ខេត្តកំពង់ឆ្នាំង ៖ រដ្ឋបាលឃុំគោកបន្ទាយ ស្រុករលាប្អៀរ នៅថ្ងៃទី២ ខែតុលា ឆ្នាំ២០២៥ បានជូនដំណឹងដល់បងប្អូនប្រជាពលរដ្ឋ សូមមេត្តាប្រុងប្រយ័ត្នចំពោះការធ្វើដំណើរពីភូមិឈើត្រាច ទៅភូមិកងមាស…
ខេត្តកំពង់ឆ្នាំង ៖ រដ្ឋបាលឃុំគោកបន្ទាយ ស្រុករលាប្អៀរ នៅថ្ងៃទី២ ខែតុលា ឆ្នាំ២០២៥ បានជូន
ដំណឹងដល់បងប្អូនប្រជាពលរដ្ឋ សូមមេត្តាប្រុងប្រយ័ត្នចំពោះការធ្វើដំណើរពីភូមិឈើត្រាច ទៅភូមិកងមាស ចំណុចផ្លូវបេតុង ត្រូវបានជន់លិចហើយក្រែងមានគ្រោះថ្នាក់ជាយថាហេតុកើត
ឡើង។
លោក យឹម យ៉ុន មេឃុំគោកបន្ទាយបានឲ្យដឹងតាមទូរសព្ទ នៅព្រឹកថ្ងៃទី៣ ខែតុលា នេះថា កំណាត់ផ្លូវចេញពីភូមិឈើត្រាច ទៅភូមិកងមាសមានប្រវែង១៣,៣០០គីឡូម៉ែត្រ ចំណុចដែលផ្លូវទឹកជន់លិច មានប្រវែង២០៧០ម៉ែត្រ ឬនឹង២,០៧០គីឡូម៉ែត្រ ជាផ្លូវក្រាលកៅស៊ូ និងកសាងពីបេតុងផង ផ្លូវនេះកសាងដោយក្រសួងអភិវឌ្ឍន៍ជនបទ ។
លោកមេឃុំបានបញ្ជាក់ថា ថ្វីដ្បិតតែកំណាត់ផ្លូវ២០៧០ម៉ែត្រ ត្រូវបានទឹកលិចពិតមែន ប៉ុន្តែមិនទាន់លិចទាំងស្រុងទេ គឺលិចប្រមាណ១៩០០ម៉ែត្រប៉ុណ្ណោះ។ ដែលអាចធ្វើដំណើរតាមម៉ូតូ បាន តែត្រូវប្រុងប្រយ័ត្ន ព្រោះទឹកមានជម្រៅត្រឹមស្មងជើង ឬជ្រៅជាងនេះ អាចឱ្យរលត់ម៉ាស៊ីនម៉ូតូបាន ឬបើមិនប្រយ័ត្នជិះខុសផ្លូវធ្លាក់ស្នាមភ្លោះនឹងគ្រោះថ្នាក់ជាមិនខាន។
លោកបានអំពាវនាវសូមបងប្អូនមានការប្រុងប្រយ័ត្ន ក្រែងមានគ្រោះថ្នាក់ណាមួយកើតឡើងជាយថាហេតុ ។ ដោយហេតុនេះហើយ ទើបរដ្ឋបាលឃុំគោកបន្ទាយបានជូនដំណឹងដល់បងប្អូនពីម្សិលមិញ (ថ្ងៃទី២ តុលា) ឲ្យមានការប្រុងប្រយ័ត្ន គ្រាហ៍ដែលទឹកទន្លេកំពុងតែហក់ឡើង ។
ដោយឡែក សម្រាប់ស្ថានីយជលសាស្ត្រ ផ្សារក្រោមនៅថ្ងៃទី៣ ខែតុលា នេះ ភ្នាក់ងារយើងមិនអាចសុំរបាយការណ៍ពីលោក អឿ សារឿន ប្រធានមន្ទីរក្តាប់រួមនៃមន្ទីរធនធានទឹក និងឧតុនិយម ខេត្តកំពង់ឆ្នាំងបានទេ ដោយសារលោកជាប់ប្រជុំ ប៉ុន្តែសម្រាប់កម្ពស់ទឹកថ្ងៃទី២ ម្សិលមិញនេះ ទឹកមានកម្ពស់៩,៤៨ម៉ែត្រ ខ្ពស់ជាងឆ្នាំចាស់០,៦៨ម៉ែត្រ គ្រាដែលឆ្នាំ២០២៤ កម្ពស់ទឹកមានត្រឹមតែ ៨,៨០ម៉ែត្រ សម្រាប់កម្ពស់ទឹកត្រូវប្រកាសន្នមានកម្ពស់១០,៥០ ម៉ែត្រ ៕
ចែករំលែកព័តមាននេះ