រាជធានីភ្នំពេញ ៖ សពបុរសម្នាក់ ត្រូវបានគេប្រទះឃើញអណ្ដែតទឹកប្រឡាយទឹកស្អុយនៅតាមបណ្ដោយផ្លូវរថភ្លើងបន្ទាប់ពីបាត់ខ្លួន២ថ្ងៃ។ ហេតុការណ៍ខាងលើនេះបង្កការភ្ញាក់ផ្អើលកាលពីវេលាម៉ោងប្រមាណ 6 និង 30 នាក់ព្រឹកថ្ងៃទី 3…
រាជធានីភ្នំពេញ ៖ សពបុរសម្នាក់ ត្រូវបានគេប្រទះឃើញអណ្ដែតទឹកប្រឡាយទឹកស្អុយនៅតាមបណ្ដោយផ្លូវរថភ្លើងបន្ទាប់ពីបាត់ខ្លួន២ថ្ងៃ។
ហេតុការណ៍ខាងលើនេះបង្កការភ្ញាក់ផ្អើលកាលពីវេលាម៉ោងប្រមាណ 6 និង 30 នាក់ព្រឹកថ្ងៃទី 3 ខែតុលាឆ្នាំ 2025 នៅតាមបណ្ដោយផ្លូវរថភ្លើងខាងលិចតុលាការយោធាក្នុងភូមិដំណាក់ សង្កាត់គោកឃ្លាង ខណ្ឌសែនសុខ រាជធានីភ្នំពេញ។
ទោះបីជាយ៉ាងណាគេពុំទាន់ដឹងថា បុរសរូបនោះស្លាប់ដោយសារធ្លាក់ទឹកប្រឡាយលង់ស្លាប់ឬក៏ត្រូវបានគេសម្លាប់ទម្លាក់ចូលទៅក្នុងក្រឡាយនោះទេ។
សពបុរសរងគ្រោះខាងលើរូបនោះឈ្មោះឃុល វីរះ អាយុ២៣ឆ្នាំមុខរបរកម្មកររោងចក្រ ស្នាក់នៅក្រោយវត្តតាំងកសាងខាងជើងក្នុងសង្កាត់កាកាប២ ខណ្ឌពោធិ៍សែនជ័យរាជធានីភ្នំពេញ។
តាមព័ត៌មានពីកន្លែងកើតហេតុបានឲ្យដឹងថា កាលពីវេលាយប់ថ្ងៃទី 30 ខែកញ្ញាឆ្នាំ 2025 បុរសរូបនោះមកលេងផ្ទះមិត្តភក្កិនៅក្បែរកន្លែងកើតហេតុដោយអត់មានពាក់អាវ។លុះយប់បន្តិចក៏បានធ្វើដំណើរទៅផ្ទះវិញស្រាប់តែនៅព្រឹកថ្ងៃទី 3 ខែតុលាឆ្នាំ 2025 មានព្រះសង្ឃបានជិះម៉ូតូកង់បីមកឈប់នៅចំណុច កន្លែងកើតហេតុក៏ប្រទះឃើញសពបុរស រូបនោះអណ្ដែតទឹកនៅក្នុងប្រឡាយរួចបង្កឲ្យមានការភ្ញាក់ផ្អើលតែម្ដង។
តាមប្រភពពីឪពុករបស់ជនរងគ្រោះបានឲ្យដឹងថា កូនប្រុសបានបាត់ខ្លួន រយៈពេល២ថ្ងៃមកហើយក្រុមគ្រួសារបាននាំគ្នាដើររកតែពុំឃើញមិននឹកស្មានថា ប្រទះឃើញសពនៅក្នុងត្រឡាយទឹកបែបនេះ។
តាមប្រភពពីឪពុករបស់ជនរងគ្រោះបានឲ្យដឹងទៀតថា កូនប្រុសរបស់គាត់ចេះហែលទឹកមិនអាចលង់ទឹកស្លាប់នោះទេ។ទោះបីជាយ៉ាងណារងចាំសមត្ថកិច្ចជំនាញចុះពិនិត្យសិនទើបបញ្ជាក់ថាសប្បុរសរូបនោះស្លាប់ដោយសារអ្វីពិតប្រាកដ ៕
ចែករំលែកព័តមាននេះ