ខេត្តព្រះសីហនុ ៖ បុរសវ័យជាង៥០ឆ្នាំម្នាក់បានរងរបួសធ្ងន់ ក្នុងខណៈពេលដែលបុរសនោះជិះម៉ូតូបត់ ហើយត្រូវរថយន្តមួយគ្រឿងបុកពេញទំហឹងបែកខ្ចាយពេញផ្លូវ។ ហេតុការណ៍នេះបានកើតឡើង នៅវេលាម៉ោង១២ និង៣០នាទីយប់ ឈានចូលថ្ងៃទី៤ តុលា…
ខេត្តព្រះសីហនុ ៖ បុរសវ័យជាង៥០ឆ្នាំម្នាក់បានរងរបួសធ្ងន់ ក្នុងខណៈពេលដែលបុរសនោះជិះម៉ូតូបត់ ហើយត្រូវរថយន្តមួយគ្រឿងបុកពេញទំហឹងបែកខ្ចាយពេញផ្លូវ។ ហេតុការណ៍នេះបានកើតឡើង នៅវេលាម៉ោង១២ និង៣០នាទីយប់ ឈានចូលថ្ងៃទី៤ តុលា ២០១៨នេះ តាមបណ្តោយផ្លូវជាតិ លេខ៤ ត្រង់ចំណុចគីឡូម៉ែត្រលេខ១៦៣-១៦៤ ស្ថិតក្នុងភូមិ/ឃុំតានៃ ស្រុកព្រៃនប់ ខេត្តព្រះសីហនុ។
តាមប្រភពពីសមត្ថកិច្ចបានឲ្យដឹងថា គ្រោះថ្នាក់នេះបានកើតឡើងរវាងម៉ូតូមួយគ្រឿង ម៉ាកហុងដា ឌ្រីមសេ១២៥ ពណ៌ខ្មៅ ស៊េរី២០០៧ ពាក់ស្លាក់លេខ 1B-3260 បើកបរដោយឈ្មោះ ខាន់ ផេង ភេទប្រុស អាយុ៥១ឆ្នាំ ភូមិ/ឃុំកែវផុស ស្រុកស្ទឹងហាវ ខេត្តព្រះសីហនុ។ ដល់ចំណុចកើតហេតុ ម៉ូតូបានបត់ឆ្វេងក្នុងទិសដៅពីភ្នំពេញ-ខេត្តព្រះសីហនុ ហើយក៏ត្រូវរថយន្តមួយគ្រឿងបើកបរក្នុងទិសដៅស្របគ្នា ម៉ាកឡិចស៊ីស RX330 ពាក់ស្លាកលេខ ភ្នំពេញ 2AS-7584 បើកបរដោយឈ្មោះ ឡា លីហួ ភេទប្រុស អាយុ១៩ឆ្នាំ មានទីលំនៅសង្កាត់/ ខណ្ឌដង្កោ រាជធានីភ្នំពេញ។
ប្រភពដដែលបានបន្តទៀតថា គ្រោះថ្នាក់នេះបានបណ្តាលឲ្យភាគីខាងម៉ូតូរងរបួសធ្ងន់ ហើយត្រូវបានគេដឹកសង្គ្រោះ នៅគ្លីនិកតានៃ ចំណែកអ្នកបើកបរ ត្រូវបានសមត្ថកិច្ចឃាត់សួរនាំ ហើយវត្ថុតាងត្រូវបានយកទៅរក្សារទុកនៅ ប៉ុស្តិ៍រដ្ឋបាលឃុំតានៃ ដើម្បីចាត់ចែងតាមនីតិវិធីច្បាប់៕
ចែករំលែកព័តមាននេះ