មេដឹកនាំកូរ៉េទាំង២បង្ហាញពីឯកភាពថ្មីនាំគ្នាឡើងភ្នំពិសិដ្ឋ
ប្រទេសកូរ៉េទាំង២ ៖ ទំនាក់ទំនងរវាងកូរ៉េខាងត្បូង និងកូរ៉េខាងជើង បន្តរីកចម្រើនទៅមុខថែមទៀត។ លោកគីមជុង អ៊ុន និងលោក MOON JAE…
ប្រទេសកូរ៉េទាំង២ ៖ ទំនាក់ទំនងរវាងកូរ៉េខាងត្បូង និងកូរ៉េខាងជើង បន្តរីកចម្រើនទៅមុខថែមទៀត។ លោកគីមជុង អ៊ុន និងលោក MOON JAE IN កាលពីថ្ងៃទី២០ កញ្ញា បាននាំគ្នាឡើងទៅលើកំពូលភ្នំ MONT PAEKTU ជាភ្នំពិសិដ្ឋខាងសាសនានៃប្រជាជាតិកូរ៉េ។
នោះបង្ហាញពីឯកភាពថ្មីមួយទៀត ក្រោយការជម្រុញកាលពីថ្ងៃទី១៩ កញ្ញា ទៅរកការចរចាថ្មីរវាងកូរ៉េខាងជើង និងសហរដ្ឋអាមេរិក តាមរយៈការជួបគ្នាកំពូលអន្តរកូរ៉េលើកនេះ។
លោកគីមជុង អ៊ុន និងលោក MOON JAE IN បាននាំគ្នាធ្វើដំណើរតាមរថយន្តទៅភ្នំMONT PAEKTU នៅជាប់ព្រំដែនជាមួយចិន។ ភ្នំនេះមានកម្ពស់២.៧៤៤ម៉ែត្រនោះ ត្រូវបានពលរដ្ឋកូរ៉េចាត់ទុកជាភ្នំពិសិដ្ឋ ព្រោះល្បីថា ជាកន្លែងកើតរបស់ DANGUN ស្ថាបនិកក្នុងរឿងនិទាននៃរាជាណាចក្រកូរ៉េ។ រួចបើតាមការកត់ត្រាផ្លូវការរបស់កូរ៉េខាងជើងវិញ ភ្នំនេះជាកន្លែងដែលលោកគីមអ៊ីលស៊ុងបិតាស្ថាបនិកកូរ៉េខាងជើង ជីតាលោកគីមជុង អ៊ុន ធ្វើ្វការតស៊ូប្រឆាំងអាណានិគមនិយមជប៉ុនពីឆ្នាំ១៩១០ដល់១៩៤៥។
សញ្ញានៃការខិតចូលជិតគ្នាឯទៀតៗរវាងកូរ៉េទាំង២ លោកគីមជុង អ៊ុន ប្រកាសថា នឹងទៅកាន់ក្រុងសេអ៊ូលនាពេលឆាប់ៗអាចក្នុងឆ្នាំនេះ។ ពេលនោះលោកគីមគីជុង អ៊ុនក្លាយជាមេដឹកនាំកូរ៉េខាងជើងដំបូងគេទៅកាន់កូរ៉េខាងត្បូងតាំងពីចប់សង្គ្រាម(១៩៥០-១៩៥៣)មក។ ម្យ៉ាងទៀតមេដឹកនាំទាំង២ប្រកាសពីឆន្ទះ ដែលកូរ៉េទាំង២នឹងឈរឈ្មោះរួមគ្នាជាបេក្ខជនរៀបចំការប្រកួតកីឡាអូឡាំពិករដូវក្ដៅឆ្នាំ២០៣២។
មេដឹកនាំទាំង២ក៏សន្យារៀបចំការជួបជុំសាច់ញាតិព្រាត់គ្នាព្រោះសង្គ្រាមដោយទៀងទាត់ និងពីការខិតខំប្រឹងប្រែងដើម្បីភ្ជាប់បណ្ដាញផ្លូវដែកនិងផ្លូវថ្នល់រវាងកូរ៉េទាំង២។
ចំណែកសហរដ្ឋអាមេរិកវិញ ក្រោយការជួបគ្នាកំពូលអន្តរកូរ៉េនៅក្រុងព្យុងយ៉ាង លោកដូណាល់ ត្រាំនាថ្ងៃទី១៩ កញ្ញា បានអបអរសាទរចំពោះការរីកចម្រើនវិសាមញ្ញរបស់កូរ៉េខាងជើងខាងការរំសាយនុយក្លេអ៊ែរ។រីឯរដ្ឋមន្ត្រីការបរទេសអាមេរិកលោកMIKE POMPEO បានស្នើដល់សមភាគីកូរ៉េខាងជើងលោក RI YONG HOមកជួបគ្នា សប្ដាហ៍ខាងមុខនេះ នៅក្រុងញូវយ៉ក ខាងក្រៅមហាសន្និបាតអង្គការសហប្រជាជាតិ។
លោកថ្លែងថា សហរដ្ឋអាមេរិកអបអរដែលលោកប្រធានាធិបតីMOON និងមេដឹកនាំកូរ៉េខាងជើងលោកគីម សម្រេចបានច្រកចេញជាវិជ្ជមានពេលជួបគ្នាកំពូលនៅក្រុងព្យុងយ៉ាង។យើងអបអរដែលមេដឹកនាំទាំង២អះអាងជាថ្មីពីការសន្យារំសាយនុយក្លេអ៊ែរទាំងស្រុងនៅឧបទ្វីបកូរ៉េ។
ម្យ៉ាងទៀតវិមានប្រធានាធិបតីកូរ៉េខាងត្បូងប្រកាសនាថ្ងៃទី១៩កញ្ញាថាលោកMOONនឹងមកជួបលោកត្រាំនាថ្ងៃទី២៤កញ្ញានៅក្រុងញូវយ៉ក៕
ចែករំលែកព័តមាននេះ