ខេត្តសៀមរាប ៖ លោកពៅ ពិសិដ្ឋ អភិបាលរងខេត្តសៀមរាប បានដឹកនាំប្រតិភូជាសមាជិកក្រុមប្រឹក្សាខេត្ត ថ្នាក់ដឹកនាំមន្ទីរ អង្គភាព កងកម្លាំងប្រដាប់អាវុធ និងមន្ត្រីរាជការក្នុងខេត្ត…
ខេត្តសៀមរាប ៖ លោកពៅ ពិសិដ្ឋ អភិបាលរងខេត្តសៀមរាប បានដឹកនាំប្រតិភូជាសមាជិកក្រុមប្រឹក្សាខេត្ត ថ្នាក់ដឹកនាំមន្ទីរ អង្គភាព កងកម្លាំងប្រដាប់អាវុធ និងមន្ត្រីរាជការក្នុងខេត្ត អញ្ជើញដាក់កម្រងផ្កា អុជធូបទៀន និងគោរពវិញ្ញាណក្ខន្ធ លោកសាស្ត្រាចារ្យវេជ្ជបណ្ឌិត BEAT RICHNER ស្ថាបនិកមន្ទីរពេទ្យ
គន្ធបុប្ផា នៅសាលមហោស្រពនៃមន្ទីរពេទ្យកុមារជ័យវរ្ម័នទី៧ ក្នុងខេត្តសៀមរាប កាលពីរសៀលថ្ងៃទី១០ កញ្ញា ។
លោកអភិបាលរងខេត្តបានមានប្រសាសន៍ថា មរណភាពរបស់លោកវេជ្ជបណ្ឌិត BEAT RICHNER គឺជាការបាត់បង់ដ៏ធំធេង មិនត្រឹមតែចំពោះក្រុមគ្រួសារប៉ុណ្ណោះទេ តែក៏ជាការបាត់បង់នូវធនធានមនុស្សដ៏សំខាន់មួយរូប ដែលបានលះបង់កម្លាំងកាយចិត្ត ស្ទើរពេញមួយជីវិត លើការងារមនុស្សធម៌សម្រាប់ប្រជាជនកម្ពុជា តាមរយៈការបង្កើតមន្ទីរពេទ្យគន្ធបុប្ផា និងផ្តល់សេវាព្យាបាលដោយពុំគិតថ្លៃសម្រាប់កុមារ ដែលបានរួមចំណែកយ៉ាងសំខាន់ក្នុងការអភិវឌ្ឍន៍វិស័យសុខាភិបាលក្នុងព្រះរាជាណាចក្រកម្ពុជា ។
គួររំលឹកថា លោកសាស្ត្រាចារ្យវេជ្ជបណ្ឌិត BEAT RICHNER បានទទួលមរណៈភា នៅក្នុងប្រទេស
ស្វ៊ីស កាលពីថ្ងៃទី០៩ កញ្ញា ឆ្នាំ២០១៨ វេលាម៉ោង០២ និង៤៥នាទីព្រឹក ក្នុងជន្មាយុ៧១ឆ្នាំ បន្ទាប់ពីលោកធ្លាក់ខ្លួនឈឺធ្ងន់ជាច្រើនខែ។
ចែករំលែកព័តមាននេះ