រាជធានីភ្នំពេញ ៖ ប្រជាពលរដ្ឋម្នាក់បានចាប់នារីវ័យក្មេងម្នាក់វាយដំ និងកោរសក់ក្បាលថែមទៀតដោយសង្ស័យថា នាងជាចោរលួច បន្ទាប់ពីនារីរូបនោះដើរចូលទៅក្នុងផ្ទះមួយកន្លែង ហេតុការណ៍នោះកើតឡើងកាលពីម៉ោង១និង៣០នទីរសៀល ថ្ងៃទី១៣ ខែកញ្ញា ឆ្នាំ២០១៨…
រាជធានីភ្នំពេញ ៖ ប្រជាពលរដ្ឋម្នាក់បានចាប់នារីវ័យក្មេងម្នាក់វាយដំ និងកោរសក់ក្បាលថែមទៀតដោយសង្ស័យថា នាងជាចោរលួច បន្ទាប់ពីនារីរូបនោះដើរចូលទៅក្នុងផ្ទះមួយកន្លែង ហេតុការណ៍នោះកើតឡើងកាលពីម៉ោង១និង៣០នទីរសៀល ថ្ងៃទី១៣ ខែកញ្ញា ឆ្នាំ២០១៨ នៅចំណុចផ្សារព្រៃទា ស្ថិតក្នុងភូមិព្រៃទា សង្កាត់ចោមចៅ៣ ខណ្ឌពោធិ៍សែនជ័យ ។
នារីសង្ស័យវ័យក្មេងខាងលើមិនត្រូវបានគេស្គាល់ឈ្មោះឡើយ នាងមានអាយុប្រហែលជិត២០ឆ្នាំប៉ុណ្ណោះ និងមានរូបរាងស្រស់ស្អាតថែមទៀតផង ហើយនាងនិយាយថា មានស្រុកកំណើតនៅក្នុងទីរួមខេត្តពោធិ៍សាត់។
តាមប្រភពព័ត៌មានឲ្យដឹងថា នៅមុនកើតហេតុនារីសង្ស័យបានដើរចូលទៅក្នុងផ្ទះលក់ដូរមួយកន្លែងដោយគ្មានការអនុញ្ញាតពីម្ចាស់ផ្ទះឡើយ ខណៈនោះត្រូវម្ចាស់ផ្ទះឃើញទាន់ស្រែកថា«ចោរៗ» បង្កឱ្យមានការភ្ញាក់ផ្អើល និងចាប់ខ្លួនតែម្តង។ បន្ទាប់មកនាងបានលើកដៃសំពះអង្វរករសុំលើកលែងទោសពីសំណាក់ប្រជាពលរដ្ឋ។ ចំណែកប្រជាពលរដ្ឋសម្ដែងការខឹងសម្បាយ៉ាងខ្លាំក៏នាំចោមរោមវាយទាត់ធាក់ រួចចាប់កោរសក់របស់នាងថែមទៀតផង។
ប្រភពដដែលបន្តថា កន្លងមក អ្នករស់នៅតំបន់នោះបាត់ទូរស័ព្ទដែលមានតម្លែថ្លៃៗ ព្រមទាំងបាត់កាបូបលុយជាបន្តបន្ទាប់ ប៉ុន្តែរកមុខចោរមិនដែលឃើញម្ដងណាឡើយ ទើបពេលនេះឃើញនារីខាងលើដើរចូលក្នុងផ្ទះក៏កំណត់ថា ជាចោរបម្រុងលួចទៀតក៏ចាប់ខ្លួនតែម្ដង។ ប៉ុន្តែនារីដែលគេសង្ស័យរូបនេះក្រៅពីការលើកដៃសំពះអង្វរសុំការលើកលែងទោស នាងក៏បដិសេធថា មិនដែលធ្លាប់ធ្វើសកម្មភាពលួចរបស់អ្នកដទៃឡើយ។
ហើយនៅពេលដែលប្រជាពលរដ្ឋចាប់ផ្ដួលទៅលើដី ដើម្បីកោរសក់នោះនាងបានក្រាញននៀលមិនចង់ឲ្យកោរឡើយ ប៉ុន្តែទីបំផុតនៅតែត្រូវប្រជាពលរដ្ឋកោរសក់អស់១ចំហៀងក្បាលដដែល។ ក្រោយពីកោរសក់រួចប្រជាពលរដ្ឋដោះលេងទៅវិញ បន្ទាប់មកមិនដឹងថា នារីម្នាក់នោះទៅកន្លែងណាឡើយ ចំណែកនគរបាលប៉ុស្តិ៍ចោមចៅ៣ ក៏ចុះទៅកាន់កន្លែងកើតហេតុនោះផងដែរ ប៉ុន្តែពេលទៅដល់នារីសង្ស័យត្រូវដោះលែងផុតបាត់ទៅហើយ៕
https://www.youtube.com/watch?v=bLlj4DrjcGk
ចែករំលែកព័តមាននេះ