ព្រឹកនេះកម្មករជាង២ពាន់នាក់បានផ្ទុះការតវ៉ាទៀតហើយ(មានវីដេអូ)

ថ្ងៃទី ០៧ ខែ កញ្ញា ឆ្នាំ ២០១៨

ម៉ោង ១០:០២

រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា កម្មកររោងចក្រកាត់ដេរដែលមាន «យីហោជីម លី » មានទីតាំងស្ថិតនៅភូមិត្រពាំងទួល សង្កាត់កំបូល ខណ្ឌពោធិសែនជ័យ រាជធានីភ្នំពេញ បានផ្ទុះការតវ៉ា ហេតុការណ៍នេះបានកើតឡើងនៅវេលាម៉ោង៨និង៣០នាទី ព្រឹកថ្ងៃទី០៧ ខែកញ្ញា ឆ្នាំ២០១៨ ។

សេចក្តីរាយការណ៍បន្តថា កម្មករខាងលើមានចំនួន២ពាន់នាក់ជាងបានផ្ទុះការតវ៉ា ដែលការផ្ទុះនេះមានរយៈពេល២ខែមកហើយ ដោយសារថៅកែរត់ចោលគេចទៅស្រុកចិនបាត់ ហើយរោងចក្រត្រូវបិទលែងដំណើរទៀត ហើយអត់បានបើកប្រាក់អតីតភាព និងប្រាក់ផ្សេងៗទៀតដែលកម្មករធ្លាប់ទទួលបាន ហើយណាមួយរោងចក្រគ្មានដំណោះស្រាយជូនកម្មករទៀត ។

ដោយកម្មករបាននាំគ្នាជិះឡានចេញពីរោងចក្រប្រហែលជា១០គ្រឿង ហើយក៏ត្រូវបានសមត្ថកិច្ចស្ទាក់ឲ្យចូលសាលាខណ្ឌ ដើម្បីសម្របសម្រួល តែកម្មករមិនបានចូលទៅសាលខណ្ឌទេ រួមនាំគ្នាចុះដើរ ហើយដើរសម្តៅទៅវិមានឯករាជ្យ និងក្រសួងការងារតែម្តង ។

ទិសដៅសំខាន់របស់កម្មករ គឺគាត់បានទៅវិមានឯករាជ្យ ដែលនៅក្បែរផ្ទះសម្តេច និងឲ្យសម្តេចជួយដោះស្រាយ ដោយប្រាក់ខែពួកកាត់ក៏មិនបើកលុយបំណាច់ផ្សេងៗទៀតក៏មិនបើក ។ នៅខណៈនេះដែរនគរបាលខណ្ឌសែនសុខ ទាំងសមត្ថកិច្ច គ្រប់កងកម្លាំងប្រដាប់អាវុធ ព្យាយាមទប់ស្កាត់ នៅផ្លូវកម្ពុជាក្រោម រហូតមកដល់មុខសាលាសង្កាត់ទឹកល្អក់ទី១ ហើយទោះបីយ៉ាងណាកម្មករនៅតែបន្តបុកទៅគោលដៅ ហើយសមត្ថកិច្ចនៅតែបន្តទប់ស្កាត់ដដែល ៕