ថ្ងៃនេះជាវេនបិណ្ឌទី១១ហើយ នៅសល់តែ៤ថ្ងៃទៀតប៉ុណ្ណោះផុតរដូវភ្ជុំហើយ ម្តេចឡើយកូនប្រុសស្រីនៅតែមិនទាន់មកលេងពុកម៉ែទៀត ពេលនេះពុកម៉ែកំពុងទន្ទឹងរង់ចាំកូនយ៉ាងអន្ទះសា ចាំកូនទាំងទឹកចិត្តបរិសុទ្ធ។ នេះជាទំនួញពុកម៉ែដែលនឹកកូន ស្រឡាញ់កូន ។ ពេលនេះជាឱកាសដ៏វិសេសបំផុតសម្រាប់កូនប្រុសស្រីបំពេញកងការកុសលចំពោះលោកអ្នកដ៏មានគុណ ឧបត្ថម្ភលោកដោយទេយ្យទានទាំងឡាយមានបាយ…
ថ្ងៃនេះជាវេនបិណ្ឌទី១១ហើយ នៅសល់តែ៤ថ្ងៃទៀតប៉ុណ្ណោះផុតរដូវភ្ជុំហើយ ម្តេចឡើយកូនប្រុសស្រីនៅតែមិនទាន់មកលេងពុកម៉ែទៀត ពេលនេះពុកម៉ែកំពុងទន្ទឹងរង់ចាំកូនយ៉ាងអន្ទះសា ចាំកូនទាំងទឹកចិត្តបរិសុទ្ធ។ នេះជាទំនួញពុកម៉ែដែលនឹកកូន ស្រឡាញ់កូន ។
ពេលនេះជាឱកាសដ៏វិសេសបំផុតសម្រាប់កូនប្រុសស្រីបំពេញកងការកុសលចំពោះលោកអ្នកដ៏មានគុណ ឧបត្ថម្ភលោកដោយទេយ្យទានទាំងឡាយមានបាយ ទឹក នំ ចំណី ត្រី សាច់ សម្លៀកបំពាក់ និងលុយកាក់ជាដើមសម្រាប់ចាយវាយក្នុងរដូវបុណ្យទាននេះឱ្យបានសមរម្យ ។
ដូចនេះបើលោកអ្នកឈប់សម្រាកពីការងារគួរឆ្លៀតពេលទៅលេងនឹងគាត់ផង និងបានតបស្នងសងគុណដល់លោកវិញផង ព្រោះគាត់ទាំងទ្វេត្រូវការលោកអ្នកខ្លាំងណាស់ ។
មហាសមុទ្រដ៏ធំល្វឹងល្វើយគេអាចវាស់ស្ទង់បាន តែទឹកចិត្តស្រឡាញ់របស់ឪពុកម្តាយមកលើយើងជាកូនគ្រប់គ្នា គ្មានអ្នកណាអាចប៉ាន់ប្រមាណបានឡើយ។ ព្រោះហេតុនោះហើយយើងត្រូវតបស្នងសងគុណលោកវិញដោយការទំនុកបម្រុងឲ្យសមគួរនឹងទឹកចិត្តដ៏បរិសុទ្ធរបស់លោក ជាអនន្តគុណ ជាអនេកគុណ ជាអបមាណគុណដ៏លើសលប់ ។
ចែករំលែកព័តមាននេះ