ព្រះបរមគ្រូនៃយើងលោកសរសើរកូនប្រុសស្រីទាំងឡាយណាដែលបានបំពេញនូវសម្បទាធម៌៤ប្រការដល់ឪពុកម្តាយដោយបរិបូណ៌ បុត្រធីតាទាំងឡាយនោះឈ្មោះថា កូនល្អ ជាកូនកតញ្ញូកតវេទី។ សម្បទាទាំង៤នោះគឺៈ ១-សទ្ធាសម្បទា ដល់ព្រមដោយសទ្ធា។ បើមាតាបិតា ជាអ្នកគ្មានសទ្ធា ជឿលើកម្មផលទេ…
ព្រះបរមគ្រូនៃយើងលោកសរសើរកូនប្រុសស្រីទាំងឡាយណាដែលបានបំពេញនូវសម្បទាធម៌៤ប្រការដល់ឪពុកម្តាយដោយបរិបូណ៌ បុត្រធីតាទាំងឡាយនោះឈ្មោះថា កូនល្អ ជាកូនកតញ្ញូកតវេទី។ សម្បទាទាំង៤នោះគឺៈ
១-សទ្ធាសម្បទា ដល់ព្រមដោយសទ្ធា។ បើមាតាបិតា ជាអ្នកគ្មានសទ្ធា ជឿលើកម្មផលទេ កូនប្រុសស្រី គប្បីដឹកនាំគាត់ទាំងពីរឲ្យមានសទ្ធាជ្រះថ្លាឡើង។
២- សីលសម្បទា ដល់ព្រមដោយសីល។ បើមាតាបិតា ជាអ្នកទ្រុស្ដសីល មានការសម្លាប់សត្វជាដើម កូនគប្បីពន្យល់ណែនាំលោកទាំងទ្វេឲ្យរក្សាសីលឡើង។
៣- ចាគសម្បទា ដល់ព្រមដោយការលះ ការឱ្យទាន។ បើឪពុកម្តាយជាមនុស្សកំណាញ់ស្វិត មិនចេះចំណាយធនធានធ្វើទានទេ បុត្រធីតាគប្បីពន្យល់ណែនាំ កុំឲ្យគាត់លុះក្រោមអំណាចមច្ឆរិយៈការកំណាញ់ស្វិត ធ្វើជាទាសករនៃទ្រព្យសម្បត្តិ ឲ្យគាត់ចេះបរិច្ចាគធនធានធ្វើជាទានឡើង ។
៤- បញ្ញាសម្បទា ដល់ព្រមដោយបញ្ញា។ ប្រសិនបើមាតាបិតា ជាអ្នកមិនចូលចិត្តស្ដាប់ធម៌ទេសនា ឬសិក្សារៀនសូត្រធម៌អាថ៌ទេ បុត្រធីតា គប្បីពន្យល់ណែនាំគាត់ឲ្យចេះស្ដាប់ធម៌ សិក្សាអត្ថន័យរបស់ព្រះធម៌ ហើយតាំងចិត្តចម្រើននូវសមាធិកម្មដ្ឋាន ដើម្បីឲ្យកើតបញ្ញាឡើង។
កាលបើកូនប្រុសស្រីណាបានអនុវត្តនូវធម៌៤យ៉ាងដូចរៀបរាប់មកនេះ បុត្រធីតាទាំងនោះឈ្មោះថាបានបំពេញតួនាទីជាកូនល្អ ព្រមទាំងមានឈ្មោះថា កតញ្ញូកតវេទីបុគ្គលដោយពិតប្រាកដ ។
ចែករំលែកព័តមាននេះ