ខេត្តកណ្ដាល ៖ កម្មការសិប្បកម្មបោកសម្លៀកបំពាក់ជនជាតិចិនម្នាក់ខ្យល់គគាំងបេះដូងស្លាប់ កាលពីវេលាម៉ោង១០ព្រឹក ថ្ងៃទី១៦ កញ្ញា នៅចំណុចក្នុងរោងសិប្បកម្មបោកសម្លៀកបំពាក់របស់ឈ្មោះ Lai jian Zhu…
ខេត្តកណ្ដាល ៖ កម្មការសិប្បកម្មបោកសម្លៀកបំពាក់ជនជាតិចិនម្នាក់ខ្យល់គគាំងបេះដូងស្លាប់ កាលពីវេលាម៉ោង១០ព្រឹក ថ្ងៃទី១៦ កញ្ញា នៅចំណុចក្នុងរោងសិប្បកម្មបោកសម្លៀកបំពាក់របស់ឈ្មោះ Lai jian Zhu ភេទប្រុស ជនជាតិចិន (មិនទាន់ដំណើរការ) ស្ថិតក្នុងភូមិត្រពាំងឈូក ឃុំព្រែកគយ ស្រុកស្អាង ខេត្តកណ្ដាល។ ជនរងគ្រោះឈ្មោះ LIN WEIJIAN ភេទប្រុស អាយុ៥៥ឆ្នាំ ជនជាតិចិន កាន់លិខិតឆ្លងដែនលេខ EC5692130 ផុតសុពលភាពថ្ងៃទី១២ មីនា ២០២៨ ទិដ្ឋាការលេខ EI01499257 ផុតសុពលភាពថ្ងៃទី០១ មិថុនា ២០១៩ ស្នាក់នៅភូមិឃុំ កើតហេតុខាងលើ។
តាមសាក្សីឈ្មោះ Jian xijiu ភេទប្រុស អាយ៥៥ឆ្នាំ ដែលជាមេការសិប្បកម្ម បានបញ្ជាក់ប្រាប់សមត្ថកិច្ចថា នៅវេលាម៉ោង៩ និង៣០នាទីព្រឹក ថ្ងៃទី១៦ កញ្ញានេះ ពួកគេ និងជនរងគ្រោះបាននាំគ្នាធ្វើម្ហូប ដើម្បីហូបបាយថ្ងៃត្រង់។ ពេលកំពុងធ្វើម្ហូបនោះជនរងគ្រោះ បានដើរទៅបន្ទប់ធ្វើការបាត់ប្រហែលជាង១ម៉ោងក្រោយមកខ្លួន(Jian xijiu)ធ្វើម្ហូបរួចបានដើរទៅរកជនរងគ្រោះ ដើម្បីហូបបាយជុំគ្នា។ មេការសិប្បកម្មរូបនោះបន្តថា ពេលនោះខ្លួនបើកទៅបើកទ្វារបន្ទប់មើល ក៏ឃើញជនរងគ្រោះ ដេកស្លាប់នៅលើកម្រាលឥដ្ឋ។ ឃើញដូច្នោះខ្លួនបានឲ្យអ្នកបកប្រែរាយការណ៍ជូនទៅសមត្ថកិច្ច ដើម្បីជ្រាបពីការ បាត់បង់អាយុជីវិតកម្មករម្នាក់នោះ។
បន្ទាប់មកសមត្ថកិច្ចបានបង្កើតគណៈកម្មការចុះទៅពិនិត្យសាកសព និង បានធ្វើការសន្និដ្ឋានថា ជនរងគ្រោះស្លាប់ដោយសារខ្យល់គគាំងបេះដូង។ ក្រោយពិនិត្យរួចសាកសពរួច សមត្ថកិច្ចបានប្រគល់ជូនលោក Jian xiju មេការយកសិប្បកម្មដើម្បីយកទៅតម្កល់ទុកនៅវត្តទឹកថ្លា រាជធានីភ្នំពេញ រង់ចាំសាច់ញាតិមកពីប្រទេសចិនទទួលយកទៅធ្វើបុណ្យតាមប្រពៃណី៕
ចែករំលែកព័តមាននេះ