ខេត្តកោះកុង ៖ ក្រោយពីធ្លាយវីដេអូមួយ បង្ហាញពីសកម្មភាពរបស់បុរសម្នាក់បានយកថង់សំរាមជា ច្រើន ទៅបោះចូលព្រែកតាមចន្លោះប្រហោងបង្កាន់ដៃស្ពានដែកប៉ាក់ខ្លង ក៏ធ្វើឱ្យមហាជនក្នុងបណ្តាញសង្គមមានការខឹងសម្បារបុរសនោះយ៉ាងខ្លាំង ដោយនាំគ្នាស៊ែរវីដេអូ និងស្រែករកការអន្តរាគមន៍ពីអាជ្ញាធរជាបន្ទាន់ កាលពីថ្ងៃទី១២…
ខេត្តកោះកុង ៖ ក្រោយពីធ្លាយវីដេអូមួយ បង្ហាញពីសកម្មភាពរបស់បុរសម្នាក់បានយកថង់សំរាមជា
ច្រើន ទៅបោះចូលព្រែកតាមចន្លោះប្រហោងបង្កាន់ដៃស្ពានដែកប៉ាក់ខ្លង ក៏ធ្វើឱ្យមហាជនក្នុងបណ្តាញសង្គមមានការខឹងសម្បារបុរសនោះយ៉ាងខ្លាំង ដោយនាំគ្នាស៊ែរវីដេអូ និងស្រែករកការអន្តរាគមន៍ពីអាជ្ញាធរជាបន្ទាន់ កាលពីថ្ងៃទី១២ តុលា ម្សិលមិញ ។
លុះនៅព្រឹកថ្ងៃទី១៣ តុលា នេះ យោងតាមផេករបស់រដ្ឋបាលខេត្តកោះកុង ត្រូវបានបង្ហាញ ដោយរកឃើញបុរសខាងលើ នាំមកធ្វើការណែនាំ និងធ្វើកិច្ចសន្យាជាមួយសមត្ថកិច្ច ស្ថិតនៅទីតាំងបោះចោលសំរាមនោះ ក្នុងនោះមានអាជ្ញាធរស្រុកមណ្ឌលសីមា កម្លាំងនគរបាលស្រុក សហការជាមួយមន្ទីរបរិស្ថានខេត្តកោះកុងផងដែរ ។
ប្រភពបន្តទៀតថា យ៉ាងណាបុរសខាងលើ មិនត្រូវបានស្គាល់ឈ្មោះនោះទេ ប៉ុន្តែអាជ្ញាធរ បានឱ្យបុរសនោះចុះរើសសំរាមបានចោលដែលនៅសេសសល់ និងតម្រូវឱ្យគាត់ធ្វើការសុំទោសជាសាធារណៈផងដែរ ។
ចែករំលែកព័តមាននេះ