ខេត្តកណ្ដាល ៖ កម្លាំងនគរបាលផ្នែកប្រឆាំងគ្រឿងញៀន និងនគរបាលផ្នែកព្រហ្មទណ្ឌនៃអធិការដ្ឋានស្រុកអង្គស្នួលបានធ្វើការបង្ក្រាបក្រុមជួញដូរគ្រឿងញៀន នៅក្នុងមូលដ្ឋានស្រុករបស់ខ្លួនតាមបែបភ្លៀងរលឹម ។ ដោយចាប់បានជនសង្ស័យជាបន្តបន្ទាប់ ប៉ុន្តែអ្វីដែលជាការកត់សម្គាល់ចំពោះអ្នកជួញដូរ និងប្រើប្រាស់គ្រឿងញៀនវិញ ក៏បានធ្វើសកម្មភាពតាមបែបភ្លៀងរលឹមដូចគ្នាដែរ…
ខេត្តកណ្ដាល ៖ កម្លាំងនគរបាលផ្នែកប្រឆាំងគ្រឿងញៀន និងនគរបាលផ្នែកព្រហ្មទណ្ឌនៃអធិការដ្ឋានស្រុកអង្គស្នួលបានធ្វើការបង្ក្រាបក្រុមជួញដូរគ្រឿងញៀន នៅក្នុងមូលដ្ឋានស្រុករបស់ខ្លួនតាមបែបភ្លៀងរលឹម ។
ដោយចាប់បានជនសង្ស័យជាបន្តបន្ទាប់ ប៉ុន្តែអ្វីដែលជាការកត់សម្គាល់ចំពោះអ្នកជួញដូរ និងប្រើប្រាស់គ្រឿងញៀនវិញ ក៏បានធ្វើសកម្មភាពតាមបែបភ្លៀងរលឹមដូចគ្នាដែរ ។ បង្ក្រាប និងចាប់មិនចេះអស់ទាល់តែសោះ ជាក់ស្ដែងកាលពីវេលាម៉ោង៤និង៣០នាទីល្ងាចថ្ងៃទី១៣ ខែតុលា ឆ្នាំ២០១៨ ។ បានធ្វើការឃាត់ខ្លួនជនសង្ស័យជួញដូគ្រឿងញៀន២នាក់ នៅក្នុងភូមិថ្នល់ទទឹង ឃុំដំណាក់អំពិល ស្រុកអង្គស្នួល ខេត្តកណ្តាល ។
ជនសង្ស័យខាងលើនោះម្នាក់ឈ្មោះជា ប៊ុនណា ហៅច្រូច អាយុ៤០ឆ្នាំ ជនជាតិខ្មែរ មុខរបរជាងប៉ះកង់រថយន្ត មានទីលំនៅបច្ចុប្បន្ននៅក្នុងភូមិថ្នល់ទទឹងឃុំ ដំណាក់អំពិល ស្រុកអង្គស្នួល ខេត្តកណ្តាល ។ និងម្នាក់ទៀតឈ្មោះស៊ីម កានិន ហៅយួន អាយុ២៤ឆ្នាំ ជនជាតិខ្មែរ មានទីលំនៅក្នុងភូមិជាមួយគ្នាខាងលើ ។ ដែលនៅក្នុងខណៈនោះនគរបាលដកហូតបានគ្រឿងញៀនចំនួន១៥កញ្ចប់ ក្នុងនោះកញ្ចប់ធំ១កញ្ចប់ កញ្ចប់មធ្យមចំនួន០៩កញ្ចប់ និងកញ្ចប់តូចចំនួន០៥កញ្ចប់ ។ ទូរស័ព្ទដៃ០១គ្រឿង ម៉ាកណូគាចុចពិល , ឧបករណ៍ចូកថ្នាំញៀនរំលែកដាក់ថង់០១ ,ក្រដាស ស្រោមសំបុត្រដាក់ថ្នាំញៀន០១សន្លឹក និងឧបករណ៌សម្រាប់ប្រើប្រាស់ថ្នាំញៀនមួយចំនួនទៀត ។
នគរបាលបានឲ្យដឹងថា កម្លាំងនគរបាលផ្នែកប្រឆាំងគ្រឿងញៀន និងនគរបាលផ្នែកព្រហ្មទណ្ឌនៃអធិការដ្ឋានស្រុកអង្គស្នួលបានធ្វើការស្រាវជ្រាវរកទីតាំងក្រុមជួញដូរ និងប្រើប្រាស់គ្រឿងញៀន ដើម្បីបង្ក្រាបតាមបែបភ្លៀងរលឹម ។ ហើយបានទទួលដំណឹងពីប្រជាពលរដ្ឋដែលបានឃើញជនសង្ស័យទាំង២នាក់ខាងលើ កំពុងធ្វើសកម្មភាពជួញដូរ ។
ប្រភពដដែលបានបន្តទៀថា ខណៈនោះកម្លាំងបានចុះទៅធ្វើការបង្ក្រាប និងចាប់ខ្លួនភ្លាមៗបានទាំង២នាក់ និងដកហូតបានវត្ថុតាងជាក់ស្ដែងរួចបាននាំទៅធ្វើការសាកសួរនៅអធិការដ្ឋានស្រុក ។ ពេលនោះជនសង្ស័យឈ្មោះ កានិន ហៅយួន បានសារភាពថា ថ្នាំញៀននេះជារបស់ជនសង្ស័យឈ្មោះ ប៊ុនណា ហៅច្រូច ជាអ្នកឲ្យខ្លួនកាន់លក់ ដើម្បីយកប្រាក់ចំណេញចែកគ្នា ។ ចំណែកជនសង្ស័យឈ្មោះជា ប៊ុនណា ហៅច្រូច សារភាពថា ខ្លួនបានទិញថ្នាំញៀនទាំងនោះពីជនមិនស្គាល់អត្តសញ្ញាណម្នាក់នៅម្តុំក្រោយផ្សារត្រពាំងអំពិល ឃុំត្រពាំងគង ស្រុកសំរោងទងមខេត្តកំពង់ស្ពឺ ។
ជននេះបានសារភាពបន្តទៀតថា ខ្លួនទិញម្តងៗចំនួន៤០០ដុល្លារ ដើម្បីយកមកលក់បន្ត ហើយក្រោយពេលទិញបានក៏បានយកឲ្យឈ្មោះកានិន ហៅយួន ជាអ្នកកាន់លក់បន្តពិតប្រាកដមែន ។ លុះក្រោយពេលលក់បានលុយចំណេញបានយកចែកគ្នាចាយ ប៉ុន្តែពេលនេះត្រូវអស់លក្ខណ៍ដោយត្រូវបានកម្លាំងនគរបាលចាប់ខ្លួនបានបែបនេះ ៕
ចែករំលែកព័តមាននេះ