រាជធានីភ្នំពេញ ៖ កំពង់ផែទេសចរណ៍ដែកបណ្តែតទឹក នៅទីក្រុងកំពង់ចាមនឹងចាប់ផ្តើមដំណើរការនៅក្នុងឆ្នាំ២០២៦ខាងមុខ ហើយសង្ឃឹមថា ទទួលបានអ្នកទេសចរទៅទស្សនាមានចំនួនច្រើន ។ នេះបើតាមអ្នកនាំពាក្យក្រសួងសាធារណការនិងដឹកជញ្ជូន ។ ឯកឧត្តម…
រាជធានីភ្នំពេញ ៖ កំពង់ផែទេសចរណ៍ដែកបណ្តែតទឹក នៅទីក្រុងកំពង់ចាមនឹងចាប់ផ្តើមដំណើរការនៅក្នុងឆ្នាំ២០២៦ខាងមុខ ហើយសង្ឃឹមថា ទទួលបានអ្នកទេសចរទៅទស្សនាមានចំនួនច្រើន ។ នេះបើតាមអ្នកនាំពាក្យក្រសួងសាធារណការនិងដឹកជញ្ជូន ។
ឯកឧត្តម ផន រឹម អ្នកនាំពាក្យក្រសួងសាធារណការបានឲ្យដឹងថា ថ្ងៃទី៣ ខែតុលា ឆ្នាំ២០២៥ ខេត្តកំពង់ចាមមានភ័ព្វវាសនាក្រៃលែង ដែលទទួលបានគម្រោងថ្មីមួយបន្ថែមទៀតរបស់រាជរដ្ឋាភិបាល អនុវត្តការសាងសង់ដោយក្រសួងសាធារណការ និងដឹកជញ្ជូន គឺកំពង់ផែទេសចរណ៍កំពង់ចាម ។
ឯកឧត្តមបានលើកឡើងថា កំពង់ផែទេសចរណ៍ដែកបណ្តែតទឹកក្រុងកំពង់ចាម ស្ថិតនៅ
ទីតាំងទីលានចំណតកំពង់ចម្លងចាស់ដែលមានវានាដឹកជញ្ជូនភ្ញៀវទេសចរអន្តរជាតិពី
ប្រទេសវៀតណាមចូលចតទៅតាមកាលវិភាគដែលបានគ្រោងទុក ។
ជាមួយគ្នានោះដែរ ឯកឧត្តមបានបញ្ជាក់ថា«ការដាក់ដំណើរប្រតិបត្តិការកំពង់ផែនេះនៅពេលអនាគត ពិតជាផ្តល់ឱកាសដ៏វិសេស ដើម្បីអភិវឌ្ឍតំបន់ក្រុងកំពង់ចាម ឲ្យមានការរីកចម្រើនបានយ៉ាងឆាប់រហ័ស។ម្យ៉ាងវិញទៀត ស្ថិតនៅក្នុងទីតាំងភូមិសាស្ត្រជាប់នឹងគម្រោងពង្រីកផ្លូវនាវាចរណ៍ពីភ្នំពេញមកកំពង់ចាម និងផ្លូវនាវាចរណ៍ព្រែកជីកហ្វូណនតេជោ កំពង់ផែទេសចរណ៍នេះ នឹងបន្តទទួលភ្ញៀវទេសចរកាន់តែច្រើនថែមទៀតនៅពេលអនាគត» ។
ជាមួយគ្នានោះដែរ ឯកឧត្តមអ្នកនាំពាក្យបានបន្ថែមថានៅពេលសាងសង់ចប់រួចរាល់ កំពង់ផែទេសចរណ៍ដែកបណ្តែតទឹកក្រុងកំពង់ចាមនឹងត្រូវប្រគល់ជូនរដ្ឋបាលខេត្តកំពង់ចាមជាអ្នកគ្រប់គ្រង និងប្រតិបត្តិការ ។
បើតាមអ្នកនាំពាក្យបានឲ្យដឹងថា ផ្អែកតាមផែនការនៃការអនុវត្តគម្រោងការសាងសង់សំណង់កំពង់ផែទេសចរណ៍ដែកបណ្តែតទឹកសម្រាប់ដំណាក់កាលទី១នេះ នឹងប្រើប្រាស់
រយៈពេល២៤ខែ ។ ជាមួយគ្នានេះផងដែរ ការសាងសង់ហេដ្ឋារចនាសម្ព័ន្ធដំណាក់កាលទី២ ដែលរួមមានអគាររដ្ឋបាល និងកន្លែងរង់ចាំសម្រាប់ភ្ញៀវទេសចរនឹងចាប់ផ្តើមនៅឆ្នាំ២០២៦ ។
ជារួមក្រសួងសាធារណការ និងដឹកជញ្ជូន នឹងខិតខំបញ្ចប់ការសាសង់គម្រោងដ៏សំខាន់នេះឲ្យរួចរាល់តាមការគ្រោងទុក ៕
ចែករំលែកព័តមាននេះ