រាជធានីភ្នំពេញ ៖ វិស័យមូលបត្រកម្ពុជាកំពុងតែវិវត្តន៍រីកចម្រើនជាបណ្ដើរៗ ប៉ុន្ដែសម្រាប់ពលរដ្ឋកម្ពុជា ការយល់ដឹងពីវិស័យនេះនៅមានកម្រិតនៅឡើយ ។ ស្របពេលដែលវិស័យនេះកំពុងមានការចាប់អារម្មណ៍ពីវិនិយោគិននានា ការឈ្វេងយល់ឲ្យបានស៊ីជម្រៅពីអាជីវកម្មមួយនេះ ពិតជាមានសារសំខាន់ណា់ ពិសេសមុននឹងសម្រេចចិត្តវិនិយោគលើផ្សារហ៊ុន…
រាជធានីភ្នំពេញ ៖ វិស័យមូលបត្រកម្ពុជាកំពុងតែវិវត្តន៍រីកចម្រើនជាបណ្ដើរៗ ប៉ុន្ដែសម្រាប់ពលរដ្ឋកម្ពុជា ការយល់ដឹងពីវិស័យនេះនៅមានកម្រិតនៅឡើយ ។ ស្របពេលដែលវិស័យនេះកំពុងមានការចាប់អារម្មណ៍ពីវិនិយោគិននានា ការឈ្វេងយល់ឲ្យបានស៊ីជម្រៅពីអាជីវកម្មមួយនេះ ពិតជាមានសារសំខាន់ណា់ ពិសេសមុននឹងសម្រេចចិត្តវិនិយោគលើផ្សារហ៊ុន ។
លោក ស៊ូ សុជាតិ អគ្គនាយកគណៈកម្មការមូលបត្រកម្ពុជា បានថ្លែងថា បច្ចុប្បន្នគណៈកម្មការមូលបត្រកម្ពុជា បាននិងកំពុងធ្វើការជាមួយក្រុមហ៊ុនមូលបត្រកម្ពុជា ដោយបានអនុញ្ញាតឲ្យក្រុមហ៊ុនចំនួន៥ បោះផ្សាយលក់មូលបត្ររបស់ខ្លួននៅលើទីផ្សារ ដែលក្រុមហ៊ុនទាំងនោះរួមមាន រដ្ឋាករទឹកស្វយ័ត្នក្រុងភ្នំពេញ, កំពង់ផែស្វយ័តក្រុងភ្នំពេញ, កំពង់ផែស្វយ័តក្រុងព្រះសីហនុ, រោងចក្រកាត់ដេរ ហ្គ្រេន ធ្វីន និងតំបន់សេដ្ឋកិច្ចពិសេសភ្នំពេញ ។ លោកបានបន្ដថា ៖« អ្នកវិនិយោគលើភាគហ៊ុន ឬមូលបត្រដែលបោះលក់ដោយក្រុមហ៊ុនណាមួយ អាចទទួលបានប្រាក់ចំណេញ ឬខាត អាស្រ័យលើក្រុមហ៊ុននោះរកស៊ីខាត ឬចំណេញ »។
លោកបន្ដថា ៖« អ្នកវិនិយោគអាចលក់ហ៊ុនរបស់ខ្លួន នៅពេលតម្លៃភាគហ៊ុននោះឡើងថ្លៃ ហើយអាចទទួលបានផលចំណេញ ប៉ុន្តែបើភាគហ៊ុនក្រុមហ៊ុនដែលខ្លួនបានវិនិយោគនោះធ្លាក់ចុះ អ្នកវិនិយោគត្រូវខាតបង់ដែរ ។ ប៉ុន្តែអ្នកវិនិយោគក៏មិនខាតបង់ដែរ ប្រសិនជាអ្នកវិនិយោគទិញភាគហ៊ុននោះ នៅតែរក្សាទុកភាគហ៊ុនរបស់ខ្លួន ដោយរង់ចាំរហូតដល់ភាគហ៊ុននោះឡើងថ្លៃវិញ ចាំលក់ អ្នកវិនិយោគនោះមិនរងការខាតបង់នោះទេ ប៉ុន្តែជាការកប់នូវដើមទុនដែលខ្លួនវិនិយោគផងដែរ »។
តើអ្វីជាទីផ្សារមូលបត្រទីផ្សារមូលបត្រ ជាកន្លែងជួបគ្នារវាងអ្នកទិញ និងអ្នកលក់ ដែលមានការព្រមព្រៀងគ្នា ដើម្បីបោះលក់មូលបត្រ ឬភាគហ៊ុននៃក្រុមហ៊ុនរបស់ខ្លួនដល់សាធារណជន ដែលសាធារណជនអាចទិញភាគហ៊ុនវិនិយោគ ហើយអ្នកទិញបានក្លាយជាម្ចាស់ភាគហ៊ុននៃក្រុមហ៊ុននោះ ។
