ទស្សនកិច្ច​សិក្សា ស្តី​ពី​ការងារ​កសាង​ពង្រឹង​អង្គភាព


ខេត្តបាត់ដំបង ៖ ក្នុង​ដំណើរ​ទស្សនកិច្ច​សិក្សា​នៅ​វរ​សេនា​តូច​ថ្មើរជើង​លេខ​៥១៤ តាម​ខ្សែបន្ទាត់​ព្រំដែន ចំណុះ​កងពលតូច​លេខ​៥១ នៅ​ព្រឹក​ថ្ងៃ​ទី​១២ ខែកញ្ញា ឆ្នាំ​២០១៨ ដឹកនាំ​ដោយ​លោក​ឧត្តមសេនីយ៍ទោ ឈុ​ន ម៉ៅ មេបញ្ជាការ​រង​យោធភូមិ​ភាគ​ទី​៥ មេបញ្ជាការ​រង​តំបន់​ទី​១ បាន​អញ្ជើញ​ជា​អធិបតី​ក្នុង​ពិធី​ទស្សនកិច្ច​សិក្សា ស្តី​ពី​ការងារ​កសាង​ពង្រឹង​អង្គ​ភាពរឹងមាំ​លើ​គ្រប់​វិស័យ នៅ​កងអនុសេនាធំ​ទី​១ វរ​សេនា​តូច​ថ្មើរជើង​លេខ​៥១៤ ចំណុះ​កងពលតូច​ថ្មើរជើង​លេខ​៥១ ស្ថិត​ក្នុងភូមិ​ថ្ម​ដែក​កែស ឃុំ​បន្ទាយឆ្មារ ស្រុក​ថ្មពួក​ខេត្តបន្ទាយមានជ័យ ដោយ​មានការ​ចូលរួម​ពី លោក​ឧត្តមសេនីយ៍ត្រី ជុំ ស៊ី​ថា មេបញ្ជាការ​រង​កងពលតូច​ថ្មើរជើង​លេង​៥១​ផង​ដែរ​។

បន្ទាប់​ពី​ប្រតិភូ​អញ្ជើញ​ចុះ​ត្រួតពិនិត្យ​ជាក់ស្តែង​តាម​បណ្តា​គោលដៅ​នានា​ក្នុង​កងអនុសេនាធំ​ទី​១ វរ​សេនា​តូច​ថ្មើរជើង​ល​ខ​៥១៤ រួច​មក​គណៈអធិបតី និង​ប្រតិភូ​ក៏​បាន​ចូលរួម​មតិ​វាយតម្លៃ​នូវ​ចំណុច​វិជ្ជមាន និង​អវិជ្ជមាន​ដែល​អង្គភាព​ទាំងមូល​ធ្វើ​បាន​។ ក្នុង​នោះ​សរុប​វាយតម្លៃ​ក្នុង​អង្គពិធី​ជាបឋម​អស់លោក មេបញ្ជាការ​តាម​បណ្ត​អង្គភាព​ផ្សេង​ៗ ជា​អធិបតី​បាន​ធ្វើការ​កោតសរសើរ និង​ថ្លែងអំណរគុណ​យ៉ាង​ជ្រាលជ្រៅ ចំពោះ​វត្តមាន នៃ​ការ​អញ្ជើញ​ចូលរួម​ដ៏​កុះករ​ពី​សំណាក់​អស់លោក​ពី​គ្រប់​បណ្តា​អង្គភាព​ជិត​ឆ្ងាយ​ទាំងអស់ ដែល​បាន​ចូលរួម​ធ្វើ​ទស្សនកិច្ច​សិក្សា​ដើម្បី​ចែករំលែក​បទ​ពិសោធន៍​រក​ការ​រីក​ចម្រើន​ផ្លាស់​ប្តូរ​ពី​គ្នា​ទៅ​វិញ​ទៅ​មក​ផង​ដែរ​។

