ប្រហិតសាច់ក្ដាម ជាង ៤តោន មានផ្ទុកសារធាតុ ប៉ូរ៉ាក់ លួ.ចនាំចូលមកពីប្រទេសវៀតណាម ត្រូវបានដុ.តបំផ្លា.ញចោល
- តាកែវ
ខេត្តតាកែវ ៖ កម្លាំងជំនាញសាខាគយ និងរដ្ឋាករខេត្តតាកែវ សហការជាមួយ អាជ្ញាធរពាក់ព័ន្ធសមត្ថកិច្ច បានធ្វើការបង្ក្រាប និងពិនិត្យ លើករណីឃាត់រថយន្តដឹកទំនិញគ្មានច្បាប់អនុញ្ញាតមួយគ្រឿង លួចដឹកប្រហិតសាច់ក្ដាម ចំនួន ៤១៦កេស ស្មើនឹង ៤១៦០គីឡូក្រាម ពិនិត្យរកឃើញមានផ្ទុកសារធាតុគីមីហាមឃាត់ (ប៉ូរ៉ាក់) លួចនាំចូលពីប្រទេសវៀតណាម តាមភូមិជ្រោយពេន ឃុំក្រពុំឈូក ស្រុកកោះអណ្តែត ខេត្តតាកែវ យកមកដុតបំផ្លាញចោល នៅទីលានចាក់សំរាម ក្នុងក្រុងដូនកែវ ខេត្តតាកែវ ។
បើតាមសមត្ថកិច្ចគយដែលចុះបង្ក្រាបបានឱ្យដឹងថា សារធាតុគីមីហាមឃាត់ (ប៉ូរ៉ាក់) នេះគឺមានផលប៉ះពាល់ អាចបង្កឲ្យមានជំងឺ របកស្បែក ប្រគ្រីវកាច់ ខ្សោយតម្រងនោមដែលអាចនាំឲ្យខូចតម្រងនោមធ្ងន់ធ្ងរ ឈឺសន្លាក់ និងឆ្អឹង ប៉ះពាល់ដល់ប្រព័ន្ធក្រពះ ពោះវៀន ចង្វាក់ដង្ហើមថយចុះ ប៉ះពាល់ដល់ប្រព័ន្ធសរសៃឈាមបេះដូង ខូចថ្លើម និងប្រព័ន្ធប្រសាទ។
ប្រជាពលរដ្ឋដែលជាអាជីវករបាននាំគ្នាគ្នានិយាយថាគ្រប់ត្រីសាច់ផ្សេងៗដែលមានផ្ទុកសាធាតុគីមីឬហួសដឺឡេកំពុងតែនាំចូលមកពីប្រទេសជិតខាងឬលក់នៅតាមទីផ្សារនានាច្រើនធ្វើអោយប្រជាពលរដ្ឋទិញយកទៅទទួលទានមានផលប៉ះសុខភាពយ៉ាងខ្លាំងតែមិនមានខាងមន្ត្រីក ប ប ខេត្តចុះមកត្រួតពិនិត្យឡើយ។
មន្ត្រីរាជការក៏ដូចជាសមត្ថកិច្ចបានគ្នានិយាយថាចំពោះមន្ត្រីក ប ប ខេត្តតាកែវគឺចាំតែទទួលរបស់ដែលសមត្ថកិច្ចផ្សេងទៀតបង្ក្រាបបានហើយចាប់បានហៅមកសហការណ៍ដើម្បីផុតកំទេចចោលតែប៉ុណ្ណោះ ៕
ចែករំលែកព័តមាននេះ