សញ្ញាប័ណ្ណ ឬមូលបត្របំណុលសញ្ញាប័ណ្ណ ឬមូលបត្របំណុល មិនទាន់បានចាប់ផ្តើមនៅកម្ពុជានៅឡើយទេ ព្រោះរហូតមកទល់ពេលនេះ មិនទាន់មានក្រុមហ៊ុនណាមួយបោះលក់មូលបត្របំណុល ឬសញ្ញាប័ណ្ណនៅឡើយទេ បើទោះជាគណៈកម្មការមូលបត្រកម្ពុជាបានបញ្ចប់ការរៀបចំបទដ្ឋានគតិយុត្ត ឬសៀវភៅឯកសារពាក់ព័ន្ធរួចហើយក៏ដោយ ។
អ្វីជាមូលបត្របំណុល ? មូលបត្របំណុលជាការបោះផ្សារលក់មូលបត្ររបស់ក្រុមហ៊ុនមួយ ដើម្បីប្រមូលទុនទៅវិនិយោគ ឬពង្រីកក្រុមហ៊ុនរបស់ខ្លួន។ សាធារណជនអាចចូលរួមទិញមូលបត្របំណុលពីក្រុមហ៊ុនណាមួយនោះ និងទទួលបានអត្រាការប្រាក់ក្នុងចំនួនថេរមួយ ស្របតាមបទប្បញ្ញត្តិដាក់ចេញរវាងក្រុមហ៊ុន និងគណៈកម្មការមូលបត្រកម្ពុជា និងអ្នកវិនិយោគ ដែលស្ម័គ្រចិត្តទិញមូលបត្របំណុលនៃក្រុមហ៊ុនណាមួយនោះ ។ ការជួញដូរភាគហ៊ុន ពិតជាបានផ្ដល់អត្ថប្រយោជន៍ជាច្រើនដល់វិនិយោគិន ដូចជា ឱកាសវិនិយោគ និងប្រាក់ចំណេញ, លទ្ធភាពក្នុងការវិនិយោគដោយវិនិយោគិនតូចៗ, ការលើកទឹកចិត្តផ្នែកពន្ធ , ការធ្វើពិពិធកម្មនៃសំណុំវិនិយោគ និងចំណូលបន្ថែម ជាដើម ។
ទោះបីយ៉ាងណា ការជួញដូរភាគហ៊ុនក៏អាចជួបហានិភ័យដែរ ដែលអាចចាត់ថ្នាក់ហានិភ័យទាំងនោះ ជាបីប្រភេទចម្បងៗ ដូចតទៅ ៖ ១- ហានិភ័យជាប្រព័ន្ធ ឬហានិភ័យទីផ្សារ គឺជាភាពមិនច្បាស់លាស់ដែលកើតមានឡើងចំពោះទីផ្សារទាំងមូល និងមិនអាចចៀសវាងបានតាមការធ្វើពិពិធកម្ម ដូចជា ហានិភ័យនៃការធ្លាក់ចុះសេដ្ឋកិច្ច ហានិភ័យអតិផរណា ហានិភ័យស្ថិរភាពនយោបាយ ហានិភ័យនៃការកើនឡើងអត្រាការប្រាក់ ជាដើម ។ ២- ហានិភ័យមិនមែនជាប្រព័ន្ធ គឺជាភាពមិនច្បាស់លាស់ដែលកើតមានចំពោះក្រុមហ៊ុន ឬវិស័យណាមួយ ដែលអាចកាត់បន្ថយបានដោយការធ្វើពិពិធកម្ម ។ ហានិភ័យទាំងនោះរួមមាន ការកេងបន្លំផ្ទៃក្នុងនៃបញ្ជីគណនេយ្យ និងសកម្មភាពជួញដូរផ្ទៃក្នុងជាដើម ។ ៣- ហានិភ័យសន្ទនីយភាព សំដៅដល់ហានិ ភ័យដែលអ្នកទិញនិងអ្នកលក់មិនអាចរកគ្នាឃើញ ដើម្បីជួញដូរនៅពេលត្រូវការ និងនៅថ្លៃសមស្របមួយ ដោយសារកង្វះសន្ទនីយភាពក្នុងទីផ្សារ ៕
ចែករំលែកព័តមាននេះ