ស្ត្រីពួកខ្លះក្នុងលោកនេះមិនមានគុណធម៌ក្នុងខ្លួនទេ តែងត្មះតិះដៀល និងមាក់ងាយប្តី ដែលខ្លួនបានរៀបការឱនក្បាលដល់កន្ទេលយ៉ាងត្រឹមត្រូវតាមប្រពៃណី នេះជាទ្រឹស្តីព្រះពុទ្ធសាសនាបានចែងមក។ ពួកស្រីខ្លះបានមាក់ងាយប្តីដោយហេតុ៨យ៉ាងៈ ១-ប្ដីគ្មានទ្រព្យសម្បត្តិ ទីទ័លក្រ ២-ប្ដីឈឺជានិច្ច ឈឺមិនលស់ថ្ងៃ…
ស្ត្រីពួកខ្លះក្នុងលោកនេះមិនមានគុណធម៌ក្នុងខ្លួនទេ តែងត្មះតិះដៀល និងមាក់ងាយប្តី ដែលខ្លួនបានរៀបការឱនក្បាលដល់កន្ទេលយ៉ាងត្រឹមត្រូវតាមប្រពៃណី នេះជាទ្រឹស្តីព្រះពុទ្ធសាសនាបានចែងមក។ ពួកស្រីខ្លះបានមាក់ងាយប្តីដោយហេតុ៨យ៉ាងៈ
១-ប្ដីគ្មានទ្រព្យសម្បត្តិ ទីទ័លក្រ ២-ប្ដីឈឺជានិច្ច ឈឺមិនលស់ថ្ងៃ ៣-ប្ដីចាស់ទុព្វលភាព គ្មានកម្លាំងកំហែង ៤-ប្ដីផឹកគ្រឿងស្រវឹង សេពគ្រឿងញៀន ៥-ប្ដីធ្វេសប្រហែស មិនស្គាល់កាលគួរ និងមិនគួរ ៦-ប្ដីអាប់ឥតប្រាជ្ញា ល្ងង់ខ្លៅ មិនដឹងទិសតំបន់ ៧-ប្ដីខ្ជិលច្រអូសក្នុងកិច្ចការងារទាំងឡាយ និង៨-ប្ដីមិនប្រឹងប្រែងរកលុយ រកទ្រព្យសម្បត្តិឲ្យកើតមាន ។
ទោះជាយ៉ាងណាសម្រាប់ខ្លួនយើងជាប្រពន្ធត្រូវមានភក្តីភាព មានទឹកចិត្តស្មោះស្ម័គ្រចំពោះប្តី មិនគួរមើលងាយមើលថោកប្ដីទេ បើទោះជាប្តីជាអ្នកគ្មានទ្រព្យសម្បត្តិបំពេញចិត្តខ្លួនយ៉ាងណាក្តី។ ស្ត្រីគ្រប់រូប ត្រូវដឹងថា បុរសម្នាក់នេះជាស្វាមីរបស់យើងពិតៗ ដូច្នេះត្រូវគោរពស្រឡាញ់គាត់ឲ្យបានល្អ មិនត្រូវមាក់ងាយដោយហេតុណាមួយឡើយ និងត្រូវយកចិត្តទុកដាក់ចំពោះប្តីយើងទាំងថ្ងៃទាំងយប់គ្រប់ពេល និងត្រូវចេះសន្តោសចំពោះប្តី បើមានកំហុសឆ្គងណាមួយអាចអនុគ្រោះឲ្យបាន ក៏អនុគ្រោះទៅមិនត្រូវបង្កបញ្ហាឲ្យកាន់តែខ្លាំងក្លានោះទេ ។
ដោយឡែកខ្លួនអ្នកជាប្រុសវិញកាលបើដឹងថាប្រពន្ធមិនពេញចិត្តត្រង់ចំណុចណាមួយពិសេសគឺចំណុចទាំង៨ខាងលើនេះ អ្នកត្រូវធ្វើខ្លួនមិនឲ្យមានកំហុសឆ្គងគឺកំហុសជាន់កំហុសនេះតទៅទៀត និងត្រូវឧស្សាហ៍ព្យាយាមធ្វើការឡើងដើម្បីប្រែក្លាយខ្លួនជាប្ដីដ៏ល្អ ប្តីគំរូ ប្តីគួរជាទីគោរពស្រឡាញ់ ។
ចែករំលែកព័តមាននេះ