គ្រួសាររងគ្រោះដោយសារភ្លើងឆេះផ្ទះទទួលបានអំណោយ
- ព្រៃវែង
ខេត្តព្រៃវែង ៖ អាជ្ញាធរស្រុកពាមរក៏ ដែលដឹកនាំដោយលោកស្រី ស្រេង ទៀង អភិបាលស្រុក កាលពីព្រឹកថ្ងៃទី១៧ តុលា ព្រឹកមិញនេះ…
ខេត្តព្រៃវែង ៖ អាជ្ញាធរស្រុកពាមរក៏ ដែលដឹកនាំដោយលោកស្រី ស្រេង ទៀង អភិបាលស្រុក កាលពីព្រឹកថ្ងៃទី១៧ តុលា ព្រឹកមិញនេះ…
ខេត្តព្រៃវែង ៖ អាជ្ញាធរស្រុកពាមរក៏ ដែលដឹកនាំដោយលោកស្រី ស្រេង ទៀង អភិបាលស្រុក កាលពីព្រឹកថ្ងៃទី១៧ តុលា ព្រឹកមិញនេះ បាននាំយកសម្ភារៈប្រើប្រាស់ ព្រមទាំងគ្រឿងឧបភោគបរិភោគ រួមនិងថវិកាមួយចំនួន ដែលជាជំនួយមនុស្សធម៌របស់អនុសាខាកាកបាទក្រហមស្រុកពាមរក៍ ទៅចែកជូនដល់ប្រជាពលរដ្ឋ២គ្រួសារ នៅភូមិ៦ ឃុំព្រែកខ្សាយ(ខ) ស្រុកពាមរក៍ ដែលរងគ្រោះដោយសារភ្លើងឆេះផ្ទះកាលពីថ្ងៃទី៨ តុលា កន្លងទៅ។
ជនរងគ្រោះទាំង២គ្រួសារនេះ ទី១មានឈ្មោះ ង្វៀង យ៉ាំងបាវ ភេទស្រី អាយុ៤៩ឆ្នាំ និងទី២ឈ្មោះ កាវ យ៉ាំងហាក់ ភេទប្រុស អាយុ៦៥ឆ្នាំ គ្រួសារទាំង២ជាជនជាតិវៀតណាម និងមានមុខរបរជាអ្នកទិញលក់អេតចាយ។ ចំណែកអំណោយដែលទទួលបានក្នុង១គ្រួសារៗ រួមមានអង្ករ២០គីឡូក្រាម មី៤០កញ្ចប់ សម្ភារៈប្រើប្រាស់ចានឆ្នាំង កាំបិត ជ្រញ់ កន្ទេល មុង ភួយ ខ្នើយ និងថវិកា៥ម៉ឺនរៀល។
លោកស្រី ស្រេង ទៀង អភិបាលស្រុកពាមរក៍ បានមានប្រសាសន៍ថា ការចុះជួយដល់ជនរងគ្រោះគឺជាបេសកកម្មចំបងរបស់កាកបាទក្រហម ដែលទីណាមានទុក្ខលំបាកទីណាមានជនរងគ្រោះ ទីនោះក៏មានកាកបាទក្រហមដែរ ជាក់ស្តែង ជនរងគ្រោះទាំង២គ្រួសារនេះ ផ្ទះរបស់ពួកគាត់ត្រូវបានភ្លើងឆេះអស់ទាំងស្រុង កាលពីថ្ងៃទី៨ តុលាកន្លងទៅនេះ ហើយដើម្បីជួយសម្រាលទុក្ខលំបាករបស់ពួកគាត់ ទើបអនុសាខាកាកបាទក្រហមស្រុកពាមរក៍ បាននាំយកជំនួយមនុស្សធម៌ទាំងនេះមកចែកជូនដល់ពួកគាត់ ដែលអាចជួយសម្រាលការខ្វះខាតរបស់ពួកគាត់បានមួយរយៈពេលខ្លីផងដែរ៕
ចែករំលែកព័តមាននេះ