ឋបាលជលផលខេត្តបានអោយដឹងថា ចំពោះខេត្តតាកែវមិនមានកន្លែងចិញ្ចឹមបង្កងទេ ដោយកាលពីមុននៅស្រុកត្រាំកក់មានគេសាកចិញ្ចឹមដែរតែត្រូវបរាជ័យទៅវិញ តែមានកន្លែងភ្ញាស់កូនបង្កងសម្រាប់លក់ទៅខេត្តផ្សេងតែក៏មិនដឹងថា នៅដំណើរការឬក៏អត់នោះដែរ ហើយសម្រាប់បង្កងបឹងធម្មជាតិនៅឆ្នាំនេះដោយសារទឹកធំធ្វើអោយបង្កងសម្បូរច្រើនលើសឆ្នាំមុនៗ ៕
ចែករំលែកព័តមាននេះ