រាជធានីភ្នំពេញ ៖ ប្រវែងប៉េតុងផ្លូវ២៦០០ម៉ែត្រ ស្ថិតក្នុងភូមិព្រែកតាគង់១ សង្កាត់ចាក់អង្រែលើ ខណ្ឌមានជ័យ បច្ចុប្បន្នប្រវែងផ្លូវនេះត្រូវបានទឹកជន់លិចលង់ផ្លូវហៀរចូលផ្ទះប្រជាពលរដ្ឋ និងរំខានដល់ការធ្វើដំណើរទៅមកប្រចាំថ្ងៃរបស់ប្រជានៅតំបន់នោះក៏ដូចជាអ្នកដំណើរដែលបានធ្វើដំណើរឆ្លងកាត់ជាដើម ។ ប្រភពព័ត៌មានពីប្រជាពលរដ្ឋរស់នៅប្របសងខាងផ្លូវនៅតំបន់នោះអោយដឹងថា…
រាជធានីភ្នំពេញ ៖ ប្រវែងប៉េតុងផ្លូវ២៦០០ម៉ែត្រ ស្ថិតក្នុងភូមិព្រែកតាគង់១ សង្កាត់ចាក់អង្រែលើ ខណ្ឌមានជ័យ បច្ចុប្បន្នប្រវែងផ្លូវនេះត្រូវបានទឹកជន់លិចលង់ផ្លូវហៀរចូលផ្ទះប្រជាពលរដ្ឋ និងរំខានដល់ការធ្វើដំណើរទៅមកប្រចាំថ្ងៃរបស់ប្រជានៅតំបន់នោះក៏ដូចជាអ្នកដំណើរដែលបានធ្វើដំណើរឆ្លងកាត់ជាដើម ។
ប្រភពព័ត៌មានពីប្រជាពលរដ្ឋរស់នៅប្របសងខាងផ្លូវនៅតំបន់នោះអោយដឹងថា ប្រវែងផ្លូវជាង២០០០ម៉ែត្រខាងលើគឺរាល់ពេលមានភ្លៀងម្តងៗគឺតែងមានការជន់លិចជាអន្លើរៗរហូតហើយរាល់ការជន់លិចម្តងៗគឺទឹកនេះមិនងាយស្រកទៅវិញឡើយពោលគឺជន់លិចរហូតរាប់ខែដោយសារតែនៅតំបន់នោះគឺគ្មានប្រព័ន្ធលូបង្ហូរទឹកសម្រាប់ពលរដ្ឋប្រើប្រាស់នោះឡើយ ។
ប្រភពព័ត៌មានបន្តថា ប្រសិនបើមានភ្លៀងធ្លាក់មិសូវញឹកញាប់នោះគឺផ្លូវត្រូវលិចលង់ល្មមហើយពលរដ្ឋដែលមានជីវភាពធូរធារនៅតំបន់នោះតែងជួលម៉ាស៊ីនប៊ូមទឹកយកមកប៊ូមទឹកទម្លាក់ទៅក្នុងផ្ទៃបឹងទំពុន ដើម្បីរំដោះទឹកចេញ ប៉ុន្តែប្រសិនបើភ្លៀងធ្លាក់ញឹកញ៉ាប់វិញ គឺសូម្បីតែទឹកបឹងក៏ត្រូវហៀវចូលមកក្នុងភូមិលិចលង់ពលរដ្ឋវិញដែរ ។
ក្រុមប្រជាពលរដ្ឋលើកឡើងថា ទឹកជន់លិចបែបនេះគឺបង្កផលលំបាកច្រើនដល់ការរស់នៅ និងរកស៊ីប្រចាំថ្ងៃ ពិសេសក្មេងតូចៗរបស់ពួកគាត់ត្រូវជិះកង់ទៅសាលារៀនម្តងៗគឺពិបាកណាស់ ហើយស្ថានភាពទឹកក៏មានកម្រិតខ្ពស់រហូតលិចដល់ជង្គង់មនុស្សផងដែរ ។ ដូច្នេះហើយពួកគាត់ស្នើរអាជ្ញាធរមេត្តាពិនិត្យ និងដោះស្រាយបញ្ហានេះជូនពួកគាត់អោយបានឆាប់រហ័យបំផុតផង ។
ជុំវិញបាតុភាពខាងលើនេះលោក កែវ សាវឿន ចៅសង្កាត់ចាក់អង្រែលើបានបញ្ជាក់ប្រាប់ កោះសន្តិភាព តាមរយៈទូរស័ព្ទនាព្រឹកថ្ងៃទី៤ ខែតុលា ឆ្នាំ២០១៨ អោយដឹងថា ប្រវែងផ្លូវប៉េតុង២៦០០ម៉ែត្រដែលត្រូវជន់លិចខាងលើនេះគឺអាជ្ញាធរមានគម្រោងជួលជុលកែលម្អរួចហើយ ដែលគម្រោងជួសជុលនេះគឺជាគម្រោងរបស់សាលារាជធានីភ្នំពេញ ៕
ចែករំលែកព័តមាននេះ