ខេត្តស្វាយរៀង ៖ បែកធ្លាយរឿងសមត្ថកិច្ចកងរាជអាវុធហត្ថចាប់ឃាត់ឈើ៥កំណាត់ប្រភេទឈើធ្នង់ របស់ប្រជាពលរដ្ឋដឹកយកទៅធ្វើគ្រឿងផ្ទះត្រូវបានអាជ្ញាធរឃុំស្រុកខេត្តអន្តរាគមន៍បានប្រគល់ឲ្យម្ចាស់វិញហើយ។ នៅថ្ងៃទី១១ កញ្ញា ២០១៨នេះ លោក ម៉ៅ សាមឿន…
ខេត្តស្វាយរៀង ៖ បែកធ្លាយរឿងសមត្ថកិច្ចកងរាជអាវុធហត្ថចាប់ឃាត់ឈើ៥កំណាត់ប្រភេទឈើធ្នង់ របស់ប្រជាពលរដ្ឋដឹកយកទៅធ្វើគ្រឿងផ្ទះត្រូវបានអាជ្ញាធរឃុំស្រុកខេត្តអន្តរាគមន៍បានប្រគល់ឲ្យម្ចាស់វិញហើយ។ នៅថ្ងៃទី១១ កញ្ញា ២០១៨នេះ លោក ម៉ៅ សាមឿន មេឃុំធ្មាបានបញ្ជាក់ថា គឺមានការឃាត់ឈើ ធ្នង់៥កំណាត់មែនពីកម្លាំងសមត្ថកិច្ច ដោយឈើនេះមានគោលបំណងដឹកទៅខេត្តត្បូងឃ្មុំ គឺពុំមានច្បាប់ អនុញ្ញាតិ និងខ្លាចក្រែងជាការជួញដូរ ប៉ុន្តែដោយមានការសហការ និងសម្របសម្រួលពីអាជ្ញាធរឃុំ ស្រុកខេត្តរួចមកប្រភេទឈើប្រណីតនេះ ត្រូវបានប្រគល់ជូនម្ចាស់ផ្ទះវិញរួចរាល់ និងរក្សាទុកនៅផ្ទះ របស់គាត់ប្រើប្រាស់តាមតម្រូវការ។
បើតាមស្ត្រីម្ចាស់ឈើឈ្មោះ អ៊ុច យ៉ាន អាយុ៦៨ឆ្នាំ ជាប្រជាពលរដ្ឋនៅភូមិព្រែកត្នោត ឃុំធ្មា ស្រុករំដួល ខេត្តស្វាយរៀង ជាម្ចាស់ឈើធ្នង់នេះ ក៏បានបញ្ជាក់ច្បាស់ថា ឈើនេះគាត់កាប់នៅក្នុងដីលំនៅដ្ឋានរបស់គាត់ ហើយមានបំណងដឹកយកទៅ ប្រគល់ឱ្យកូននៅខេត្តត្បូងឃ្មុំដើម្បីធ្វើផ្ទះខណៈពេលដឹកចេញពីផ្ទះបានប្រហែល២គីឡូម៉ែត្រក៏មានការឃាត់សួរនាំពីសមត្ថកិច្ច និងមិនអនុញ្ញាតឱ្យដឹកជញ្ជូនទៅឆ្ងាយទេ ក្រោយពីផ្តល់ព័ត៌ទៅលោកមេឃុំ និងអាជ្ញាធរស្រុករួចមក ភ្លាមៗនេះក៏មានការសម្របសម្រួលពីអជ្ញាធរឃុំ ស្រុក និងខេត្តទើបឈើនេះបាន ប្រគល់ជូនស្ត្រីជាម្ចាស់វិញយកទៅប្រើប្រាស់តាមតម្រូវការ។
បច្ចុប្បន្នឈើនេះរក្សាទុកក្នុងផ្ទះរបស់ ស្ត្រីម្ចាស់ឈើខាងលើមិនមានការរឹបអូសយកទៅណាឡើយ។ សូមបញ្ជាក់ថា កាលពីថ្ងៃទី២ កញ្ញា ២០១៨ កន្លងទៅសមត្ថកិច្ចបានឃាត់រថយន្តដឹកឈើប្រណីត ជាប្រភេទឈើធ្នង់៥កំណាត់នេះ នៅត្រង់ចំណុច ភូមិបឹងកែក ឃុំធ្មា ស្រុករំដួល ដោយសមត្ថកិច្ចសង្ស័យខ្លាចក្រែងមានការជួញដូរឈើ ព្រោះជាឈើប្រណីតក្រោយពីធ្វើការឃាត់សួនាំម្ចាស់ឈើប្រាប់ថាដឹកយកទៅឲ្យកូននៅខេត្តត្បូងឃ្មុំធ្វើផ្ទះពេលសួររកច្បាប់ដឹកជញ្ជូនគ្មានទើបឃាត់ទុកតែម្តង។ ក្រោយពីសម្របសម្រួលពីលោកមេឃុំ និងអាជ្ញាធរស្រុករួចមក បច្ចុប្បន្ននេះឈើទាំងអស់នោះបានប្រគល់ជូនម្ចាស់ដើមវិញហើយ៕
ចែករំលែកព័តមាននេះ