អាមេរិក ៖ តាមប្រភពព័ត៌មាន Metro បានឲ្យដឹងថា ប៉ូលិសបានធ្វើការស៊ើបអង្កេតទៅលើករណីវីដេអូបង្ហាញពីការសាក់ដៃក្មេងអាយុ១០ឆ្នាំ។ នេះក៏ដោយសារតែមានការរិះគន់ពីសំណាក់មហាជននៅអាមេរិក និងគេបារម្ភខ្លាចថា ក្មេងប្រុសនោះត្រូវបាននរណាម្នាក់បង្ខំឲ្យសាកបែបនេះ។
ក្នុងវីដេអូ គេឃើញក្មេងប្រុសអង្គុយលើភ្លៅរបស់ស្ត្រីម្នាក់ ដើម្បីទទួលការសាក់ដៃនៅលើដៃខាងស្តាំ។ ក្រោយពីវីដេអូនោះ ត្រូវបានបង្ហោះចូលលើហ្វេសប៊ុក មនុស្សជាច្រើនបានរិះគន់ម្នាក់មួយម៉ាត់។ ពួកគេបានទូរស័ព្ទទៅប៉ូលិសនៅ Bellefontaine រដ្ឋ Ohio សហរដ្ឋអាមេរិក ឲ្យមកចុះមើលផ្ទាល់នៅផ្ទះអ្នកប្រព្រឹត្ត។
តាមព័ត៌មាន Fox 28 បានឲ្យដឹងថា ប៉ូលិសបានចុះទៅដល់ផ្ទះរបស់ក្មេងប្រុសនៅកាលពីថ្ងៃចន្ទ។ ពួកគេរកឃើញថា ក្មេងប្រុសពិតជាមានសាក់នៅជាប់នឹងដៃស្តាំមែន ហើយគេបានសាក់កាលពីសប្តាហ៍មុន។
ប៉ូលិសបានប្រាប់ទៀតថា ក្មេងប្រុសនោះមិនបានប្រកែកមិនចង់សាក់នោះទេ ហើយម្តាយរបស់គេក៏ព្រមឲ្យកូនសាក់ដែរ។ ជាងដែលសាក់ឲ្យក្មេងប្រុសម្នាក់នេះ មានអាយុត្រឹមតែ១៦ឆ្នាំប៉ុណ្ណោះ។ ប៉ូលិសប្រាប់ទៀតថា ក្មេងប្រុសអាយុ១០ឆ្នាំជាអ្នកទារសាក់ខ្លួនឯង។
នាពេលនេះ ប៉ូលិសមិនទាន់បានធ្វើការចោទប្រកាន់ទៅលើនរណាម្នាក់ទេ ដោយសារតែមិនទាន់ឃើញថា ខុសច្បាប់ប្រការណាមួយ។ តែពួកគេកំពុងតែធ្វើការស៊ើបអង្កេតបន្ត៕ វីដេអូដកស្រង់ចេញពី ៖ LoL
https://www.youtube.com/watch?v=N934HSf6s1U
ចែករំលែកព័តមាននេះ