ខេត្តកំពត ៖ ផ្លូវលំមួយខ្សែប្រវែងជិត២គីឡូម៉ែត្រនៅជាប់ច្រកទ្វារព្រំដែនអន្តរជាតិព្រែកចាក ស្ថិតក្នុងភូមិថ្កូវ ឃ្មុំឫស្សីស្រុកខាងលិច ស្រុកកំពង់ត្រាច។ ផ្លូវមួយខ្សែដែលមានភូមិសាស្ត្រនៅជាប់ ប្រទេសវៀតណាមនេះ កំពុងរងការខូចខាតយ៉ាងធ្ងន់ធ្ងរបំផុតបន្ទាប់ពីមានការដឹកជញ្ជូនស្ករស រវាងច្រកទ្វារទៅកាន់ច្រករបៀងមួយងាយស្រួលដឹកតាមទូកឆ្ងងទៅត្រើយម្ខាងឆ្ពោះទៅប្រទេសវៀតណាម។…
ខេត្តកំពត ៖ ផ្លូវលំមួយខ្សែប្រវែងជិត២គីឡូម៉ែត្រនៅជាប់ច្រកទ្វារព្រំដែនអន្តរជាតិព្រែកចាក ស្ថិតក្នុងភូមិថ្កូវ ឃ្មុំឫស្សីស្រុកខាងលិច ស្រុកកំពង់ត្រាច។ ផ្លូវមួយខ្សែដែលមានភូមិសាស្ត្រនៅជាប់ ប្រទេសវៀតណាមនេះ កំពុងរងការខូចខាតយ៉ាងធ្ងន់ធ្ងរបំផុតបន្ទាប់ពីមានការដឹកជញ្ជូនស្ករស រវាងច្រកទ្វារទៅកាន់ច្រករបៀងមួយងាយស្រួលដឹកតាមទូកឆ្ងងទៅត្រើយម្ខាងឆ្ពោះទៅប្រទេសវៀតណាម។
ប៉ុន្តែទោះជាបែបណាអ្នកដឹកជញ្ជូនស្ករសតាមរថយមន្តកែច្នៃ មិនបានខ្វល់ខ្វាយពីការបំផ្លាញផ្លូវ របស់អ្នកភូមិទេ បន្តដឹកជញ្ជូនរាប់សិបតោនក្មុងមួយថ្ងៃៗ។ អ៊ំស្រី ទូច ញ៉ អាយុ៨៧ឆ្នាំ នៅភូមិថ្កូវបាននិយាយប្រាប់ឲ្យដឹងកាលពីព្រឹកថ្ងៃទី១៦ តុលា នេះថា ផ្លូវចូលមកកាន់ភូមិថ្កូវគឺ មានការពិបាកធ្វើដំណើណាស់ដោយសាតែផ្លូវនេះមានការដឹកជញ្ជូនស្ករសទៅប្រទេសវៀតណាម។
អ៊ំស្រី ទូច ញ៉ ប្រាប់បន្តថា គាត់ខំចំណាយដីស្រែឲ្យអាជ្ញាធរអភិវឌ្ឍន៍ផ្លូវតាមព្រំដែន ទីបំផុតបានផ្លូវល្អបានទៅ អ្នកជួញដឹកទំនិញទៅវិញ។ បើតាមការអះអាងពីមន្ត្រីនគរបាលវរសេនាតូច លេខ៦០១ ការពារព្រំដែនគោគ បានប្រាប់ឲ្យដឹងថា អ្នកដឹកស្ករសទៅប្រទេសវៀតណាមកន្លងមកគឺ ពួកគាត់មិនបានដឹកឆ្លងតាមច្រកទ្វារទេដោយសាតែខាងពន្ធគយវៀតណាមបង់ខ្ពស់ពេក។
មន្ត្រីនគរបាលរូបនោះបាននិយាយប្រាប់បន្តថា ពួកអ្នកដឹកស្ករសនាំគ្នាដឹកវាងពីអាជ្ញាធរខាងវៀតណាម ដូចព្យុះដូចភ្លៀង។ គេបានមើលឃើញថា ផ្លូវនៅជាប់ព្រំដែនមួយនេះកំពុងរងការខូចខាតព្រោះ អ្នករកស៊ីច្រើនអ្នកអាចប្រចាំគ្នាធ្វើខណៈផ្លូវនៅត្រើយខាងត្បូងនៅដីវៀតណាមដែលមើលទៅគ្មានឃើញកំពុងមានការអភិវឌ្ឍន៍យ៉ាងស្អាតប្រសើផងដែរ៕
ចែករំលែកព័តមាននេះ