គូស្នេហ៍​១​គូ​ត្រូវ​បាន​តុលាការ​សម្រេច​ឃុំខ្លួន ដាក់​ពន្ធនាគារ​បណ្តោះអាសន្ន


ខេត្តកណ្តាល ៖ នៅ​ល្ងាច​ថ្ងៃ​ទី​០៣ កញ្ញា ២០១៨ លោក គឹ​ម ម៉េ​ង ចៅក្រម​ស៊ើបសួរ​សាលាដំបូង ខេត្តកណ្តាល បាន​សម្រេច​ចេញ​ដីកាឃុំខ្លួន​គូស្នេហ៍​មួយគូ ដែល​កម្លាំង​កងរាជអាវុធហត្ថ​ក្រុង​តា​ខ្មៅ ធ្វើការ​ឃាត់ខ្លួន​ដាក់​ពន្ធនាគារ​បណ្តោះអាសន្ន​ពី​បទ “​ជួញដូរ​ដោយ​ខុសច្បាប់​នូវ​សារធាតុ​ញៀន​” ប្រព្រឹត្ត​នៅ​ភូមិ​ព្រែក​ឫស្សី សង្កាត់​ព្រែក​ឫស្សី ក្រុង​តា​ខ្មៅ ខេត្តកណ្តាល កាលពី​ថ្ងៃ​ទី​០១ ខែកញ្ញា ឆ្នាំ​២០១៨ នៅ​វេលា​ម៉ោង​១ និង​៥៥​រសៀល តាម​មាត្រា​៤០ នៃ​ច្បាប់​ស្តី​ពី​ការ​ត្រួតពិនិត្យ​គ្រឿងញៀន​។

ជន​ត្រូវ​ចោទ​ទី​០១​ឈ្មោះ ឌី ហៀ​ង ភេទ​ប្រុស អាយុ​៣៩​ឆ្នាំ មុខរបរ​លក់​គុយទាវ មាន​ទីលំនៅ​ភូមិ​ព្រែក​សំរោង សង្កាត់​តា​ខ្មៅ ក្រុង​តា​ខ្មៅ ខេត្តកណ្តាល​, ទី​០២​ឈ្មោះ សុង រដ្ឋ ភេទ​ស្រី អាយុ​២៨​ឆ្នាំ មុខរបរ​មិន​ពិតប្រាកដ មាន​ទីលំនៅ​ភូមិ​កោះធំ ឃុំ​កោះធំ ស្រុក​កោះធំ ខេត្តកណ្តាល​។ បើ​តាម​កម្លាំង​អាវុធហត្ថ​ក្រុង​តា​ខ្មៅ​បាន​ឲ្យ​ដឹង​ថា មុន​ពេល​កើតហេតុ បាន​ដឹកនាំ​កម្លាំង​ដោយ​មេ​បញ្ជា​ក្រុង និង​កម្លាំង​ការិយាល័យ​បទល្មើស​គ្រឿងញៀន និង​មេ​ភូមិ​ព្រែក​ឫស្សី។

ដោយ​មានការ​សម្របសម្រួល​ពី​លោក លាវ ស្រេង ព្រះរាជអាជ្ញា​អម​សាលាដំបូង​ខេត្តកណ្តាល បន្ទាប់​ពី​មាន​ប្រជាពលរដ្ឋ​បាន​ទូរស័ព្ទ ផ្តល់​ព័ត៌មាន​មក​មេបញ្ជាការ​កងរាជអាវុធហត្ថ​ក្រុង​តា​ខ្មៅ​ថា មាន​អ្នក​ប្រើប្រាស់ និង​ចែក ចាយ​នូវ​សារធាតុ​ញៀន​នៅ​ចំណុច​ខាងលើ​។ ក្រោយ​ពី​បាន​ព័ត៌មាន​កម្លាំង​កងរាជអាវុធហត្ថ​ក្រុង និង​ខេត្ត បាន​ចុះ​ប្រតិបត្តិការ​បង្ក្រាប​បាន​គូស្នេហ៍​មួយគូ ថ្នាំ​ញៀន​១៥​កញ្ចប់ តូច​១៣​កញ្ចប់ ធំ​០២​កញ្ចប់ រួម​នឹង​វ​ត្ដុ​តាង​មួយ​ចំនួន​ទៀត​៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

សន្ដិសុខ​សង្គម

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