ចំពោះ​អង្គភាព​វរ​សេនា​តូច​លេខ​១ នា​ពេល​នោះ​លោក​ឧត្តមសេនីយ៍ទោ ឈុ​ន ម៉ៅ បាន​ថ្លែង​ការ​កោតសរសើរ ដោយសារ​ជាក់ស្តែង​ឃើញ​ថា មានការ​វិវឌ្ឍន៍​ឈាន​ឡើង​ច្រើន បើ​ប្រៀបធៀប​ទៅ​នឹង​រយ​:​ពេល​៣​ឆ្នាំ​មុន​(២០១៥) កន្លង​មកនេះ​តាម​ទិស​ដៅ​លោក​ឧត្តមសេនីយ៍ឯក ប៊ុ​ន សេង មេបញ្ជាការ​រង​កងទ័ពជើងគោក មេបញ្ជាការ​យោធភូមិ​ភាគ​ទី​៥ តែងតែ​ដាស់តឿន​ជា​ប្រចាំ សំខាន់​ការ​ធានា​ជីវភាព​កងទ័ព កសាង​ជំរុំ​ជម្រក​ស្នាក់​នៅ កសាង​ទីបញ្ជាការ​សម្រាប់​ការងារ​ក្នុង​អង្គភាព​បន្ថែម​ទៀត​បាន​យ៉ាង​ល្អ​ប្រសើរ​។

លោក​ឧត្តមសេនីយ៍ទោ បាន​បន្ត​ទៀត​ថា នេះ​សបញ្ជាក់​ពី​ប្រសិទ្ធភាព​នៃ​ការ​ដឹកនាំ​របស់​ថ្នាក់ដឹកនាំ​របស់​មេបញ្ជាការ​អង្គភាព​គ្រប់​ថ្នាក់ មានការ​សាមគ្គី ឯកភាព​ផ្ទៃក្នុង​ល្អ និង​ដោយ​អាស្រ័យ​មានការ​ចូលរួម​ដ៏​សស្រាក់សស្រាំ​ពី​នាយ​-​ពល​ទាហាន​គ្រប់​ៗ​រូប និង​ដោយ​អាស្រ័យ​លើ​ការ​យកចិត្តទុកដាក់​ពី​លោក​ឧត្តមសេនីយ៍ទោ សេង ធា​រិ​ន មេបញ្ជាការ​កងពល​ពល​តូច​ថ្មើរជើង​លេខ​៥១ ជួយ​ជំរុញ​ផង​ដែរ​។

តាម​រយៈ​នេះ​ដែរ​លោក​ឧត្តមសេនីយ៍ទោ បាន​ជំរុញ​នឹង​ធ្វើការ​ផ្តាំផ្ញើ​ដល់​អង្គពិធី​ទាំងមូល ជា​ពិសេស​អង្គភាព​កងអនុសេនាធំ​ទី​១ វរ​សេនា​តូច​ថ្មើរជើង លេខ​៥១៤ ត្រូវ​បន្ត​អនុវត្ត​ការងារ​កសាង​ពង្រឹង​អង្គ​ភាពរឹងមាំ​លើ​គ្រប់​វិស័យ ដូចដែល​មាន​ចែង​នៅ​ក្នុង ផែនការ​កសាង​ពង្រឹង​អង្គ​ភាពរឹងមាំ​លើ​គ្រប់​វិស័យ​របស់​យោធភូមិ​ភាគ​ទី​៥ ទាំង​៤​ខ្លឺ​ម​សារ ដោយ​ស្មារតី ទទួលខុសត្រូវ​ខ្ពស់ ស្មារតី​ច្នៃប្រឌិត​គំនិត​ផ្តើម​តទៅ​មុខ​ទៀត​ឲ្យ​ដូច​ភ្លៀងរលឹម​។

ព្រម​ជាមួយ​នេះ លោក​ឧត្តមសេនីយ៍ទោ ក៏​បាន​ក្រើនរំលឹក​គ្រប់​អង្គភាព​អនុវត្ត​ឲ្យ​រឹង​មាំ​ភារកិច្ច​នៃ​កង​យោធពលខេមរភូមិន្ទ ការពារ​ជាតិ​បូរណភាព​ទឹកដី​ការពារ​រដ្ឋធម្មនុញ្ញ​ការពារ​ព្រះមហាក្សត្រ ការពារ​រាជរដ្ឋាភិបាល​ស្របច្បាប់ ការពារ​សុខ​សន្តិភាព ស្ថិរភាព​សង្គម​ជាតិ​កម្ពុជា​នៃ​យើង​ឲ្យ​បាន​ដាច់ខាត ទោះជា​តម្លៃ​ណា​ក៏​ដោយ​៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព្រឹត្តិការណ៍សង្គម

អត្រាប្តូរប្រាក់

  • ប្រាក់រៀល (1USD)
អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