សប្បុរសទាំងឡាយដែលមានសន្តានចិត្តល្អ និងបានជាទីស្រឡាញ់រាប់អាននៃមហាជនគ្រប់ទិសទីគឺលោកប្រកបព្រមដោយធម៌៧ប្រការដូចតទៅនេះគឺៈ ១-ធម្មញ្ញុតា ភាពជាអ្នកដឹងធម៌គឺដឹងហេតុ ដឹងផល ២-អត្ថញ្ញុតា ភាពជាអ្នកដឹងអត្ថគឺដឹងផល ដឹងប្រយោជន៍ ៣-អត្តញ្ញុតា ភាពជាអ្នកដឹងខ្លួនឯងឱ្យច្បាស់…
សប្បុរសទាំងឡាយដែលមានសន្តានចិត្តល្អ និងបានជាទីស្រឡាញ់រាប់អាននៃមហាជនគ្រប់ទិសទីគឺលោកប្រកបព្រមដោយធម៌៧ប្រការដូចតទៅនេះគឺៈ
១-ធម្មញ្ញុតា ភាពជាអ្នកដឹងធម៌គឺដឹងហេតុ ដឹងផល
២-អត្ថញ្ញុតា ភាពជាអ្នកដឹងអត្ថគឺដឹងផល ដឹងប្រយោជន៍
៣-អត្តញ្ញុតា ភាពជាអ្នកដឹងខ្លួនឯងឱ្យច្បាស់
៤-មត្តញ្ញុតា ភាពជាអ្នកដឹងប្រមាណនៃការបរិភោគ
៥-កាលញ្ញុតា ភាពជាអ្នកដឹងកាល ស្គាល់ពេលវេលា
៦-បរិសញ្ញុតា ភាពជាអ្នកដឹងបរិស័ទ
៧-បុគ្គលបរោបរញ្ញុតា ភាពជាដឹងបុគ្គលខ្ពស់ទាប ដែលសេចក្តីនេះលោកសំដៅថា ចូលទៅអង្គុយជិតបុគ្គលណា គប្បីដឹង ឬយល់ចិត្តបុគ្គលនោះ ហើយធ្វើចរិយាឱ្យដូចបុគ្គលនោះ ។
ក្នុងចំណោមមាតិកាធម៌ទាំង៧ប្រការនេះ ត្រង់ចំណុចទី៥ កាលញ្ញុតា ភាពជាអ្នកស្គាល់ពេលវេលា លោកចាត់ថា ជាចំណុចសំខាន់ជាងគេ ព្រោះអ្នកស្គាល់ពេលវេលា ជាអ្នកធ្វើអ្វីៗប្រព្រឹត្តទៅច្បាស់លាស់ និងចេះបត់បែនទៅតាមកាលវេលា ពោលគឺមិនផ្កាប់មុខងប់នឹងអ្វីមួយដោយមិនចេះបត់បែនទៅតាមកាលៈទេសៈ ។
ចែករំលែកព័តមាននេះ