ព្រះសង្ឃជាន់ខ្ពស់មួយអង្គថា មនុស្សលោកសព្វថ្ងៃហាក់ឈ្នានីសឫស្យា គួរអប់រំចិត្ត
- ភ្នំពេញ
ខណៈដែលសង្គមកំពុងតែលង់នឹងអំពើក្លែងបន្លំ ពុករលួយ ក្មេងទំនើងច្រើន ព្រះបញ្ញាមុនីញាណ ហាក់ សៀងហៃ នាយកប្រតិបត្តិអង្គការព្រះពុទ្ធសាសនា ដើម្បីអប់រំនៃកម្ពជា បានលើកទឹកចិត្តឲ្យពុទ្ធបរិស័ទព្យាយាមអប់រំចិត្ត ។
ព្រះអង្គបានមានថេរៈដីកាហើយចែកចាយនៅលើបណ្តាញសង្គមថា «មនុស្សយើងសព្វថ្ងៃ បាត់បង់តម្លៃ គុណធម៌ជីវិត ឈ្នានីសឫស្យា លោភលន់ឥតគិត គួរអប់រំចិត្ត ទើបសុខគ្រប់គ្នា» ។
នៅពេលដែលព្រះអង្គចែករំលែកបែបនេះ ក៏មានការចូលរួមយោបល់ជាច្រើន ដោយនៅក្នុងនោះ ក៏មានអ្នកលើកឡើងផងដែរថា ឬសគល់នៃបញ្ហានេះ បណ្តាលមកពីមិនបានបញ្ចូលបញ្ជ្រាបមនោគមវិជ្ជា តាមបែបពុទ្ធសាសនា ក្នុងវិស័យអប់រំ រយៈពេលជាងសែសិបឆ្នាំមកហើយ ។ អ្នកខ្លះបានអះអាងថា សម័យមុន ពេលរៀនថ្នាក់កុមារដ្ឋានក៏មានពាក្យទូន្មានរបៀបព្រះធម៌ដែរ តួយ៉ាងមេសូត្ររត់មាត់មួយឃ្លារថា អ្នកមានរក្សារក្សត់ ដូចសំពត់ព័ទ្ធពីក្រៅ អ្នកប្រាជរក្សាខ្លៅ …….។ល។
និងអ្នកខ្លះទៀតបានបន្ថែមទៀតថា សង្គមមនុស្សសព្វថ្ងៃពិតជាអញ្ចឹងមែន! នៅក្នុងសង្គមអ្នកដែលជួបមនុស្សបាត់បង់តម្លៃ នៃភាពជាមនុស្សច្រើន បើនិយាយយ៉ាងខ្លី មនុស្សក្លែងក្លាយច្រើន៕
ចែករំលែកព័តមាននេះ