រាជធានីភ្នំពេញ ៖ ទោះបីជាមិនបានបញ្ចេញឈ្មោះចំក្តីសម្តេចតេជោ ហ៊ុន សែន នាយករដ្ឋមន្ត្រីកម្ពុជាបានទម្លាយឲ្យដឹងថា កន្លងមកមានស្ថាប័នមួយចំនួនបានឲ្យសម្តេចលក់វិស័យគយ៥០% ទៅឲ្យគេគ្រប់គ្រង ។ ការលើកឡើងរបស់សម្តេចតេជោ…
រាជធានីភ្នំពេញ ៖ ទោះបីជាមិនបានបញ្ចេញឈ្មោះចំក្តីសម្តេចតេជោ ហ៊ុន សែន នាយករដ្ឋមន្ត្រីកម្ពុជាបានទម្លាយឲ្យដឹងថា កន្លងមកមានស្ថាប័នមួយចំនួនបានឲ្យសម្តេចលក់វិស័យគយ៥០% ទៅឲ្យគេគ្រប់គ្រង ។
ការលើកឡើងរបស់សម្តេចតេជោ ខណៈជួបសំណេះសំណាលជាមួយពលរដ្ឋខ្មែររស់នៅសហរដ្ឋអាមេរិក នៅថ្ងៃទី៣០ កញ្ញានេះ បញ្ជាក់ថា ៖«តាមស្ថាប័នអន្តរជាតិខ្លះ គេឲ្យខ្ញុំលក់គយ៥០% ខ្ញុំមិនលក់ គេផ្តាច់ជំនួយខ្ញុំអាឡូវគេទៅវិញហើយ ។
ម៉ែអាណាលក់គយ ! គយនឹងជាសេវាអធិបតេយ្យ គយមានសិទ្ធិកាន់កាន់កាំភ្លើង គយមានសិទ្ធិមានឧទ្ធម្ភាគចក្រ មានយន្តហោះ មាននាវារបាត…។ ខ្ញុំថាអត់ទៅណាទៅចុះ! ខ្ញុំមិននិយាយចំឈ្មោះទេ ប៉ុន្តែ មានខ្លួនដឹងហើយ ។ ទើបយកបទពិសោធន៍នៅប្រទេសទីបីសោះមកគេបង្រៀនខ្មែរអីញ្ចឹង ខ្ញុំមិនលេងចូលទេ» ។
ជាមួយគ្នានោះដែរ សម្តេចតេជោ ក៏បានលើកពីរចនាសម្ព័ន្ធពីស្ថាប័នគយនៅក្នុងទស្សសវត្សន៍៩០ ថាចំណូលបានមកពីគយបាន៨០ភាគរយ ចំណូលបានមកពីកិច្ចការផ្ទៃ ក្នុង២០ភាគរយ ។ ចំណែកបច្ចុប្បន្នចំណូលបានមកពីគយមានការប្រែប្រួល គឺចំណូលបានមកពីគយ៤០% ចំណូលផ្ទៃក្នុង៦០ភាគរយ ។ ប្រាក់ចំណូលបានមកពីស្ថាប័នគយចំនួន៨០ភាគរយទទួលបានប្រាក់ពី២០ទៅ៣០លានដុល្លារ ប៉ុណ្ណោះក្នុងមួយខែ ។
បើព្រៀមធៀប និងបច្ចុប្បន្ននេះមានតែ៤០% តែក្នុងមួយខែទទួលបានជាង២០០លានដុល្លារ ។ សម្តេចបញ្ជាក់ថា «អីញ្ចឹងនៅពេលខាងមុខនេះចំណូលផ្ទៃក្នុងរបស់យើងត្រូវឲ្យមានការកើនឡើង ព្រោះថា យើងត្រូវដើរឲ្យដល់កម្រិតមួយ កាលណាយើងចុះហត្ថលេខាជាមួយតំបន់ពាណិជ្ជកម្មសេរីដូចជា អាស៊ានដប់ប្រទេស និងបន្តិចទៀតជាមួយភាគីជាដៃគូកិច្ច គ្រប់ជ្រុងជ្រោយ ដែលមានអាស៊ាន បូក ចិន ជប៉ុន កូរ៉េខាងត្បូង ឥណ្ឌា អូស្ត្រាលី និងណូវែសេឡង់ ។ បើយើងចុះហត្ថលេខានឹងទៀតចំណូលពន្ធគយនឹងធ្លាក់ចុះ អីញ្ចឹងត្រូវធ្វើឲ្យចំណូលផ្ទៃក្នុងកើន» ៕
ចែករំលែកព័តមាននេះ