ខេត្តស្វាយរៀង ៖ សេចក្តីរាយការណ៍បឋមឱ្យដឹងថា ករណីឃាតកម្មមួយត្រូវបានដឹងថា ក្រុមឃាតករដឹកសាកសពបុរសម្នាក់តាមរថយន្ត យកមកប្លុងចោលនៅតាមបណ្តោយផ្លូវជាតិលេខ១ ក្បែរប៉ុស្ត៍នគបាលរដ្ឋបាលសង្កាត់ច្រកម្ទេសចម្ងាយ៥០ម៉ែត្រ បង្កការភ្ញាក់ផ្អើលដល់អ្នកធ្វើដំណើរតាមដងផ្លូវទាំងព្រឹកថ្ងៃទី១៣ កញ្ញា នេះ…
ខេត្តស្វាយរៀង ៖ សេចក្តីរាយការណ៍បឋមឱ្យដឹងថា ករណីឃាតកម្មមួយត្រូវបានដឹងថា ក្រុមឃាតករដឹកសាកសពបុរសម្នាក់តាមរថយន្ត យកមកប្លុងចោលនៅតាមបណ្តោយផ្លូវជាតិលេខ១ ក្បែរប៉ុស្ត៍នគបាលរដ្ឋបាលសង្កាត់ច្រកម្ទេសចម្ងាយ៥០ម៉ែត្រ បង្កការភ្ញាក់ផ្អើលដល់អ្នកធ្វើដំណើរតាមដងផ្លូវទាំងព្រឹកថ្ងៃទី១៣ កញ្ញា នេះ តាំងពីវេលាម៉ោង៦ព្រឹកម្លេ៉ះ ។
សេចកក្តីរាយការណ៍បន្តថា តាមការពិនិត្យសាកសពជនរងគ្រោះបឋម គឺមានសម្បុរ.ស និងសង្ស័យជាជាតិជនបរទេស ហើយត្រូវបានឃាតករសម្លាប់នៅកន្លែងផ្សេង ហើយបានច្រកសពក្នុងថង់ប្លាស្ទិក ពណ៌ខ្មៅ រួចដឹកសពតាមរថយន្តមកពីទឹសខាងកើត មកទម្លាក់ប្លុងចោលនៅលើចិញ្ចើមថ្នល់ជាតិលេខ១ ជិតប៉ុស្ត៍រដ្ឋបាលសង្កាត់ច្រកម្ទេសនេះ ។
ប្រភពដដែលបន្តទៀតថា បើតាមប្រជាពលរដ្ឋនៅជិតកន្លែងកើតហេតុឱ្យដឹងដែរថា នៅម៉ោងប្រមាណជា៤ទៀបភ្លឺ គេឃើញមានរថយន្តតូចមួយគ្រឿងបើកមកពីទិសខាងកើត ។ លុះមកដល់ចំណុចខាងលើ បានឈប់មួយសន្ទុះ ក៏បត់រថយន្តត្រឡប់ទៅទិសខាងកើតវិញ ប៉ុន្តែមិនបានចាប់អារម្មណ៍អ្វីទេ ។
លុះដល់ម៉ោង៦ព្រឹក ត្រូវបានអ្នកលក់នំប្រទះឃើញ ទើបផ្អើលឆោឡោ និងប្តឹងសមត្ថកិច្ចតែម្តង ។ ក្រោយពីសមត្ថកិច្ចមកពិនិត្យដំបូង មិនទាន់ស្គាល់អត្តសញ្ញាណទេ ហើយសន្និដ្ឋានថា ជាសពជនបរទេស ដោយពេលនេះ កំពុងរង់ចាំមន្ត្រីជំនាញបច្ចេកទេសមកធ្វើកោសល្យវិច័យ ។
បើតាមការសន្និដ្ឋាន ជនរងគ្រោះអាចត្រូវគេសម្លាប់ស្លាប់តាំងពីម៉ោង0៩ ឬម៉ោង១០យប់ថ្ងៃទី១២ កញ្ញា ហើយបានរុមថង់ផ្លាស្ទិចទុករហូតដល់ពេលទៀបភ្លឺ ពេលស្ងាត់ទើបលើកសពដាក់លើរថយន្តដឹកមកទម្លាក់ចោលតែម្តង ។
ប្រភពដ៏ដែលបន្តទៀតថា បើពិនិត្យមើលភិនភាគសពសង្ស័យថា ជាជនជាតិចិន ហើយមានគេឃើញជនរងគ្រោះ កាលពីល្ងាចថ្ងៃទី១២ កញ្ញា ២០១៨ ដើរញ៉ាំនំប៉័ងនៅក្រុងបាវិត ដូច្នេះ សមត្ថកិច្ចដាក់ការសង្ស័យជនរងគ្រោះអាចស្នាក់នៅបណ្តោះអាសន្ននៅក្រុងបាវិត។
ក្រោយពីពិនិត្យធ្វើកោសល្យវិច្ច័យរួចសមត្ថកិច្ចបានយកសពទៅរក្សាទុកនៅវត្តសុវណ្ណបុព្វារាម ភូមិអំពឹលសង្កាត់ច្រកម្ទេសក្រុងបាវិត រង់ចាំស្រាវជ្រាវរកសាច់ញាតិយកទៅធ្វើបុណ្យតាមប្រពៃណី។ ចំណែកឃាតករ សមត្ថកិច្ចបានធ្វើការស្រាវជ្រាវរកហើយ ។
ព័ត៌មានបន្ថែមនឹងមានផ្សាយជូនពេលក្រោយ ។
ចែករំលែកព័តមាននេះ