រាជធានីភ្នំពេញ ៖ តាមប្រភពព័ត៌មានបឋមបានឱ្យដឹងថា នៅវេលាម៉ោង១២ថ្ងៃត្រង់ ថ្ងៃទី២៨ ខែកញ្ញា ឆ្នាំ២០១៨ នេះមានករណីបង្កការភ្ញាក់ផ្អើលយ៉ាងខ្លាំងក្រោយពីមានអ្នកច្រូតស្មៅម្នាក់បានប្រទះឃើញគ្រោងឆ្អឹងសាកសពមួយនៅក្នុងដីឡូត៍មួយកន្លែង នៅភូមិទី១ សង្កាត់ជ្រោយចង្វារ ខណ្ឌជ្រោយចង្វារ ។

តាមប្រភពបានឱ្យដឹងថា មុនពេលកើតហេតុមានអ្នកច្រូតស្មៅម្នាក់ឈ្មោះ សែន យូសុះ ភេទប្រុស អាយុ៣០ឆ្នាំ មានទីលំនៅភូមិទី២ សង្កាត់ជ្រោយចង្វារ ខណ្ឌជ្រោយចង្វារ មានទៅច្រូតស្មៅនៅកន្លែងកើតហេតុខាងលើក៏ប្រទះឃើញគ្រោងឆ្អឹងសាកសពនោះតែម្តង ។ តាមការសន្និដ្ឋានគ្រោងឆ្អឹងដែលគេប្រទះឃើញនោះជាគ្រោងឆ្អឹងរបស់មនុស្សប្រុស ដោយនៅកន្លែងកើតហេតុផ្ទាល់គេមានឃើញខោអាវ ស្បែកជើង ខ្សែក្រវាត់ និងស្រោមអនាម័យផងដែរ ។
ប្រភពបន្តថា ជុំវិញការស្លាប់នេះនៅមិនទាន់ដឹងមូលហេតុនៅឡើយនោះទេ ដោយពេលនេះសមត្ថកិច្ចមូលដ្ឋានបានទាក់ទងសមត្ថកិច្ចជំនាញចុះមកត្រួតពិនិត្យដោយសាកសពមានសភាពរលួយអស់ទៅហើយ ៕
ចែករំលែកព័តមាននេះ