រាជធានីភ្នំពេញ ៖ ទីបំផុតការតវ៉ារបស់បេក្ខជនមួយចំនួនទាក់ទងនឹងលទ្ធផលប្រឡងបាក់ឌុបកាលពី ថ្ងៃទី២០ សីហា បានទទួលលទ្ធផលហើយ គឺបេក្ខជនជាប់និទ្ទេស(A) បានកើនឡើងគឺ៤០៨នាក់ និទ្ទេស(B)២.២២២ នាក់…
រាជធានីភ្នំពេញ ៖ ទីបំផុតការតវ៉ារបស់បេក្ខជនមួយចំនួនទាក់ទងនឹងលទ្ធផលប្រឡងបាក់ឌុបកាលពី ថ្ងៃទី២០ សីហា បានទទួលលទ្ធផលហើយ គឺបេក្ខជនជាប់និទ្ទេស(A) បានកើនឡើងគឺ៤០៨នាក់ និទ្ទេស(B)២.២២២ នាក់ និទ្ទេស(C)ចំនួន ៦០៤១នាក់ និទ្ទេស (D) បាន១៥.១៨០នាក់ និងនិទ្ទេស (E) ចំនួន៥៣.១៨៣នាក់។ នេះបើសេចក្តីប្រកាសព័ត៌មានរបស់ក្រសួងអប់រំយុវជន និងកីឡា។
ក្រសួងអប់រំនឹងប្រកាសលទ្ធផលនៅថ្ងៃទី១៤ កញ្ញា បន្ទាប់ពីបានបូកសរុបពិន្ទុកសារឡើងវិញ ដោយគណៈកម្មការសល្យវិច័យយរួមមក។ ក្រសួងបានអះអាងការបូកស្រង់ពិន្ទុ កន្លងមក ខុសបច្ចេកទេសដោយសារកុំព្យូទ័មួយ។ យ៉ាងណាក្តីក្រសួងបានអះអាងថា ពិន្ទុដែលស្រង់ខុសបច្ចេកទេសនោះ គឺមានតែមុខវិទ្យាគណិតវិទ្យា ក្នុងថ្នាក់វិទ្យាសាស្ត្រ ចំណែកថ្នាក់សង្គមវិទ្យាវិញមិនប៉ះពាល់នោះទេ។
សូមជម្រាបថា ការប្រកាសរបស់ក្រសួងនេះ បន្ទាប់ពីបេក្ខជនមួយចំនួនដែលមានសមត្ថភាពខាងគណិតវិទ្យាបានធ្វើការតវ៉ាចំពោះពិន្ទុរបស់ពួកគេលើមុខវិទ្យាគណិត្យវិទ្យា ដែលក្រសួងចេញកន្លងមកទទួលពិន្ទុសូន្យ (F)៕
ចែករំលែកព័តមាននេះ