រាជធានីភ្នំពេញ ៖ បុរសជាជនជាតិចិនម្នាក់ត្រូវកម្លាំងសមត្ថកិច្ចចាប់វាយខ្នោះយកទៅសាកសួរនៅប៉ុស្តិ៍ បន្ទាប់ពីបុរសរូបនោះប្រើអំពើហិង្សាវាយទៅលើសង្សារដែលជាស្ត្រីខ្មែរ ហេតុការណ៍នេះបង្កឱ្យមានការភ្ញាក់ផ្អើលកាលពីម៉ោង២និង៤០នាទីរំលងអធ្រាត្រឈានចូលថ្ងៃទី១៩ ខែកញ្ញា ឆ្នាំ២០១៨ នៅក្នុងសណ្ឋារមួយកន្លែង ស្ថិតក្នុងសង្កាត់បឹងកេងកង២ ខណ្ឌចំការមន…
រាជធានីភ្នំពេញ ៖ បុរសជាជនជាតិចិនម្នាក់ត្រូវកម្លាំងសមត្ថកិច្ចចាប់វាយខ្នោះយកទៅសាកសួរនៅប៉ុស្តិ៍ បន្ទាប់ពីបុរសរូបនោះប្រើអំពើហិង្សាវាយទៅលើសង្សារដែលជាស្ត្រីខ្មែរ ហេតុការណ៍នេះបង្កឱ្យមានការភ្ញាក់ផ្អើលកាលពីម៉ោង២និង៤០នាទីរំលងអធ្រាត្រឈានចូលថ្ងៃទី១៩ ខែកញ្ញា ឆ្នាំ២០១៨ នៅក្នុងសណ្ឋារមួយកន្លែង ស្ថិតក្នុងសង្កាត់បឹងកេងកង២ ខណ្ឌចំការមន ។
ស្ត្រីរងគ្រោះខាងលើហៅមុំ ស្នាក់នៅខណ្ឌឬស្សីកែវ ចំណែកបុរសជាជនជាតិចិនម្នាក់នោះគឺមិនទាន់ឱ្យស្គាល់អត្តសញ្ញាណនៅឡើយទេ ។
តាមសម្តីនារីរងគ្រោះឱ្យដឹងថា មុនកើតហេតុ រូបនាងមានគ្នា៣នាក់ស្រីៗបានមកផឹកស៊ីនៅសណ្ឋាគារខាងលើជាមួយបុរសជាជនជាតិចិនមានគ្នា៣នាក់ដូចគ្នា នៅពេលស្រវឹងរៀងៗខ្លួនហើយ រូបនាងសុំបុរសជនជាតិចិនត្រូវជាសង្សារខ្លួនទៅផ្ទះមុន ប៉ុន្តែសង្សារនាងហាមមិនឱ្យនាងទៅផ្ទះទេចង់នាំនាងទៅផ្ទះសំណាក់តែនាងនៅតែចង់ទៅផ្ទះ ស្រាប់តែបុរសនោះប្រើអំពើហិង្សាវាយទាត់ធាក់លើរូបនាង បណ្តាលឱ្យចុកឆ្អល់ដួលសន្លប់នៅកន្លែងតែម្តង។ ដោយឃើញបែបនេះ មិត្តភក្តិស្រីៗរបស់នាងក៏ទូរស័ព្ទសុំអន្តរាគមន៍ពីសមត្ថកិច្ចដើម្បីឱ្យជួយដល់ពួកនាងផង ។
ក្នុងហេតុការណ៍នេះដែរបន្តិចក្រោយ បន្ទាប់ពីលេចលឺដំណឹងនេះដល់សមត្ថកិច្ចមូលដ្ឋានក៏សហការជាមួយនឹងកម្លាំងអន្តរាគមន៍ខណ្ឌចំការមន ដឹកនាំកម្លាំងចុះទៅកន្លែងកើតហេតុ រួចចាប់វាយខ្នោះបុរសជាជនជាតិម្នាក់នោះ យកសាកសួរនៅប៉ុស្តិ៍នគរបាលបឹងកេងកង២តែម្តង ។ តែនៅពេលដែលទៅដល់ប៉ុស្តិ៍បុរសរូបនោះធ្វើពុតជាសន្លប់ធ្វើឱ្យសមត្ថកិច្ចពិបាកនឹងសួរនាំបំផុត ។
ក្រោយពេលកើតហេតុ ដោយសារតែអត់មានដំណោះស្រាយចេញ បុរសជាជនជាតិម្នាក់នោះត្រូវសមត្ថកិច្ចបញ្ជួនខ្លួនទៅអធិការដ្ឋានខណ្ឌចំការមន ដើម្បីសាកសួរ និងឱ្យជនរងគ្រោះទៅដាក់ពាក្យបណ្តឹងផងដែរ ៕
ចែករំលែកព័តមាននេះ