រាជធានីភ្នំពេញ ៖ នារីវ័យក្មេងម្នាក់ត្រូវមិត្តភក្តិនាំទៅញុំាអាហាររួចក៏ទុកចោលម្នាក់ឯង រហូតដល់យប់បានហៅម៉ូតូឌុបជិះត្រឡប់ទៅផ្ទះវិញ ត្រូវអ្នករត់ម៉ូតូឌុបឃើញហើយចង់ប៉ុនប៉ងរំលោភផ្អើលដល់សមត្ថកិច្ចមកជួយអន្តរាគមន៍ ព្រមទាំងអ្នកយកព័ត៌មានជួយជូនត្រឡប់ទៅផ្ទះវិញបង្កឲ្យមានការភ្ញាក់ផ្អើល កាលពីវេលាម៉ោង៨យប់ ថ្ងៃទី០២ ខែកញ្ញា ឆ្នាំ២០១៨…
រាជធានីភ្នំពេញ ៖ នារីវ័យក្មេងម្នាក់ត្រូវមិត្តភក្តិនាំទៅញុំាអាហាររួចក៏ទុកចោលម្នាក់ឯង រហូតដល់យប់បានហៅម៉ូតូឌុបជិះត្រឡប់ទៅផ្ទះវិញ ត្រូវអ្នករត់ម៉ូតូឌុបឃើញហើយចង់ប៉ុនប៉ងរំលោភផ្អើលដល់សមត្ថកិច្ចមកជួយអន្តរាគមន៍ ព្រមទាំងអ្នកយកព័ត៌មានជួយជូនត្រឡប់ទៅផ្ទះវិញបង្កឲ្យមានការភ្ញាក់ផ្អើល កាលពីវេលាម៉ោង៨យប់ ថ្ងៃទី០២ ខែកញ្ញា ឆ្នាំ២០១៨ តាមបណ្តោយផ្លូវជាតិលេខ៦ នៅចំណុចរង្វង់មូលនាងមឆ្ឆា ស្ថិតនៅក្នុងសង្កាត់ព្រែកលៀប ខណ្ឌជ្រោយចង្វារ ។
នារីដែលត្រូវអ្នករត់ម៉ូតូឌុបលែបខាយប៉ុនប៉ងរំលោភបានប្រាប់ថា នាងមានអាយុ១៦ឆ្នាំ មុខរបររត់តុកាហេ្វ នៅក្រុងតាខ្មៅ ស្នាក់នៅខណ្ឌមានជ័យ មានស្រុកកំណើតនៅ ខេត្តកណ្តាល ។
ប្រភពព័ត៌មានពីនារីខាងលើបានឲ្យដឹងថា មុនពេលកើតហេតុរូបគេ និងមិត្តភក្តិប្រុសស្រី២ នាក់ទៀត បាននាំគ្នាជិះម៉ូតូមួយគ្រឿងទៅអង្គុយលេងនៅរង្វង់មូលនាងមច្ឆា នៅគល់ស្ពានជ្រោយចង្វារ ស្ថិតក្នុងសង្កាត់ព្រែកលៀប ខណ្ឌជ្រោយចង្វារ ដើម្បីទៅអង្គុយញុំាអាហាររហូតដល់ម៉ោងកើតហេតុខាងលើមិត្តភក្តិស្រីប្រុស២នាក់នោះ បានជិះម៉ូតូចេញទៅដោយប្រាប់ថាទៅក្រៅបន្តិច ហើយឲ្យរូបនាងនៅអង្គុយចាំ ដល់យូរពេកអត់ឃើញមកវិញ នាងក៏បានហៅម៉ូតូឌុប ដើម្បីជិះត្រឡប់ទៅបន្ទប់ជួលវិញ ។
ប្រភពដដែលបន្តទៀតថា ពេលដែលរូបនាងដើរចេញពីកន្លែងអង្គុយចាំអាហារទៅជិះម៉ូតូឌុបដែលជាកន្លែងស្ងាត់បានហៅអ្នករត់ម៉ូតូឌុបម្នាក់ឈប់និយាយតថ្លៃគ្នា បម្រុងនឹងឡើងជិះចេញទៅហើយ ដោយអ្នករត់ម៉ូតូឌុបយកថ្លៃ១៥០០០រៀល ស្រាប់តែអ្នករត់ម៉ូតូឌុបបានលូកចាប់ដៃហាក់ដូចជា មានគំនិតមិនល្អដាក់នាង ទើបនាងស្រែកថា ចាប់រំលោភ ធ្វើឲ្យមានការផ្អើលឆោឡោដល់សមត្ថកិច្ចចុះមកជួយអន្តរាគមន៍ភ្លាមៗនោះ អ្នករត់ម៉ូតូឌុបប្រាប់ថា មិនបានចាប់រំលោភទេ រួចហើយក៏ជិះម៉ូតូចេញទៅបាត់ ។
បន្ទាប់ពីមានការភ្ញាក់ផ្អើលនារីខាងលើ មិនហ៊ានជិះម៉ូតូឌុបត្រឡប់ទៅផ្ទះវិញទេ ត្រូវបាន សមត្ថកិច្ចប្រាប់ឲ្យអ្នកយកព័ត៌មានជូនត្រឡប់ទៅផ្ទះ នៅសង្កាត់ចាក់អង្រែក្រោម ខណ្ឌមានជ័យវិញ ៕
ចែករំលែកព័តមាននេះ