ADផ្ទាំងផ្សព្វផ្សាយពាណិជ្ជកម្ម

ពេលចាប់បានពស់ថ្លាន់ ស្រាប់តែខ្ជាក់មាន់ចេញជាច្រើនក្បាល

7 ឆ្នាំ មុន

ភ្នំពេញ
២១ ខែ កញ្ញា ឆ្នាំ ២០១៨ ម៉ោង ១៤:៥៨

រាជធានីភ្នំពេញ៖ ពស់ថ្លាន់មួយក្បាលត្រូវបានប្រជាពលរដ្ឋចាប់បាន ហើយយកទៅប្រគល់អោយប៉ុស្តិ៍ នគរបាលទួលសង្កែទី១ ខណ្ឌឬស្សីកែវ កាលពីវេលាម៉ោងប្រមាណ១០ព្រឹកថ្ងៃទី២១ ខែកញ្ញា ឆ្នាំ ២០១៨ ដើម្បីយកទៅលែង បន្តទៀត ។

តាមនគរបាល បានអោយដឹងថា ពស់មួយក្បាលនោះ មានទង្ងន់ប្រមាណ១១គីឡូក្រាមកន្លះ មានប្រមាណជាង២ម៉ែត្រ ត្រូវបានប្រជាពលរដ្ឋ នៅក្នុងមូលដ្ឋានសង្កាត់ទួលសង្កែខណ្ឌឬស្សីកែវ ចាប់បាន ខណៈពេល ដែលពស់នោះ លូនចូលទៅស៊ីមាន់ ។

ទោះបីជាយ៉ាងណា គេពុំដឹងថាប្រជាណលរដ្ឋចាប់បានពស់នោះតាំងពីពេលណានោះទេ ហើយអ្វីដែលមានគួរឱ្យការចាប់អារម្មណ៍ គឺនៅពេលចាប់បាន ពស់នោះបាន វាក៍ខ្ជាក់មាន់ជំទង់ៗចំនួន៥ក្បាលចេញពីក្នុងពោះមកវិញ ។

លោកភុន សុវណ្ណា នាយរងប៉ុស្តិ៍ ទួលសង្កែ១ បានអោយដឹងថា ពស់មួយក្បាលនោះមិនដឹងថា ប្រជាពលរដ្ឋ ចាប់បាននៅម្តុំណា និងនៅពេលណានោះទេ ហើយត្រូវបានយកមកប្រគល់អោយនគរបាលយកទៅលែង ដើម្បីសាងបុណ្យកុសល និងជាការរំដោះគ្រោះ។