រាជធានីភ្នំពេញ ៖ បុរសម្នាក់បានរងរបួសធ្ងន់ ត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗខណៈពេលជិះម៉ូតូលឿន សង្ស័យស្រវឹងជ្រុលទៅបុកក្បាលនាគពុះចែកទ្រូងផ្លូវ កាលពីវេលាម៉ោង១រំលងអធ្រាត្រឈានចូលថ្ងៃទី០៥ ខែកញ្ញា ឆ្នាំ២០១៨ នៅចំណុចគល់ស្ពានអាកាសស្ទឹងមានជ័យខាងលិច តាមបណ្តោយផ្លូវព្រះមុន្នីរ៉េត…
រាជធានីភ្នំពេញ ៖ បុរសម្នាក់បានរងរបួសធ្ងន់ ត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗខណៈពេលជិះម៉ូតូលឿន សង្ស័យស្រវឹងជ្រុលទៅបុកក្បាលនាគពុះចែកទ្រូងផ្លូវ កាលពីវេលាម៉ោង១រំលងអធ្រាត្រឈានចូលថ្ងៃទី០៥ ខែកញ្ញា ឆ្នាំ២០១៨ នៅចំណុចគល់ស្ពានអាកាសស្ទឹងមានជ័យខាងលិច តាមបណ្តោយផ្លូវព្រះមុន្នីរ៉េត ស្ថិតក្នុងសង្កាត់ស្ទឹងមានជ័យទី២ ខណ្ឌមានជ័យ ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញបុរសម្នាក់ជិះម៉ូតូម៉ាកហុងដាឌ្រឹម ស៊េរីឆ្នាំ២០១២ ពណ៌ខ្មៅ ពាក់ស្លាកលេខកណ្តាល 2N – 7338 ធ្វើដំណើរតាមបណ្តោយផ្លូវព្រះមុន្នីរ៉េត ក្នុងទិសដៅពីលិចទៅកើត ក្នុងល្បឿនលឿន ខណៈមកដល់ចំណុចកើតហេតុក៏រ៉េចង្កូតទៅបុករបាំងថ្មពុះចែកទ្រូងផ្លូវ បណ្តាលឲ្យមនុស្សដួលបោកក្បាលរបួសធ្ងន់តែម្តង ចំណែកម៉ូតូវិញអូសជាង២០ម៉ែត្រ ។ ភ្លាមៗនោះដែរជនរងគ្រោះត្រូវរថយន្តសង្គ្រោះមកដឹកជនរងគ្រោះយកទៅសង្គ្រោះនៅគ្លិនិក ។ ចំណែកម៉ូតូរងការខូចខាតបែកកាទែរចំហៀងឆ្វេងខ្ទេច ។
ក្រោយពេលកើតហេតុនៅសល់តែម៉ូតូរបស់ជនរងគ្រោះត្រូវសមត្ថកិច្ចមូលដ្ឋានបានមកយកទៅរក្សាទុកនៅប៉ុស្តិ៍នគបាលស្ទឹងមានជ័យ២ រង់ចាំសាច់ញាតិមកទទួលយកទៅវិញ ៕
ចែករំលែកព័តមាននេះ