ខេត្តស្វាយរៀង ៖ ដោយទឹកព្រះទ័យ និងសទ្ធាជ្រះថ្លាក៏ដូចជាការដឹងគុណដល់លោកវេជ្ជបណ្ឌិត Beat Richner ស្ថាបនិកមន្ទីរពេទ្យគន្ធបុប្ផាដែលបានទទួលមរណភាពកាលពីព្រឹកថ្ងៃទី៩ ខែកញ្ញា ឆ្នាំ២០១៨ នេះ…
ខេត្តស្វាយរៀង ៖ ដោយទឹកព្រះទ័យ និងសទ្ធាជ្រះថ្លាក៏ដូចជាការដឹងគុណដល់លោកវេជ្ជបណ្ឌិត Beat Richner ស្ថាបនិកមន្ទីរពេទ្យគន្ធបុប្ផាដែលបានទទួលមរណភាពកាលពីព្រឹកថ្ងៃទី៩ ខែកញ្ញា ឆ្នាំ២០១៨ នេះ ព្រះចៅអធិការវត្តព្រៃឆ្លាក់រួមនឹងលោកអាចារ្យ គណៈកម្មការ និងពុទ្ធបរិស័ទចំណុះជើងវត្តជិតឆ្ងាយ បានមូលមតិគ្នាជាឯកច្ឆ័នប្រារព្ធពិធីបង្សុកូលដើម្បីឧទ្ទិសកុសលជូនដល់លោកវេជ្ជបណ្ឌិត Beat Richner ដែលពិធីនេះប្រព្រឹត្តទៅនៅព្រឹកថ្ងៃចន្ទ័ ៨កើត ខែភទ្របទ ឆ្នាំច សំរឹទ្ធិស័ក ព.ស២៥៦២ ត្រូវ នឹងថ្ងៃទី១៧ ខែកញ្ញា ឆ្នាំ២០១៨ នាវត្តព្រៃឆ្លាក់ ស្ថិតក្នុងសង្កាត់ព្រៃឆ្លាក់ ក្រុងស្វាយរៀង។
បើតាមសង្ឃដីការបស់ព្រះតេជគុណ យ៉ន សុខសាន្ត ចៅអធិការវត្តព្រៃឆ្លាក់បានមានសង្ឃដីកាឱ្យដឹងថា៖ ការប្រារព្ធពិធីបុណ្យបង្សុកូលនៅព្រឹកនេះគឺក្នុងគោលបំណងដើម្បីឧទ្ទិសកុសលជូនដល់បុព្វការីជន ទាំង៧សណ្តានដែលបានបាក់បែកចែកឋានទៅកាន់លោកខាងមុខផង។
ហើយជាពិសេសនោះ គឺដើម្បី ឧទ្ទិសមហាកុសលជូនដល់លោកវេជ្ជបណ្ឌិត Beat Richner ស្ថាបនិកមន្ទីរពេទ្យគន្ធបុប្ផាដែលបាន ទទួលមរណៈភាពកាលពីព្រឹកថ្ងៃទី៩ ខែកញ្ញា ឆ្នាំ២០១៨នេះ សូមដួងវិញ្ញាណខន្ធរបស់លោកបានទៅ ចាប់បដិសន្ធិនៅឋានសុគតិភព។ ប្រជាជនខ្មែរពិតជាសោកស្ដាយណាស់ដែលបាត់បង់រូបលោក និង អរគុណលោកណាស់ដែលលោកបានចំណាយពេលមួយជីវិតដើម្បីសង្គ្រោះកុមារកម្ពុជា៕
ចែករំលែកព័តមាននេះ