រាជធានីភ្នំពេញ ៖ ប្រធានធិបតីចិនបានចាត់ទុកទំនាក់ទំនង និងកិច្ចសហប្រតិបត្តិការរវាងប្រទេសកម្ពុជា និងសាធារណរដ្ឋប្រជាមានិតចិនគឺជាទំនាក់នងដែកថែប ហើយមានភាពស្មោះត្រង់នឹងគ្នា ។ នេះបើតាមលោកស្រី ឧបកនាយករដ្ឋមន្ត្រី ម៉ែន…
រាជធានីភ្នំពេញ ៖ ប្រធានធិបតីចិនបានចាត់ទុកទំនាក់ទំនង និងកិច្ចសហប្រតិបត្តិការរវាងប្រទេសកម្ពុជា និងសាធារណរដ្ឋប្រជាមានិតចិនគឺជាទំនាក់នងដែកថែប ហើយមានភាពស្មោះត្រង់នឹងគ្នា ។ នេះបើតាមលោកស្រី ឧបកនាយករដ្ឋមន្ត្រី ម៉ែន សំអន ។
លោកស្រីឧបកនាយករដ្ឋមន្ត្រី ម៉ែន សំអន រដ្ឋមន្ត្រីក្រសួងទំនាក់ទំនងជាមួយ រដ្ឋសភាព្រឹទ្ធសភា និងអធិការកិច្ចបានអះអាងថាទំនាក់ទំនងរវាងកម្ពុជា-ចិនគឺជាមិត្តភាពដែកថែប និងស្មោះត្រង់នឹងគ្នា ។ ការលើកឡើងរបស់លោកស្រីឧបកនាយករដ្ឋមន្ត្រី ខណៈដែលទទួលជួបសម្តែងការជួបសមជាមួយឯកអគ្គរដ្ឋទូតសាធារណរដ្ឋប្រជាមានិតចិនលោក ស្យុង ប៉ ដែលបញ្ចប់អាណត្តិការទូតរបស់ខ្លួនប្រចាំនៅកម្ពុជានាព្រឹកថ្ងៃទី២៨ កញ្ញា នៅទីស្តីការក្រសួង ។
លោក ណុប ចាន់ណារិន្ទ អ្នកនាំពាក្យ និងជាអនុរដ្ឋលេខាធិការក្រសួងទំនាក់ទំនងជាមួយរដ្ឋសភាព្រឹទ្ធសភា និងអធិការកិច្ចបានឱ្យដឹងថា តាមរយៈនៃជំនួបលោក ស្យុង ប៉ បានលើកឡើងថាក្នុងរយៈពេល២ឆ្នាំកន្លងមកនេះ លោកបានធ្វើកិច្ចការងារជាច្រើន ពិសេសជួយសម្របសម្រួលក្នុងដំណើរទស្សនកិច្ច លោកប្រធានាធិបតីចិន Xi Jinping, លោកនាយករដ្ឋមន្ត្រីចិន លី ខឺឈាំង មកកាន់កម្ពុជាក៏ដូចជាដំណើរទស្សនកិច្ចរបស់សម្ដេចតេជោ ហ៊ុន សែន ទៅកាន់ប្រទេសចិនផងដែរ ។
លោកបានលើកឡើងទៀតថា ក្នុងរយៈពេល២ឆ្នាំមកនេះគឺបានយកចិត្តទុកដាក់ខ្លាំងនៅក្នុងការជំរុញកិច្ចអភិវឌ្ឍសេដ្ឋកិច្ច នយោបាយ ផ្លូវមួយខ្សែក្រវាត់មួយ និងកិច្ចសហប្រតិបត្តិការជាច្រើនទៀតដែលក្នុងនោះទទួលបាននូវលទ្ធផលដ៏ត្រចះត្រចង់ ដើម្បីពង្រឹង និងពង្រីក កិច្ចសហប្រតិបត្តិការ និងទំនាក់ទំនងចិន-កម្ពុជា ដល់ចំណុចថ្មីមួយទៀត ។
ក្នុងឱកាសនោះដែរលោកស្រីគតិសង្គហបណ្ឌិត ម៉ែន សំអន បានថ្លែងអំណរគុណយ៉ាងជ្រាលជ្រៅជាទីបំផុតចំពោះលោក ទូច និងមន្ត្រីការទូតរបស់ចិនទាំងអស់ ដែលបានខិតខំប្រឹងប្រែងអស់ពីកម្លាំងកាយចិត្តធ្វើឲ្យទំនាក់ទំនងរវាងកម្ពុជា-ចិនបានរីកចម្រើនដល់កម្រិតខ្លាំងឡើងថែមទៀត ៕
ចែករំលែកព័តមាននេះ